Pedagogik dasturiy vositalar

Xalq ta’limi tizimi mutaxassis xodimlarini qayta tayyorlash ta’limi mazmuni va sifatiga qo‘yiladigan umumiy talablar
Xalq ta’limi tizimi mutaxassis xodimlarini qayta tayyorlash ta’lim jarayonining mazmuni va sifatiga qo‘yiladigan davlat ta’lim talablari O‘zbekiston Respublikasining “Ta’lim to‘g‘risida”gi Qonuni va boshqa normativ-huquqiy hujjatlariga muvofiq belgilanadi hamda ularda ta’lim jarayonini tashkil etishni, uning mazmunini, metodik ta’minlashni, sifat va samaradorligini oshirishni takomillashtirishga doir talablar qo‘yiladi.
Qayta tayyorlash xalq ta’limi tizimi mutaxassis xodimlari tayyorgarligining zarur hamda yetarli darajasi, ulardagi bilim va amaliy mahoratning mazkur kadrlarga qo‘yiladigan malaka talablariga muvofiqligi bilan belgilanadi.
Xalq ta’limi tizimi mutaxassis xodimlarini qayta tayyorlash kursi mazkur davlat ta’lim talablariga muvofiq ishlab chiqilgan namunaviy (tayanch) o‘quv reja va dastur asosida tashkil etiladi.
Xalq ta’limi tizimi mutaxassis xodimlarini qayta tayyorlash kursining o‘quv dasturi mazmuniga qo‘yiladigan talablar mutaxassislik bo‘yicha zarur hamda yetarlicha bilim va ko‘nikmalarni o‘zlashtirish hisobga olingan holda mutaxassislarning malaka tavsiflariga qat’iy muvofiqlik tamoyillari asosida belgilanadi.
O‘quv dasturi fan, texnika, texnologiyaning so‘nggi yutuqlariga muvofiq tashkil etilishi hamda ta’lim tizimida uzviylik va uzluksizlikni ta’minlash talablariga mos kelishi kerak.
O‘quv dasturida ta’lim oluvchilar tomonidan bilimlarni mustaqil izlash va ularni o‘zlashtirish nazarda tutilishi lozim.
Qayta tayyorlash kurslaridagi o‘quv jarayoni namunaviy (tayanch) o‘quv reja va dastur asosida ishlab chiqilgan variativ ishchi o‘quv rejalar va ishchi dasturlari asosida amalga oshiriladi.
Qayta tayyorlash kursining mazmuni va sifatiga qo‘yiladigan talablar tegishli ta’lim dasturlari bilan belgilanadi.
Quyidagilar qayta tayyorlash kursi dasturlari mazmuniga qo‘yiladigan bazaviy talablar hisoblanadi:
kasbiy standartlarda belgilangan bilim, ko‘nikma va mehnat vazifalariga muvofiqlik;
kasblar va lavozimlarga bo‘lgan kasbiy malaka talablariga muvofiqligi;
ta’lim va kadrlar tayyorlash sohasidagi davlat siyosatining asosiy yo‘nalishlarini bilishga, ta’lim turlari va bosqichlari bo‘yicha davlat ta’lim talablari (davlat ta’lim standarti)ning uzviyligi va uzluksizligini ta’minlashga, tinglovchilarning kasbiy bilimlarini yangilash va chuqurlashtirishga, yangi, qo‘shimcha kasbiy malaka va ko‘nikmalarni hosil qilishga, ta’lim-tarbiyaning samarali usullari hamda texnologiyalarini egallash va takomillashtirishga qaratilganligi;
zamonaviy axborot texnologiyalaridan foydalana olish;
davlat ta’lim talablari hajm va mazmunining qayta tayyorlash kursi muddatlariga muvofiqligi.
Qayta tayyorlash bo‘yicha ta’lim dasturi tegishli bazaviy maqsadlar
va mazmunga mos bitiruv ishi bilan tugallanadi.