MAKTABGA TAYYORLOV GURUHI BOLALARIDA DIQQAT XUSUSIYATLARINI O’RGANISHNING PSIXOLOGIK MAQSADI
Ba’zida ota-onalar bolam maktabga borishdan avval o‘qish, yozish va sanashni o‘rganib olsa, maktabda qiynalmay o‘qiydi deb o‘ylaydi. Tajriba shuni ko‘rsatmoqdaki, maktabgacha bo‘lgan davrda o‘qish, yozish va sanash bilan ko‘p shug‘ullangan bola maktabda o‘qishga oson kirishsa ham kutilmaganda o‘z muvaffaqiyatlarini boy bera boshlar ekan. Sababi bola maktabga borgunga qadar bolada diqqat, xotira, tafakkur, nutq, mayda motorika, idrok, tasavvur kabi bilish jarayonlarini rivojlantirish e’tibordan chetda qolib ketadi. Natijada diqqati sust rivojlangan bolaning fanlarni o‘z vaqtida o‘zlashtira olmaslik, dars vaqtida xayoli parishonxotirlik, diqqatining tez-tez boshqa narsaga bo‘linib ketishi va natijada tengdoshlaridan ortda qolish holatlari hayotda tez-tez uchrab turadi. Mana shunday holatlarning oldini olishda maktabgacha ta’lim tashkiloti psixologi tayyorlov guruhi bolalarini turli xil psixologik metodikalar orqali diagnostika qilib, bilish jarayonlari sust rivojlangan bolalarni aniqlab, tarbiyachilar hamda ota-onalar bilan hamkorlikda korreksion rivojlantiruvchi mashg‘ulotlar olib boradi. Demak maktabga tayyorlov guruhi bolalarida bilish jarayonlarini rivojlantirib borish, maktabga chiqqan bolaning maktabda muvaffaqiyatli o‘qishi uchun katta ahamiyat kasb etadi.
MAKTABGA TAYYORLOV GURUHI BOLALARIDA DIQQAT XUSUSIYATLARINI O’RGANISH USULLARI
Maktabga tayyorlov guruhi bolalarining diqqat xususiyatlari quyidagi metodikalar orqali diagnostika qilinadi.
Bir xil rasmni top ( diqqat)
MAKTABGA TAYYORLOV GURUHI BOLALARIDA DIQQAT XUSUSIYATLARINI O’RGANISH USULLARI
Bir xil rasmni top ( diqqat)
Maqsad: vizual taxlil asosida obektlarni taqqoslash, o‘xshashlik va farqni aniqlash, kuzatuvchanlikning rivojlanish darajasi, diqqatning barqarorligi, idrokning maqsadga muvofiqligini aniqlash.
Psixolog: bolaga rasmlar ko‘rsatiladi «Har bir qatorda 4 ta rasm mavjud. Namunadagi rasmga diqqat bilan qarang va xudi shunga o‘xshash rasmni toping» so‘ngra qolgan qatorlar ko‘rsatiladi.
Baxolash mezonlari:
• bola 5-6 holatda vazifani to‘g‘ri bajaradi - 2 ball.
• bola 3-4 holatda vazifani to‘g‘ri bajaradi - 1 ball.
• bola 1-2 holatda vazifani to‘g‘ri bajarsa yoki hech narsani anglamasa va bajara olmasa - 0 ball.
