Referat I mavzu: boshlang’ich sinflarda yozma ishlarida yo’l qo’yiladigan xatolar ustida ishlash reja

9 (86-95) ball shunday inshoga qo'yiladi:
o'quvchi mavzuni to'g’ri va batafsil yoritgan bo'lsa, adabiy materialni chuqur va atroflicha bilishi ko'rinib tursa, undan mavzuni yoritishda o'rinli foydalana olsa, bayon qilingan materialni baholay bilsa, mustaqil fikrlash qobiliyatiga ega bo'lsa;
fikrni ifodalashda mantiy izchillik bo'lsa va xulosalar to'g’ri isbotlansa;
v) aniq, tushunarli, ifodali til bilan bayon qilingan bo'lsa;
g) so'z qo'llashda 1 ta qo'pol bo'lmagan xato bo'lsa; 1-2 ta qo'pol bo'lmagan orfografik yoki punktuatsion xato bo'lsa.
8 (71-85) ball:
inshodan mustaqil va erkin fikrlash sezilib tursa, mulohazalarni izchil bayon qilishi va isbotlay olishi ko'rinib tursa;
insho to'g’ri, izchil va adabiy tilda yozilgan, ammo fikrni bayon qilishda ba’zi bir noaniqliklarga yo'l qo'yilgan bo'lsa;
v) so'z tanlashda 1-2 ta uslubiy, shuningdek, 2 ta orfografik va 2 ta
punktuatsion xatosi bo'lsa;
6 (56-70) ball:
mavzuga asosan to'g’ri javob berilgan bo'lsa, ammo u sxematik yoritilsa, faktik materialni bayon qilishda ba’zi kamchiliklarga yo'l qo'yilsa yoki fikrni bayon qilishda izchillik uzilgan bo'lsa;
so'z saylashda (uslubiy) 3 tadan, orfografik xato 4 tadan, puntuatsion xato 5 tadan ortiq bo'lmasa.
4 (55 va undan kam) ball :
o'quvchi mavzuni tushunmaganligi yoki adabiy materialni juda sust bilishi sezib tursa;
mavzu to'liq ochilmagan yoki undan chetga chiqilgan bo'lsa;
v) bayon qolipga tushib qolgan trafaret xarakterda bo'lsa, darslikdagi asar tahlili ko'chirilgan yoki quruq takrorlangan bo'lsa;
g) fikrni bayon qilishda qo'pol faktik xatolarga yo'l qo'yilgan bo'lsa, izchillik ancha buzilgan bo'lsa;
d) so'z saylashda 4-6 tadan, orfografik 5-7 tadan, punktuatsion xatolar 6-10 tadan ortiq bo'lsa.
Bexato, mazmuni va uslubi jihatidan barkamol bo'lgan insho 10 (96-100) ballga baholanadi.
Inshoni baho tizimida (5 ballik) baholash
Agar insho mavzusi batafsil reja asosida yoritilgan bo'lsa, tanlangan manbadan o'rinli foydalana olingan, mustaqil, ijodiy fikrlar bilan mantiqli yozilgan bo'lsa, mazmuniga «5» baho qo'yiladi. Imlo jihatdan savodxon yozilgan bo'lsa, 1-2 ga qo'pol bo'lmagan imlo yoki ishorat xatolari bo'lsa, inshoga «5» baho qo'yiladi. Agar savodxonligida xatolar soni 2 tadan ortiq bo'lsa, savodxonlik uchun qo'yiladigan baho pasaytiriladi.
Insho mazmuni batafsil yoritilgan bo'lsa, erkin fikrlashi sezilib tursa, ammo fikrni bayon qilishda ba’zi noaniqliklarga yo'l qo'yilgan bo'lsa, mazmuniga «4» baho qo'yiladi. 2 ta uslubiy, 2-3 ta imlo yoki ko'rsatilgan me’yordan oshib ketsa, uning bahosi pasaytiriladi.
Mavzu asosan to'g’ri yoritilgan bo'lsa, ammo bayon qilishda ba’zi kamchiliklarga yo'l qo'yilgan bo'lsa, fikrlashda izchillik bo'lmasa, mazmuniga 3 «baho» qo'yiladi. 2-3 ta uslubiy xato, 3-4 ta imlo yoki ishoraviy xato bo'lsa, «3» baho qo'yiladi.
Mavzu to'liq ochilmagan bo'lsa yoki mavzudan chetga chiqilgan bo'lsa, fikrni bayon qilishda juz’iy xatolarga yo'l qo'yilgan bo'lsa, mazmuniga «2» baho qo'yiladi. 6 ta uslubiy xato, 7 tadan ortiq imlo va ishoraviy xato bo'lsa, savodxonligiga ham «2» baho qo'yiladi. Xatolar soni 10 tadan ortiq bo'lsa, «1» baho qo'yiladi.
Ixtisoslashgan sinflarda o'qituvchi o'zi o'quvchilarning o'zlashtirishidan kelib chiqib me’yorni o'zgartirishi mumkin.
Insho xatolari ustida ishlash o'qituvchidan e’tibor va ijodkorlikni talab qiladigan mashg’ulot turidir. O'ar bir o'quvchiga insholardagi xatoni ko'rsatib qo'yishning o'zi kifoya qilmaydi. Bu xatolarni bartaraf qilish uchun insho muallifi bilan ishlash kerak bo'ladi. o'qituvchi insho xatolarini tasnif qilar ekan, har bir xatoning kelib chiqish sabablarini tasavvur qiladi. o'quvchilarning ko'pchiligiga xos bo'lgan va ayrim o'quvchigagina xos bo'lgan xatolarni hisobga oladi. Baholarni e’lon qilish, jurnalga o'tkazish, eng yaxshi va eng yomon insholarga tavsif berish kabi ishlar tugagach, insho xatolari ustida ishlash boshlanadi. Bunda quyidagi ish turlaridan foydalanish mumkin:
Har bir o'quvchining o'z xatolari ustida ishlashi.
Ko'pchilikka xos (tipik) xatolar ustida yozuv taxtasida ish olib borish.
Taxtadagi so'zlar vositasida gaplar tuzish musobaqasi.
Mavzuga doir lug’at diktantlari o'tkazib borish.
Doimiy va muvaqqat savodxonlik lavhalari va taxtalaridan fodalanish.
Berilgan gap yoki jumla variantlarini tuzish musobaqasini o'tkazish.
eng ma’qul epigraf topish konkursini o'tkazish.
Imlo lug’ati bilan ishlash.
Berilgan so'z sinonimlarini topish (sinonimik qator hosil qilish).
Berilgan so'z antonimlarini topish.
Asar qahramonlariga yoki adiblarga sifatlashlar topish.
Ustunlarga ajratib yozish mashqlarini o'tkazish.
Adabiyot daftarida eng qiyin so'zlar imlo lug’atini tuzib borish.
«Qiyin so'zlar zanjiri» o'yinidan foydalanish.
Insho g’oyasi va mavzusiga mos maqollar topish.
Biron inshoga yoki uning parchasiga sarlavha topish.
Mo’jizalar maydoni, charxpalak, boshqotirma (krossvord) tipidagi o'yinlardan foydalanib, qiyin so'zlar yozilishini xotiraga singdirish.
Eng qiyin so'zlarning rebusini tuzish.
Elektron hisoblash mashinasidagi maxsus dastur asosida mashqlar o'tkazish.
Matnlar vositasida savodxonlikni ko'tarish va hokazo.
Inshodagi xatolar ustida ishlash jarayonida insho matnlari uchun faol bo'lgan leksika - 300-400 so'z quyi sinflardan boshlab o'quvchilarga singdirib borilishi, ularni to'g’ri yozishga doir mashqlar uzluksiz va tadrijiy ravishda o'tkazilib borishi yaxshi natija beradi. O'quvchining diqqati va xotirasini o'yinlar hamda mashqlar vositasida savodxonlik tomonga yo'naltirishning yangi usullarini samarali qo'llash o'zbek tili va adabiyoti mutaxassislariga havola.
O'quvchilarning yozma ishlarida quyidagi takroriy xatoliklar uchradi:
bayon va insholar uchun to'g’ri epigraf tanlay olmaslik;
bayon va inshoga reja tuzish malakasining etarli emasligi. Reja tuzishda izchillikning yo'qligi;
V) reja bandlarining yoritilmasligi, reja asosida mavzuni izchil yorita olmaslik (to'g’ri kelgan fikrni yozib mavzuga amal qilmaslik) ;
G) bo'g’in ko'chirish qoidalarini bilmaslik; qo'shimchalar imlosi (-ning o'rnida -ni,
-da o'rnida -ga, - ni ishlatilishi h.k);
qo'shma, juft, takroriy so'zlar imlosini bilmaslik; Yo () ishora xatolariga yo'l qo'yish (vergul, nuqtali vergul, ikki nuqta, ko'p nuqta, undov, qo'shtirnoq, tire);
xat boshiga rioya qilmaslik (matnni qismga bo'la olmaslik);
ma'nodosh, shakldosh va paronim so'zlarni o'rinli qo'llay bilmaslik (bog’lanmaydigan so'zni bog’lash);
ishning xulosalanmasligi.