4. Relyefin modelini əks etdirən əyri xətt şəklində. Bu modelin köməyi ilə çayların profili və maillik dərəcəsi haqqında məlumat əldə etmək, su hövzəsinin sahəsini təyin etmək, daşqın hadisələrini proqnozlaşdırmaq mümkündür.
Göründüyü kimi, hətta bir coğrafi obyekti CİS əsasında müxtəlif üsullarla təqdim etmək olar. Modellərin hər hansı birinin digərinə nisbətdə üstünlüyünü qeyd etmək olmaz. Ən yararlı model, yaradılacaq xəritənin və həll edilən problemin xüsusiyyətindən asılıdır.
Yeri gəlmişkən qeyd etmək lazımdır ki, müasir geoinformasiya sistemləri həm rastr, həm də vektor formatlı verilənlər modeli ilə işləyirlər. Müasir sistemlərdə vektor və ya rastr təsvirlərin emalı üçün geniş imkanlara malik alətlər dəsti mövcuddur. Təcrübəyə əsasən demək olar ki, konvertləşdirmə prosesi, əsas etibarı ilə rastr formatlı verilənlərin vektor formatına çevrilməsi istiqamətində baş verir. Bu prosesin nəticəsini şəkildəki kimi təsvir etmək olar.
Dostları ilə paylaş: |
