Paxtaobod pedagogika kolleji

5-ilova
NAZORAT SAVOLLAR
1. Bibliografiya texnologiyasi ?
2. Bibliografiyaning obekti nima ?
3. Bibliografiyaning metodikasi nimalardan iborat?
4. Bibliografiya nazariyasi xaqida gapiring? .


6-ilova
KELGUSI MASHG’ULOT: Bosma mahsulotlarni klassifikatsiya qilish
UYGA VAZIFA: Mavzu bo’yicha qo’shimcha ma’lumotlar izlab topish.

7-mavzu: Bibliografiya ob’ektlari haqida umumiy tushuncha
Reja:
1. Bibliografiya ob'еktlari haqida umumiy tushuncha
2. Bibliografik ob’yektlar.
3. Bibliografiya turlari.
BIBLIOGRAFIYA (Yunoncha biblion kitob va … grafin) — matbuot hamda yozuv asarlari haqida axborot tayyorlash va berish hamda ularni ma’lum ijtimoiy maqsadlarda targ’ib qilish bilan shug’ullanadigan ilmiy va amaliy faoliyat sohasi. Bibliografiya mahsulotlari, nazariyasi, tarixi, faoliyatini tashkil etish va uslubiyati bilan shug’ullanadigan fan Bibliografiya fani deb ataladi. Bibliografiya taraqqiyotini turli xil bibliografik ma’lumotnoma adabiyotlarini tuzadigan maxsus tashkilotlar (Bibliografiya xizmati) tizimi ta’minlaydi. Bibliografiya tuzish qadimgi dunyoda paydo bo’lgan (jumladan miloddan avvalgi 3-asrda Aleksandriya kutubxonasida Kallimax rahbarligida tuzilgan bibliografik jadval). “Bibliografiya” termini dastlab kitob ko’chirib yozishni anglatgan, vaqt o’tishi bilan (17- asr o’rtalaridan) kitoblar bayonini bildiradi. Bibliografiya tarixi kitob bosish yuzaga kelishi bilan boshlandi. Bosma asarlarning barcha turlari, qo’lyozmalar, ijtimoiy ilmiy ahamiyatga ega bo’lgan eng yangi qo’lyozmalar (dissertatsiyalar, saqlashga topshirilgan qo’lyozmalar) Bibliografiyaning o’rganish sohasidir. Texnika taraqqiyoti, mikrofilm, ovoz yozish (gramplastinka) va boshqalarning paydo bo’lishi, matn yozishning o’zgarishi Bibliografiya ko’lamini kengaytirmoqda. Bibliografiya taraqqiyotiga fan va madaniyat yutuqlari, jamiyatning qiroatxonlik talabining o’sishi katta ta’sir etadi. O’z navbatida Bibliografiya ham ilmiy, adabiy va texnik ijodiyotga, nashriyot va kutubxonashunoslikka, kitob savdosi, ta’lim va mustaqil ta’limga ta’sir ko’rsatadi. Bibliografiya bosma asarlarni aniqlash, saralash va izohlash bilan fan taraqqiyoti yutukqlarini jamlashga va keyingi tadqiqotlarga zamin yaratadi, madaniyat rivojiga ayrim shaxs, xalq yoki mamlakatning qo’shgan hissasini o’zida aks ettiradi; masalani o’rganishga oid zarur tarixiy asarlarni ko’rsatadi. Kutubxonalarda to’plangan yoki yangi bosmadan chiqqan bosma asarlarni targ’ib qilib, Bibliografiya alohida ilmiy muxit, siyosiy, falsafiy va estetik qarashlarni tarqalishiga, shuningdek texnikaviy malakani oshishiga ta’sir etadi. Bibliografiya ilmiy va texnika xabarlari bilan yaqin aloqada. Ulardan farqli o’laroq, ilmiy nazariya, g’oya, dalillar haqida emas, balki ular haqidagi bosma asarlar to’g’risida ma’lumotlar berib, ilmiy xabar bilan birga ilmiy, ma’rifiy va tarbiyaviy vazifani bajaradi. Ko’pgina mamlakatlarda, jumladan O’zbekistonda ham bosma asarning majburiy (kontrol) nusxasi joriy qilingan bo’lib, shu asosda bosma asarni hisobga olish, so’ng kitobxonlarga mo’ljallab saralash yo’lga qo’yilgan. Bosma asarlarni ularning ilmiy va g’oyaviy ahamiyati, shuningdek mazmunini yoritib guruhlarga ajratish muhim ahamiyatga ega.
Bosma asarlar turlar (kitoblar, davriy nashrlar va boshqalar), rasmiy belgilar (alfaviti, nashr joyi yoki sanasi), mazmuni (mavzu, fan va tarmoqlar) bo’yicha guruhlanadi. Bu bosma asarlarni guruhlarga ajratishning umumiy asosidir, bibliograflar har bir alohida hollarda o’zlarining tarmoklar rejasini yaratadi. Bosma asarlarning tavsifnomasi muhim ahamiyatga ega. Uning asosiy qismi tasvirlash bo’lib, unga muallif familiyasi, asar sarlavhasi, sarlavhachasi, nashr joyi, nashriyot nomi, nashr vaqti (yili), hajmi (sahifa va bezaklar soni), zarur bo’lganda adadi, narxi va boshqalar haqidagi ma’lumotlar kiradi. Tasvirlash elementlari, odatda, o’rnatilgan qoidalar, shuningdek standartlar asosida belgilanadi. Bosma asarlar mazmuni tavsifnomasining asosiy shakllari — annotasiya, referat, guruh axborot (obzor). Ijtimoiy vazifasiga ko’ra, davlat Bibliografiyasi, ilmiy yordamchi Bibliografiya va tavsiya Bibliografiyasiga; mazmuniga ko’ra, umumiy, soha va mavzuli Bibliografiyaga bo’linadi. Bibliografiyaning alohida turini bibliografiya bibliografiyasi, biobibliografiya (shaxs Bibliografiyasi), va o’lkashunoslik Bibliografiyasi tashkil etadi. Bu bo’linish nisbiydir. Nashr shakliga ko’ra, bibliografik qo’llanmalar, bibliografik jurnallar, byulleten, gazeta, kitob va maqolalar ko’rsatkichlari va adabiyotlar ro’yxati kabilar farqlanadi. Turkistonda Bibliografiya ishi 9 — 15-asrlardayoq rivojlana boshlagan. Fan va adabiyotimizning yirik vakillari (Abu Ali ibn Sino, Abu Rayhon Beruniy va boshqalar) ning asarlarida saroy kutubxonalari tomonidan o’z jamg’armalarining Bibliografiya ro’yxati va ularni tasnif qilish ishlari olib borilganligi haqida ma’lumotlar bor. Jumladan, Beruniy “Fihrist kutub Muhammad ibn Zakariyo ar Roziy” (“Muhammad ibn Zakariyo ar Roziy kitoblarining ro’yxati”) nomli Muhammad ibn Zakariyo Roziy ijodiga oid Bibliografiya tuzadi. Ko’rsatkichda Roziyning 184 asarining ro’yxatini berish bilan birga Beruniyning 1036 yilgacha yozgan 113 asarining ro’yxati ham keltiriladi. Bibliografiya qo’llanmalari tuzish keyingi davrlarda ham davom etdi: Ibn Abdullahab Yoqutning “Ismlar lug’ati va fanlar mazmuni” (12-asr); Xoja Xalifaning “Kitob va fan nomlaridagi Shubxaning bartaraf etilishi” (18-asr) va boshqalar. Turkistonni Rossiya bosib olgandan keyin Bibliografiya bilan rus bibliograflari (N. V. Dmitrovskiy, V. I. Mejov va boshqalar) shug’ullangan. 20-asr 20 — 30-yillaridan Bibliografiya ishiga jiddiy ahamiyat berila boshlandi va hozirgi kunda muhim davlat ishiga aylangan. 1926 yildan O’zbekiston Respublikasi kitob palatasi, 1930 yildan Alisher Navoiy nomidagi O’zbekiston Respublikasi davlat kutubxonasi Bibliografiya bo’limining tashkil qilinishi o’zbek milliy Bibliografiyasining rivojlanishiga zamin yaratdi. O’zbek tilida tuzilgan dastlabki ko’rsatkich S. Dolimov va F. Ubaydullayevning “Mukammal ilmiy bibliografiya” (1934) asari bo’lib, unda 3 ming kitobning tavsifi berilgan. O’zbekiston Respublikasi milliy kitob palatasi respublika davlat Bibliografiyasining asosiy markazidir