Referat tema: Bank esap beti shártnaması. Esap kitapalar Orınladı: Abutov B. Qabılladı: Ganiev E. Reje: Kirisiw

Inkassa boyınsha esap kitaplar.

Inkasso boyınsha esap-kitap qılınǵanda qarıydar óz bankine pul tólewshiden tólewdi hám tólew aktseptini qarıydar esabınan qabıllaw haqqında tapsırıqnama jiberedi. Inkasso tapsırmasın alǵan bank-emitent onı orınlaw ushın basqa bankti tartıwǵa haqılı.
Inkasso boyınsha esap-kitaplardı ámelge asırıw tártibi nızam hújjetleri menen hám bank ámeliyatında qollanılatuǵın is-háreketleri menen basqarıladı. Qarıydardıń tapsırması orınlanbaǵan yamasa tiyisli jaǵdayda orınlanbaǵan jaǵdayda, bank-emitent onıń aldında juwapker boladı.
Eger orınlawshı bank tárepinen esap-kitap operaciyaların ámelge asırıw qaǵıydaları buzılǵanlıǵı munasábeti menen qarıydardıń tapsırması atqarılmaǵan yamasa tiyisli jaǵdayda orınlanbaǵan bolsa, qarıydar aldındaǵı juwapkerlik bul bank moynına júkletiliwi múmkin.

4. 
   Chek penen esap-kitap qılıw.
   

Chek beriwshiniń chekte kórsetilgen summanı shek saqlawshıǵa tólew haqqında bankke hesh qanday shárt qoyılmaǵan tapsırması bar bolǵan qımbatlı qaǵaz chek dep ataladı.
Chek penen esap-kitap islengende tek chek beriwshiniń chek beriw jolı menen basqarıwǵa haqılı bolǵan qarjıları saqlanıp atırǵan bankine chek boyınsha pul tólewshi etip kórsetiliwi múmkin.
Chekti usınıw múddeti ótpegenge shekem onı shaqırıp alıwǵa jol qoyılmaydı. Chektiń beriliwi-orınlaw ushın chek berilgen pul biykar etpeydi.
Chekte tómendegiler bolıwı shárt:

• 
  hújjet tekstine kiritilgen «chek» degen at;
  
• 
  arnawlı bir pul summasın tólew haqqında tólewshige tapsırma;
  
• 
  tólewshiniń atı hám tólew qaysı esapbetten ámelge asırılıwı kerekligi;
  
• 
  tólew valyutası;
  
• 
  shek dúzilgen sáne hám orın;
  
• 
  chekti jazıp bergen shaxstıń – shek beriwshiniń imzası.
  

Hújjette usı rekvizitlarden birewiniń bolmawı chekti kúshten ayıradı.
Dúzilgen ornı kórsetilmegen chek, chek beriwshi turǵan orında imzalanǵan dep esaplanadı.
Shektiń forması jáne onı toltırıw tártibi nızam hújjetleri menen belgilenedi.