Rasulova Sarvinoz Farxod qizining

(I.A.Karimov)

Kimyo fani eksperimental aniq fanlar sirasida ekanligi uchun bilim va ko’nikmalar ko’proq laboratoriya mashg’ulotlarida mustahkamlanadi. Laboratoriya mashg’ulotlarini o’tkazish uchun ko’p hollarda zaharli va zararli, yonuvchan va portlovchi reaktivlar, murakkab jihozlarni ishlatish talab etiladi. Bevosita laboratoriya ishini bajarishga kirishishdan oldin uni kompyuter yordamida virtual holatda ko’rib chiqish – reaktivlarni tejashga, xavfsizlikni ta’minlashga, o’quv jarayonini samaradorligini oshirishga olib keladi. Shu sababdan hozirda ko’plab kimyoviy virtual laboratoriyalar ishlab chiqildi. Ularning aksariyati xorijda yaratilgan. Ushbu virtual laboratoriyalarni unumli ishlatish uchun ulardan foydalanish yo’riqnomalarini o’zbek tiliga tarjima qilish va tegishli uslubiy ko’rsatmalar ishlab chiqish dolzarb vazifa bo’lib hisoblanadi.

Ushbu dasturga muvofiq, yurtimizda mavjud bo’lgan o’n mingga yaqin umumta’lim maktabining moddiy texnik bazasini mustahkamlash, ta’lim jarayonining mazmunini tubdan takomillashtirish, o’quvchilarning mehnatini moddiy va ma’naviy rag’batlantirish bo’yicha katta ishlar qilinmoqda.

Bugungi kunda o’quvchilarning fan asoslarini o’rganishga bo’lgan qiziqish va intilishlarini oshirish, o’quv jarayonida didaktik tamoyillar, zamonaviy ta’lim tamoyillarini to’la tadbiq etish uchun xususan kimyo fani asoslarini puxta o’zlashtirib borishda zamonaviy o’qitish tеxnologiyalaridan foydalanish muhim ahamiyatga egadir.