Pedagogika tariyxı pán sıpatında. Eń áyyemgi dáwirlerden b e. VII ásirge shekemgi tálim-tárbiya hám pedagogikalıq pikirler. VII ásirden XIV ásirdiń birinshi yarımına shekem Orta Aziyada tárbiya, mektep hám pedagogikalıq pikirler

Kadrlar tayarlawdıń milliy baǵdarlaması bilimlendiriw haqqındaǵı Ózbekistan Respublikası Nızamı tiykarında islep shıǵıldı. Baǵdarlama 1997-jıl 29-avgusttaǵı Ózbekistan Respublikası Oliy Májilisiniń IX sessiyası qararı menen tastıyıqlandı hám Ózbekistan Respublikasınıń Birinshi Prezidenti Pármanı menen bekitildi.

Baǵdarlamada kadrlar tayarlawdaǵı milliy tájiriybeler hám dúńya pedagogikasındaǵı jańalıqlar esapqa alınǵan. Baǵdarlama kadrlar tayarlawdıń mazmunın turmısqa asırıwǵa hám óz betinshe jańasha erkin pikirleytuǵın, milliy ǵárezsizlik ideologiyası menen qurallanǵan milliy qánigelerdiń jańa áwladın tárbiyalap jetistiriwge qaratılǵan.