Baǵdarlamanıń maqseti etip - bilimlendiriw tarawın túpten reformalaw, onı, ótmishten qalǵan ideologiyalıq qaraslar hám qaldıqlardan pútkilley tazalaw, rawajlanǵan demokratiyalıq mámleketler dárejesinde, joqarı ruwxıy hám ádep-ikramlıq talaplarǵa juwap beretuǵın joqarı mamanlıqtaǵı qánigeler tayarlawdıń milliy sistemasın jaratıw isleri belgilep alındı.
Baǵdarlamanıń wazıypaları; bilimlendiriw sistemasın túpten jańalaw, qánigeler tayarlawda oqıw orınları arasında básekili ortalıqtı payda etiw, olardı demokratiyalıq huqıq mámleketin qurıw procesine muwapıqlastırıw, oqıw orınların joqarı bilimli maman kadrlar menen támiyinlew, pedagogikalıq kásiptiń abıroyın arttırıw, kadrlar tayarlaw sistemasın ilim-pán, mádeniyat, texnika hám texnologiyalardıń jańa tabısları dárejesinde qayta qurıwlardan ibarat. Sonday-aq tálim-tárbiyanıń zamanagóy túrlerin, metodların islep shıǵıw hám turmısqa endiriw, oqıw-tárbiya mákemelerin attestaciyadan ótkeriw hám akkreditaciyalaw, zárúriy normativ hám materiallıq-texnikalıq bazanı dúziw, jańa pedagogikalıq, xabar, baylanıs texnologiyaların jaratıw, qarjılandırıw, qánigelerge buyırtpa islew jumıslarıda baǵdarlamanıń negizgi wazıypaları qatarınan orın alǵan.
Joqarıda bayan etilgen qánigeler tayarlawdıń milliy baǵdarlamasınıń maqseti hám wazıypaları bir-biri menen tıǵız baylanısqan úsh basqısh arqalı ámelge asırıladı.
Dostları ilə paylaş: |
