Insondagi quvonch yoki zerikish tuyg‘ulari, uning nimalarnidir esga tushirishi, biron-bir xohish yoki intilish kechinmalari, xotirjamlik yoki hayajonlanish, hadiksirash hislarining barchasi shaxsning ichki dunyosini tarkibiy qismlaridir, ya'ni bularning hammasi sub'ektiv psixik hodisalar sanaladi.
Odatda, psixik hodisalar deganda ichki, sub'ektiv tajriba faktlarning (voqelikning) namoyon bo‘lishi tushuniladi, ya'ni, psixika hayotning sezgi, idrok, xotira, tafakkur, xayol kabi har biri alohida olingan yaqqol shakllaridan iboratdir.
Organizm va psixika
Organizm (tana va uning a'zolari)ning mo‘'tadil ravishda ishlashi insonning barcha ruhiy holatlari, hodisalari, xususiyatlari, hislatlari, mexanizmlari, qonuniyatlari, shuningdek, aks ettirish imkoniyati, xulq-atvori, turlicha faoliyat ko‘rinishlari hukm surishini maqsadga muvofiq amalga oshishini ta'minlab turadi.
Organizm va psixika bir-birisiz normal shakllanmaydi
