Pedagogika instituti pedagogika va psixologiya kafedrasi oila pedagogikasi

Kichik guruhlarda ishlashga doir topshiriqlar

1-topshiriq. Oilaning tuzilishi harakteriskalarini ta’riflab bering...

2-topshiriq. Oila a’zolarining individual xususiyatlariga nimalar kiradi va ularni izohlang...

3-topshiriq. Oilaning qanday tipologiyalari mavjud va ularga ta’rif bering...

4-topshiriq.Oila tarbiyasi yaxlit tizim sifatida deganda nimani tushunasiz?

5-topshiriq.Oilada axloqiy tarbiya qanday yo‘lga qo‘yiladi?

6-topshiriq.Oilada bolalarni estetik ruhda tarbiyalash uchun qanday metod, usul va vositalaridan foydalaniladi?

7-topshiriq. Oilada jismoniy tarbiyani yo‘lga qo‘yish uchun qanday tadbirlarni amalga oshirish kerak?

8-topshiriq. Oilaning bolalarning iqtisodiy savodxonligini oshirishdagi ahamiyati nimalardan iborat?

Keys topshirig‘i

1-vaziyat. Ota-onalar majlisiga kelgan Abdulazizning otasi Aziz aka guruh murabbiyiga: «Meni faqat 10 daqiqa vaqtim bor, xolos. Xo‘sh, Abdulaziz darsga vaqtida kelayaptimi? Bezorilik qilmayaptimi? Ikki baholari yo‘qmi?»,- dedi va murabbiy bilan xayrlashdi. Guruh murabbiysi hayron bo‘ldi va o‘zicha: «Nimaga kamdan-kam ota-onalar o‘g‘li kasbini sevadimi? O‘rtoqlari uni hurmat qiladimi? Uning o‘zi xushmuomalami?» -kabi savollar bermaydilar deb ko‘nglidan o‘tkazdi.
Keys bo‘yicha savol va vazifalar:

1. 
   
   Guruh murabiysining hayron bo‘lishini Siz qanday baholaysiz.
   
2. 
   
   Ota-onalar bilan ishlash bo‘yicha vaziyatlaga misollar keltiring.
   

2-vaziyat. Vijdon haqida. Bir kuni o‘qishdan xursand keldim va:
- Oyijon, men bugun ikki bahodan saqlanib koldim,- dedim.
- Qaysi fandan?- so‘radi onam.
- Fizikadan deb, - bo‘lgan hodisani oyimga tushuntira boshladim. Bilasizmi? Bugun nazorat ishi o‘tkazildi. Men masalani echa olmadim va varaqni o‘qituvchiga topshirmadim. Keyingi darsda masalani oxirigacha echib bo‘ldim. Tanaffusda esa, laborantdan varag‘imni sinfimiz o‘quvchilari bajargan nazorat ishiga qo‘shib qo‘yishni iltimos qildim. Hayriyat, mo‘ljalim amalga oshdi. Nihoyatda xursandman, oyijon!
- Feruza xursandmisan? - takror so‘radi onam.
- Albattada. Besh olsam kerak, axir men hammasini to‘g‘ri ishladimku, - dedim.
- Vijdoningchi. U qiynalmayaptimi?- xursinib so‘radi onam.
Men nima deyishga hayron bo‘lib, sukut saqlardim. - Agar men sening o‘rningda bo‘lganimda o‘sha ikkini olib vijdonimning pokligicha qolgan bo‘lardim.
-Axir... , - men o‘zimni oqlamoqchi bo‘lgan edim, onamning tikilib qarashidan nafasim ichimga tushib ketdi. Biroz o‘ylanib:
-Endi nima qilsam bo‘larkin?-dedim.
- Vijdoning nimani buyursa, o‘shani qil, qizim. Ba’zan uning mavjudligini eslab turish ham foydadan holi emas, - deb boshqa xonaga chiqib ketdi.
Men o‘zim tanho qolib, birinchi marta o‘ylay boshladim: vijdon degani nima o‘zi? Lekin aniq ta’rif topa olmadim. Men uni ich-ichimdan his etib turardim, lekin so‘z bilan ifodalashga ojizlik qilardim. Kitob javoniga borib, ensiklopedik lug‘atni oldim, kerakli betini ochdim va o‘qiy boshladim: «Vijdon-bu o‘z hatti-harakatlari, hulqi uchun jamiyat oldida javobgarlikni his etishdir».
SHu onda onam kirib:
- Voy-bo‘y, Feruza qizim?! Sen hali vijdonni lug‘atdan qidirib yuribsanmi? Ahvoling bundan ham xarob bo‘lishi mumkin emas. Kitobni joyiga qo‘yib, ovqatlangani o‘tir.
Bir muncha vaqt o‘tgan bo‘lsa ham, ovqatga qo‘l urmay o‘tirar edim. Meni nimadir qiynardi.
- Seni bu qilig‘ingdan biror o‘rtog‘ingni xabari bormi? - so‘radi onam.
- Hech kimni…
- Hayriyat, o‘rtoqlaring ham senga o‘xshaganmi, deb o‘ylagandim…
- Endi nima qilsam ekan?
- Aytdimku, - vijdoning amri bilan ish tut. O‘qituvchini aldading, laborantni esa noto‘g‘ri yo‘lga boshlading. Bular haqida o‘zing yaxshilab o‘ylab ko‘r. Men seni to‘g‘ri yo‘l tanlashingga ishonaman.
Ertasiga men kollejga dars boshlanishidan ancha oldin keldim. Fizika o‘qituvchisini sabrsizlik bilan kuta boshladim. Kelishi bilan unga bo‘lgan voqeani aytib berdim.
U meni tinglab bo‘lib:
- Men esa nazorat ishlarini tekshirayotib, bu varaq qanday paydo bo‘lganiga hayron bo‘ldim. Axir men varaqni topshirmaganligingni bilardim.
O‘zimni ishimdan o‘zim qattiq uyalib ketdim.


Keys bo‘yicha savol va vazifalar:

1. O‘quvchi o‘z hulqini dastlab qanday baholadi?

2. Feruzaning qarashlarida o‘zgarish sodir etgan shart-sharoitlarni tahlil qiling.

3. Bu misol namunasida ishontirish uslubining o‘ziga xos belgilarini ko‘rsating.