O’zbekiston respublikasi oliy va o’rta maxsus ta’lim vazirligi namangan davlat universiteti

181. Abdulla Qahhorning qanday qissalarini bilasiz? 
 
Sevimli adibimiz Abdulla Qahhor epik turning qissa janrida ham barakali 
ijod qilgan. Yozuvchi qissa janrida xalq hayotining turli davrlari, muammolari, 
turli kishilar xarakteri aks ettirilgan “Qishloq hukm ostida”(1932, birinchi kitobi 
ham shu nom bilan chiqqan),“Qotilning tug’ilishi”(1933),“Dardaqdan chiqqan 
qahramon”(1944), “Oltin yulduz”(1944), “Sinchalak” (1958), “Zilzila”(1959, qissa 
tugallanmay qolgan), ”O’tmishdan ertaklar”(1964), ”Muhabbat”(1966) kabi 
qissalarni yozgan. Bu asarlarning mavzulari rang-barang. Adib qissadan qissaga 
ijodiy o’sa borgan. 
182. Abdulla Qahhorning tugallanmay qolgan qissasi qanday nomlangan? 
 
Abdulla Qahhorning tugallanmay qolgan qissasi “Zilzila“ deb nomlangan
bo’lib, asar yozuvchi vafotidan so’ng nashr etilgan.
 
 
183. Abdulla Qahhorning qanday hajviy hikoyalarini bilasiz? 
Abdulla Qahhor o’z ijodi bilan tinch hayotimizga raxna soluvchi har qanday 
salbiy hodisalarga qadrshi ayovsiz kurash olib borgan. Bu holat uning ko’plab 
asarlarida o’z ifodasini topgan. “ Mayiz yemagan xotin “, “Bek” hikoyalarida 
kekkaygan ozodlik dushmanlari, ig’vogarlarni, ”Adabiyot muallimi “,”San’atkor”, 
“To’yda aza “, “O’jar” hikoyalarida savodsiz, soxta san’atkorlarni fosh etadi. 
“Munofiq’, “Ikki yorti – bir butun”, “Qizlar”, “Bashorat”, “Qanotsiz chittak”, 
“Og’aynilar”, “Ayb kimda? kabi ko’plab hajviy hikoyalarida ham jamiyatdagi 
ayrim nuqson va illatlar ustidan kuladi, ulardan tezroq qutulish kerakligini qayta-
qayta uqtirib o’tadi. 
 
184. Abdulla Qahhorning o’tmish mavzusiga doir qanday hikoyalarini 
bilasiz? 

---

Abdulla Qahhorning o’tmish mavzusida yozgan hikoyalari juda ko’p. Ular 
qatoriga “Bemor”,”O’g’ri”,”Dahshat”,”Anor”, “Tomoshabog’”, “Millatchilar” kabi 
hikoyalarini ko’rsatishimiz mumkin. Yozuvchi ijodining so’nggi yillarida bunday 
mavzudagi asarlar yana ko’paydi. “O’tmishdan ertaklar” qissasining ko’p boblari, 
undagi Babar va Savrinisolarning fojialari ham mavzu va g’oya jihatidan o’tmish 
mavzusiga yaqin turadi.