Tatu samarqand filiali

6-misol. Misolning yechish algoritmi quyidagicha bo`ladi: 

1) 

mashina xotirasiga a va b ning qiymati kiritilsin; 

2) 

to`g`ri to`rtburchaklar soni n kiritilsin; 

3) 

to`rtburchaklar asosi (eni) hisoblansin: h=(b-a)/n; 

4) 

1-nchi to`rtburchak balandligi (bo`yi) aniqlansin: x1=a; 

5) 1-nchi to`rtburchak yuzi hisoblansin: S1=sqr(x1)*h; 

6) S1 ning qiymati eslab qolinsin; 

7) 2-nchi to`rtburchakka o`tilsin; x2=x1+h (balandligi shunga bog`liq); 

8) 2-nchi to`rtburchak yuzi hisoblansin: S2=sqr(x2)*h; 

9) S2 ning qiymati S1 ning qiymatiga qo`shib qo`yilsin va yig`indi eslab qolinsin; 

................................. 

k-2) n-nchi to`rtburchakka  o`tilsin: xN = x(N-1)+h=b; 

k-1) n-nchi to`rtburchak yuzi hisoblasin: Sn=sqr(b)*h; 

k) Sn ning qiymati S1, S2,..., S(N-1) lar qiymatiga qo`shilsin. 

Algoritmni ishlab chiqish uchun avvalo masalaning yechish yo`lini yaxshi tasavvur 

qilib  olish,  keyin  esa  uni  formallashtirish,  yani  aniq  qoidalar  ketma-ketligi 

ko`rinishida yozish kerak. 

---

Bu misollardan bitta umumiy tomonini kuzatish mumkin. Bu algoritmdan qanday 

maqsad  ko`zlanganligini  bilmasdan  turib  ham  uni  muvaffaqiyat  bilan  bajarish 

mumkin.  Demak,  hayotda  uchraydigan  murakkab  jarayonlarni  boshqarishni  yoki 

amalga  oshirishni  robotlar,  kompyuterlar  va  boshqa  mashinalar  zimmasiga 

yuklashimiz  mumkin  ekan.  Bu  esa  algoritmning  juda  muhim  afzalligidir.  Shunga 

ko`ra,  har  bir  inson  o`z  oldiga  qo`yilgan  masalaning  yechish  algoritmini  to`g`ri 

tuzib  bera  olsa, u  o`z  aqliy  va  jismoniy  mehnatini  yengillashtiribgina  qolmay,  bu 

ishlarni avtomatik tarzda bajarishni mashinalarga topshirishi ham mumkin. 

Algoritmni  ishlab  chiqishda  masalani  yechish  jarayonini  shunday  formallashtirish 

kerakki,  bu  jarayon  yetarli  darajadagi  oddiy  qoidalarning  chekli  ketma-ketligini 

ko`rinishiga  keltirilsin.  Masalan,  biz  ko`pincha  ko`p  xonali  sonlar  ustida  asosiy 

arifmetik amallarni bajarishda vatandoshimiz Al-Xorazmiyning IX asrda yaratgan 

qoidalarini ishlatamiz. «Algoritm» atamasi ham ana shu buyuk matematik nomidan 

kelib chiqadi. 

Shuning  uchun  algoritm  deb,  masala  yechimini  tasvirlashning  ixtiyoriy  tasviri 

olinmasdan,  balki  faqatgina  ma'lum  xossalarni  bajara  oladiganlari  qabul  qilinadi. 

Ko`rsatmalarning  mazmuni,  kelish  tartibi,  qo`llanish  doirasi  va  olinadigan 

natijadan kelib chiqib, algoritmning eng asosiy xossalari bilan tanishamiz.