Jins bilan birikib irsiylanish
Yüklə 169,85 Kb. Pdf görüntüsü
|
- Bu səhifədəki naviqasiya:
- 176-masala.
- 177-masala.
- 178-masala.
- 179-masala.
|
175-masala. Akvariumda boqiladigan baliq zotlaridan birining (guppi) kulrang
urg‘ochi baliqlari ola-bula erkak baliqlar bilan chatishtirilganda, birinchi avlodda olingan baliqchalarning 50% i urg‘ochi bo‘lib, ular kulrang bo‘lgan, 50% i esa erkak bo‘lib, ular ola-bula bo‘lgan. F 2 va F 3 da ham bu natija takrorlangan. Olingan natijalarni izohlang. CHatishtirish uchun olingan dastlabki urg‘ochi va erkak baliqlarning genotipini aniqlang. 176-masala. Oq rangli erkak akvarium baliqlari qizil urg‘ochi baliqlar bilan chatishtirilgan. F 1 da olingan barcha erkak va urg‘ochi baliqchalar qizil rangli bo‘lgan. F 2 da olingan 117 ta baliqchalar erkak va urg‘ochi bo‘lishiga qaramay qizil bo‘lgan, 43 tasi esa erkak bo‘lib, ular oq rangli bo‘lgan. Teskari chatishtirish o‘tkazilganda esa F 1 da olingan 197 ta baliq oq, erkak jinsli va 130 ta baliq qizil, urg‘ochi jinsli bo‘lgan. Bu belgi qanday irsiylanadi? Baliqlarning genotipini aniqlang. 177-masala. Endi tuxumdan chiqqan jo‘jalarning jinsini birdaniga aniqlab bo‘lmaydi. CHunki, ularning jinsidan darak beruvchi tashqi belgilar hali yaxshi rivojlanmagan bo‘ladi. Patning qora yoki chipor bo‘lishini ta’min etuvchi gen X xromosomada joylashganligi e’tiborga olinsa, jo‘jalarning jinsini vaqtliroq aniqlash uchun belgilarning jins bilan birikkan holda irsiylanishi hodisasidan foydalanish mumkinmi? 178-masala. CHipor tovuqlar qora xo‘rozlar bilan chatishtirilganda, keyingi avlodda olingan jo‘jalarning 1/2 qismi chipor va 1/2 qismi qora patli bo‘lgan. Jo‘jalarning jinsi aniqlanganda chipor patli jo‘jalarning hammasi xo‘roz va qora patlilarning hammasi tovuq bo‘lib chiqqan. CHatishtirish uchun olingan tovuq va xo‘rozlarning hamda jo‘jalarning genotipini aniqlang. 179-masala. Kanareykalarda patning yashil bo‘lishini B va jigarrang bo‘lishini b genlari ta’minlaydi. Har ikala gen X xromosomada joylashgan. YAshil rangli nar kanareykalar jigarrang patli moda kanareykalar bilan chatishtirilganda, keyingi avlodda olingan kanareykalarning 50% i nar va 50% i moda bo‘lgan. Har qaysi jinsga mansub qushlarning 50% i yashil va 50% i jigarrang bo‘lgan. CHatishtirish uchun olingan va chatishtirishdan keyin olingan kanareykalarning genotipini aniqlang. Yüklə 169,85 Kb. Dostları ilə paylaş:
|