O‘zbekiston respublikasi oliy va o‘rta maxsus ta’lim vazirligi

SOG‘LOM TURMUSH TARZI TALABLARI  
VA KASALLIKLARNING OLDINI OLISH 
 
Turmush tarzi – insonning hayotdagi yashashi, mehnat qili-
shi,  dam  olishi,  davolanishi  va  boshqalarni  o‘z  ichiga  olgan 
tushunchadir.  Uning  tarkibiy  qismlariga  insonning  ijtimoiy-
siyosiy,  ishlab  chiqarish  va  undan  tashqari  vaqtdagi  faoliyati, 
ijtimoiy-madaniy faoliyati hamda tibbiy faollik kiradi. Inson o‘z 
hayoti  davomida  turli  salbiy  ta’sirlarga,  turli  sharoit  va  nojo‘ya 
holatlarga  tushib  qolishi  mumkin.  Bular  esa  aholini  salomatlik 
haqidagi  bilimlarini  oshirishga,  sog‘lom  turmush  tarziga  rioya 
qilishga undashni taqozo qiladi.  
Sog‘lom turmush tarzi keng ma’nodagi tushuncha bo‘lib, u 
quyidagi faollikni talab qiladi: 
1) unumli mehnat qilish; 
2) faol dam olish; 
3) to‘g‘ri ovqatlanish; 
4) doimiy jismoniy harakat; 
5) organizmni chiniqtirish;