Qaraqalpaq tilinde so’zlikler ha’m wolardi’n’ qollani’li’wi’

Tema: Qaraqalpaq tilinde tusindirme sózliklerden paydalanıw
Joba:
I Kirisiw
II. TIYKARǴÍ BÓLIM
1.Sózliklerdiń túrleri
2. Qaraqalpaq tilin jáne de rawajlandırıw hám til siyasatın jetilistiriw boyınsha áhmiyetli qarar qabıl etildi
3. Qaraqalpaq tiliniń túsindirme sózliginde awqat atamalarınıń beriliwi
III. JUWMAQLAW
Ádebiyatlar
Kirisiw
«Bookie» qaraqalpaq tilindegi audiokitaplar platforması sheńberinde «Qaraqalpaq tiliniń túsindirme sózligi» tórt tomlıq kitabınıń mobil qosımshası islep shıǵıldı. Bul haqqında Ministrler Keńesi málimleme xızmeti xabar berdi.
B
ul platforma 1982-1992-jılları aralıǵında kitap bolıp basılıp shıqqan «Qaraqalpaq tiliniń túsindirme sózligi»niń tórt tomlıǵı tiykarında islep shıǵıldı. Bul baǵdarlamaǵa kóp tomlıqtaǵı sózler ózgerissiz kirgiziledi. Sonlıqtan, bunda ǵárezsizlikke shekemgi dáwirge tiyisli kóplegen sózler de ushırasıwı múmkin. Biraq, xalqımız bul sózlerdiń de mánisin biliwi kerek dep oylaymız. Sebebi, bul tariyx. Házirgi waqıtta qaraqalpaq tilshileri tárepinen «Túsindirme sózlik»tiń tolıqtırılǵan jańa jeti tomlıǵı islep shıǵılmaqta. Bul kóp tomlıqtıń jańa variantı baspadan shıqqannan keyin ondaǵı sózler de basqıshpa-basqısh biziń platformamızǵa kirgizilip barıladı.
Platforma «Bookie» qaraqalpaq tilindegi audiokitaplar hám «KARSOFT-IT-SOLUTIONS» JShJ tárepinen islep shıǵıldı.
Joybar Qaraqalpaqstan Respublikası Ministrler Keńesi janındaǵı Qaraqalpaq tilin rawajlandırıw fondı tárepinen qarjılandırıldı.
Bul platforma latın hám kirill jazıwında islep shıǵıldı. Túsindirme sózliktiń mobil qosımshası «Play Market»ke júklendi hám xalıqqa programmalıq jaqtan tayar formada usınılmaqta. Veb platformanıń URL mánzilin https://tusindirmesozlik.uz arqalı izleseńiz boladı.
Maǵlıwmat ornında atap ótiw kerek, Qaraqalpaqstan Respublikası Joqarǵı Keńesi Prezidiumınıń 2021-jıl 16-iyul kúngi «Qaraqalpaq tilin jáne de rawajlandırıw hám til siyasatın jetilistiriw ilajları haqqında»ǵı 410-sanlı Qararı menen shólkemlestirilgen Qaraqalpaq tilin rawajlandırıw fondınıń Rejesinde qaraqalpaq tilin rawajlandırıwǵa baylanıslı media ónimlerin, kompyuter, mobil baǵdarlamalardı hám basqa da elektron materiallardı tayarlaw jumısların qollap-quwatlaw boyınsha wazıypalar belgilengen edi.¹