4.1. Akademik guruhda murabbiylik ishlarini olib borish uslublarini о‘rganish. Oliy ta’lim muassasalarida har bir akademik guruh uchun murabbiylik ishlari mavjud bо‘lib, guruhga berkitilgan rahbar har haftada bir marta guruh yig‘ilishi о‘tkazib, о‘tkazilgan majlisni bayonnoma shaklida hujjatlashtiradi. Yig‘ilishda guruh rahbari guruhda darsga qatnashishi sust talabalarni jalb qilish, baholari past talabalarga tanbeh berish, respublika, viloyat, fakultet va institut miqyosida bayram tadbirlariga faol ishtirok etish kabi masalalar kо‘rib chiqiladi. Har bir bayonnoma 2 nusxada bо‘ladi. Bayonnomaning bir nusxasi murabbiylik ishini olib borayotgan professor-о‘qituvchining murabbiylik ishlari papkasiga tikiladi, ikkinchi nusxasi esa fakultet dekanatiga topshiriladi.
О‘ZBEKISTON RESPUBLIKASI
OLIY VA О‘RTA MAXSUS TA’LIM VAZIRLIGI
QARSHI MUHANDISLIK-IQTISODIYOT INSTITUTINING
ODOB-AXLOQ QOIDALARI
QARSHI
Institutning________-sonli Ilmiy Kengashida kо‘rib chiqilgan.
1-bо‘lim. Umumiy qoidalar 1.1. Ushbu oliy ta’lim muassasasi (bundan buyon matnda OTM deb yuritiladi)ning odob-axloq qoidalari (bundan buyon matnda “Qoidalar” deb yuritiladi) О‘zbekiston Respublikasining Konstitutsiyasi, “Kadrlar tayyorlash milliy dasturi tо‘g‘risida”gi, “Ta’lim tо‘g‘risida”gi, “Yoshlarga oid davlat siyosatining asoslari tо‘g‘risida”gi, va “Axborot erkinligi prinsiplari va kafolatlari tо‘g‘risida”gi qonunlar, “Yoshlar yili”, “Barkamol avlod yili”, davlat dasturlari, Oliy va о‘rta maxsus ta’lim vazirligining tegishli buyruqlari, OTMning Ustavi, ichki tartib qoidalari hamda umume’tirof etilgan ma’naviy va axloqiy tamoyillar asosida ishlab chiqilgan.
“Qoidalar” ishlab chiqilishida О‘zbekiston Respublikasi ta’limga oid qonun hujjatlarida fuqarolarga ta’lim, tarbiya berish, kasb-hunar о‘rgatishning huquqiy asoslarini belgilashga hamda harkimning bilim olishdan iborat konstitusiyaviy huquqini ta’minlashga, ta’lim oluvchilarni ma’naviy-ahloqiy tarbiyalashning va ma’rifiy ishlarning samarali shakllari hamda uslublarini ishlab chiqish va joriy etishga qaratilganligi sababli OTMning asosiy funksiyasi ta’lim va tarbiya berishdan iborat ekanligi nazarda tutilgan.
