CHIRCHIQ OLIY TANK KOMANDIR-MUHANDISLIK BILIM YURTI
Chirchiq oliy tank komandir-muhandislik bilim yurti — oliy maxsus harbiy maʼlumotli ofitserlar tayyorlaydigan oʻquv yurti 1941-yildaUkrainaningXarkov shahridan Chirchiq shahriga evakuatsiya qilingan.
Hozir Oʻzbekiston Respublikasi Qurolli Kuchlari uchun yuqori malakali, oliy maxsus harbiy bilimga ega ofitserlar quyidagi ixtisosliklar boʻyicha tayyorlanadi:
tank boʻlinmalari, qismlari va qoʻshilmalarini jangovar qoʻllash;
jangovar texnikalarni ekspluatatsiya qilish va taʼmirlash muhandislari;
havo desant boʻlinmalari, qismlari va qoʻshilmalarini jangovar qoʻllash;
havo hujumidan mudofaa qoʻshinlarining boʻlinma, qism va qoʻshilmalarini jangovar qoʻllash.
Ularga "leytenant" ofitserlik unvoni va malakasiga muvofiq muhandislik diplomi beriladi.
Oʻzbekiston Respublikasi Milliy gvardiyasi qoshidagi Jamoat xavfsizligi universiteti (1990-2017-yillarda Toshkent oliy harbiy-texnik bilim yurti, 2017-2021-yillarda harbiy-texnika instituti) — professional harbiy xizmatchilar tayyorlovchi texnik bilim yurti
Tarixi
Oʻzbekiston Respublikasi Ichki ishlar vazirligi Toshkent oliy harbiy-texnik bilim yurti (TOHTBYU) sobiq Sovet Ittifoqi Vazirlar Kengashining 1990-yil 15-oktabrdagi 1730-sonli koʻrsatmasiga binoan Ichki ishlar vazirligi Oliy kurslari (shartli belgisi 5375-harbiy qism) bazasida tashkil etilib, SSRI IIV Ichki qoʻshinlari Toshkent oliy harbiy-texnik bilim yurti deb nomlangan.
Oʻzbekiston Respublikasi prezidentining 1992-yil 10-yanvardagi Farmoni asosida Oʻzbekiston Respublikasi yurisdiktsiyasiga olinib, Ichki ishlar vazirligi tizimiga kirgan. Bilim yurti 1991-yili birinchi navbat kursantlarni qabul qilib, 1995-yili dastlabki bitiruvchilarni tayyorlab chiqargan.
Oʻzbekiston Respublikasi prezidentining 2017-yildagi Farmoni asosida Oʻzbekiston Respublikasi Milliy gvardiyasiga olindi.
2021-yilda Jamoat xavfsizligi universiteti etib qayta nomlandi.
