Birinci yanaşma minimum istehsal xərcləri ilə liderliyin ələ alınmastdır. Bu
strategiya nəticəsində firma analoji məhsula daha aşağı qiymətlər qoyması hesabına
bazarın böyük hissəsinə yiyələnə bilər. Belə strategiyanı reallaşdıran firmada istehsal
ve təchizat səmərəli təşkil edilməli, müasir texnologiyası və mühəndis konstruktor
bazası olmalıdır. Belə strategiyada marketinq xidməti yüksək səviyyədə inkişaf
etdirilməyə de bilər.
İkinci yanaşma məhsul istehsalında ixtisaslaşma ilə əlaqədar strategiyanın
işlənməsidir. Belə halda firma yüksək ixtisaslaşmış istehsalı həyata keçirməli və öz
məhsulunun istehsalı üzrə lider olması üçün marketinqi də yüksək səviyyəyə
çatdırmalıdır. Bu ona gətirib çıxarır ki, alıcı, hətta qiymət kifayət qədər yüksək olsa da
həmin məhsulu seçir. Bu tip strategiyanı reallaşdıran frmaların yüksək potensialı,
səviyyəli dizaynerləri, yüksək keyfiyyətli məhsul təminatı sistemi, habelə inkişaf etmiş
marketinq sistemi olur.
Üçüncü yanaşma isə bazarda müəyyən seqmentə malik qurumlann
strategiyasının müəyyən edilməsinə əsaslanır. Belə hallarda firma bütün bazarda deyil,
özünün dəqiq müəyyən edilmiş seqmentində fəaliyyət göstərir və müəyyən növ
məhsula bazarın tələbini aydınlaşdırır. Bu zaman müəyyən biznes qurumu xərclərin
aşağı salınmasına cəhd edə bilər və ya məhsul istehsalının ixtisaslaşdırılması siyasətini
yeridə bilər. Bu iki yanaşmadan qarşılıqlı istifadə də mümkündür. Ancaq üçüncü tip
strategiyanın həyata keçirilməsi üçün tam vacibdir ki, firma bazarın müəyyən
seqmentində hər şeydən öncə tələbatı təhlil etməklə öz fəaliyyətini təkcə bazarın
tələbləri baxımından deyil, həm də müəyyən müştərilərin tələbatını nəzərə almaqla
qurmalıdır.
Ən çox yayılmış, praktikada sınaqdan çıxmış və ədəbiyyatda geniş
işıqlandırılmış biznesin inkişaf strategiyası etalon strategiyası adlanır. Bunlar biznes
qurumlarının inkişafının müxtəlif yanaşmalarını ifadə edir. Etalon strategiyası məhsul,
bazar, sahələr, sahə daxilində firmanın vəziyyəti və texnologiya ilə bağlıdır.
