Katolik cherkovi qat'iy markazlashtirilgan, yagona jahon markazi-Vatikan davlatida joylashgan.
Rim papasi katolik cherkovida bosh ruhoniysi, yepiskopi, birdan-bir boshlig'i- dir. Katolik cherkovini amalda papa va uning joylardagi kardinallari boshqaradilar.
Kardinal katolik cherkovida Rim papasidan keyingi oliy ruhoniy bo'lib, kardinallar majlisining roziligi bilan papa tomonidan tayinlanadi va u papaning eng yaqin maslahatchisi hisoblanadi.
Katoliklik Rim papasini Iysoning yerdagi noibi, u din va axloq ishlarida mutlaqo gunohsiz, uning hokimiyati jahon soborlari hokimiyatidan yuqori turadi deb hisoblaydi.
Katolikning prostetantizmdan farqi shundaki, u faqat muqaddas kitob-Bibliyanigina emas balki «Muqaddas rivoyat»ni ham diniy ta'limotning manbai deb hisoblaydi. Bundan tashqari «Muqaddas rivoyat»ga katolik cherkovlari, jahon soborlarining qarorlari va Papaning fikrlari ham qo'shilgan.
Pravoslavie. Xristianlikning ikkinchi katta yo'nalishi bo'lib, xarbiy Rim imperiyasi qulagandan so'ng, 1054 yilda xristianlik ikki asosiy cherkovga ajralib ketdi. Pravoslavie dastlab Vizantiya imperiyasining davlat dini bo'lgan.
Tavrot va Injil- Pravoslavie mazhabining asosiy muqaddas kitoblaridir. Asosan Sharqiy Yevropa va Yaqin Sharqda keng tarqalgan.
Pravoslavie-olamning yaratuvchisi va boshqaruvchisi muqaddas uchlikdan(troitsa) iborat yagona Xudovand ekanligi, narigi dunyo, ajr to'g'risidagi, dastlabki gunoh tufayli azob-uqubatlarga duchor qilingan insoniyat najot topishiga imkon beruvchi Iyso Masihning haloskor faoliyati (missiyasi) haqidagi aqidalarni tan oladi.
Pravoslaviening katoliylikdan farqlaridan biri shuki, pravoslavieda yagona diniy markaz, cherkovlarning yagona boshlig'i yo'q. Pravoslavie taraqqiyoti davomida Konstantinopol, Aleksandriya, Antoxiya, Quddus, Rus, Gruzin, Serb, Rumin, Bolgar, Kipr, Ellada, Alban, Polyak, Chexoslovak, Amerika cherkovlari vujudga keldi.
