Pedagogika tariyxı pán sıpatında. Eń áyyemgi dáwirlerden b e. VII ásirge shekemgi tálim-tárbiya hám pedagogikalıq pikirler. VII ásirden XIV ásirdiń birinshi yarımına shekem Orta Aziyada tárbiya, mektep hám pedagogikalıq pikirler

Korrekciyalıq pedagogika - óz aldına járdemge mútáj fizikalıq yaki ruwxıy rawajlanıwında kemshilikleri bar balalardıń psixofiziologiyalıq rawajlanıwındaǵı ózgesheliklerdi úyrenetuǵın, olardıń tálim-tárbiyası menen shuǵıllanatuǵın pán. Korrekciya sózi latınsha correktus – sózinen alınǵan bolıp, bizińshe dúzetiw, tuwrılaw, úyreniw degen maǵananı ańlatadı.

Korrekciyalıq pedagogika pániniń maqseti - anomal balalarǵa integraciyalasqan-inklyuziv hámde differencial tálimdi shólkemlestiriw ushın zárúr bolǵan shárt-sharayatlardı úyreniw, olardaǵı psixofiziologiyalıq kemshiliklerdi ilájı barınsha joq etiw, dúzetiw yaki bilinbeytuǵın ahwalǵa keltiriw usılların belgilewden ibarat.