NAMUNAVIY SHAKL
JISMONIY SHAXSGA BANK KARTASINI OCHISH VA
ULARGA XIZMAT KO‘RSATISH BO‘YICHA
OMMAVIY OFERTA SHARTNOMASI
Aksiyadorlik tijorat Xalq banki (keyingi o‘rinlarda - Bank) ushbu bilan quyida ko‘rsatilgan
shartlar
asosida shartnoma tuzishni taklif qiladi va ushbu oferta bilan tasdiqlangan shartlarning
bajarilishi mazkur
shartnomaning tuzilishi ekanligi va yuridik ahamiyatga ega ekanligini eslatadi:
I. ASOSIY TUSHUNCHA VA ATAMALAR
1.1. Mazkur Ofertada quyidagi asosiy tushuncha va atamalardan foydalaniladi:
Bank – Aksiyadorlik tijorat Xalq bankining Bosh banki va uning filiallari.
Bank kartasi – o‘z egasiga bank hisobvarag‘i orqali bank kartasining
amal qilish muddati doirasida,
naqd pulsiz shaklda hisob-kitoblarni amalga oshirish imkoniyatini beruvchi to‘lov kartasi.
Xalqaro karta – Bank emitent tomonidan emissiya qilingan “VISA”
bank kartasi egasiga undagi
mablag‘lar doirasida bank hisobvarag‘i orqali naqd pulsiz hisob-kitoblarni amalga oshirish va hisobvaraqdan
naqd pul olish imkonini beruvchi xalqaro to‘lov vositasi.
Foydalanuvchi – Bank filiali, internet tarmog‘idagi www.xb.uz korporativ veb sayti yoki “Xalq
Mobile” ilovasi orqali bank kartasini ochish va ularga xizmat ko‘rsatish bo‘yicha murojaat qilgan,
Ofertani
akseptlovchi jismoniy shaxs.
Shartnoma –
Ushbu Ofertani akseptlash orqali Bank va foydalanuvchi o‘rtasida masofadan turib yoki
bankka kelib, bank kartasini ochish va ularga xizmat ko‘rsatish bo‘yicha tuziladigan bitim.
Bank kartasi hisobvarag‘i - bank kartasi vositasida undagi pul mablag‘larini
tasarruf etish mumkin
bo‘lgan bank hisobvarag‘i.
PIN-kod – bank kartasi egasining shaxsiy identifikatsiya raqami bo‘lib, u karta hisobvarag‘idagi pul
mablag‘larini boshqarish huquqini hamda mablag‘larni boshqarishga bank
kartasining egasi tomonidan
ruxsat berilganligini tasdiqlaydi.
