S. S. Esonturdiyev, M. E. Qarshiboyeva gigiyena va sanitariya

---

S.S. Esonturdiyev, M.E. Qarshiboyeva
GIGIYENA VA SANITARIYA
TEKSHIRISHLAR
TEXNIKASI
Tibbiyot kollejlari uchun o‘quv qo‘llanma
Toshkent — „ILM ZIYO“ — 2007
O‘ZBEKISÒON RESPUBLIKASI OLIY VA O‘RÒA
MAXSUS ÒA’LIM VAZIRLIGI
O‘RÒA MAXSUS, KASB-HUNAR ÒA’LIMI MARKAZI

---

2
Mazkur o‘quv qo‘llanma o‘n bobdan iborat bo‘lib, unda gigiyena fani
va uning rivojlanish tarixidan tortib o‘rta ma’lumotli tibbiyot hamshirasi
bilishi zarur bo‘lgan sanitariya va gigiyena qoidalari, sanitariya-gigiyena
tekshirishlar texnikasi, uni ishlatish qoidalariga oid ma’lumotlar keltirilgan.
Bundan tashqari, havo, tuproq, suv, turar joy, ovqatlanish, mehnat
gigiyenasining asosiy masalalari bayon etilgan.
O‘quv qo‘llanma tibbiyot kollejlarining „Laboratoriya-diagnostikasi“
yo‘nalishi bo‘yicha ta’lim olayotgan o‘quvchilarga mo‘ljallangan. Undan
shu soha mutaxassislari ham foydalanishlari mumkin.
Taqrizchilar: N.J. ERMATOV — Toshkent tibbiyot akademiyasi
„Bolalar, o‘smirlar va ovqatlanish gigiyenasi“ kafedrasi
dotsenti, t.f.n.;
S.U. MAGDIYEVA, K.M. JUMASHEVA — II Res-
publika tibbiyot kollejining oliy toifali gigiyena fani
o‘qituvchilari.
© «ILM ZIYO» nashriyot uyi, 2007-y.
ISBN 978—9943—303—62—1
Oliy va o‘rta maxsus, kasb-hunar ta’limi ilmiy-metodik
birlashmalari faoliyatini muvofiqlashtiruvchi Kengash
tomonidan nashrga tavsiya etilgan
51.2
E 87

---

3
SO‘ZBOSHI
Respublikamiz mustaqillikka erishgandan so‘ng O‘zbekiston
Respublikasi Prezidenti hamda hukumatimiz tomonidan aholining
sog‘ligini muhofaza qilish va mehnat qobiliyatini ko‘tarishga qaratil-
gan qator farmon va qarorlar qabul qilindi. Bu farmon va qarorlarda
ko‘rsatilgan vazifalarni to‘la-to‘kis bajarishda, jumladan, kasallik-
larning oldini olish, soq‘lom turmush tarzini yaratishda tibbiyot
xodimlarining o‘rni kattadir.
Tibbiyot xodimi odamlarni davolabgina qolmay, balki kasal-
liklarning kelib chiqish sabablarini, ana shu sabablarni bartaraf
etish chora-tadbirlarini ham bilishi kerak.
Gigiyena fani tashqi muhit omillarining inson organizmiga ta’sirini
tadqiq qilib, olingan ma’lumotlar asosida tashqi muhitni, inson
yashaydigan va mehnat qiladigan shart-sharoitlarni yaxshilash, inson
sog‘ligini mustahkamlashning me’yor va qoidalarini, yuqumli
kasalliklarning oldini olish chora-tadbirlarini ishlab chiqadi.
Gigiyena inson vujudi va faoliyatini tashqi muhit bilan uzviylikda
o‘rganadi va tashqi muhit sog‘lom bo‘lmay turib, inson sog‘ligini
ta’minlab bo‘lmaydi, deb o‘rgatadi. Tashqi muhit deganda, tabiiy
va ijtimoiy sharoitlar belgilaydigan omillar majmuyi — yer, suv,
havo, oziq-ovqat va shu kabilar tushuniladi.
Mazkur darslikning asosiy vazifasi ham gigiyena fanining eng
asosiy bo‘limlarini tibbiyot hamshira (xodim)lariga o‘rgatish, sanita-
riya-gigiyena tartib-qoidalarini tushuntirishdan iborat.

---

4
1- BOB
GIGIYENA FANI VA UNING VAZIFALARI
Gigiyena tibbiy fanlar qatoriga kiradi. Uning vazifasi kasallik-
ning oldini olishdir, shuning uchun uning diqqat markazida sog‘lom
odam turadi. Gigiyenaning davolash tibbiyotidan ajratib turadigan
farqlarining b i r i ham ana shund a. Agar davolash tibbiyotining
vazifasi ayrim shaxslarga yordam ko‘rsatish bo‘lsa, gigiyena umumiy
ish va turmush sharoitlari birlashgan katta guruhlarga taalluqli chora-
tadbirlarni ishlab chiqadi. Bu davolash tibbiyoti bilan gigiyena
o‘rtasidagi i k k i n c h i farqdir. Gigiyena organizmning tuzilishi va
funksiyalari haqidagi hamma ma’lumotlardan foydalanadi, ammo
uning vazifasi salbiy ta’sirni bartaraf qilish (agar imkon bo‘lsa)
yoki kamaytirish va ijobiy ta’sir ko‘rsatuvchi omillar ta’sirini oshirish
bo‘yicha ilmiy asoslangan tadbirlarni ishlab chiqish maqsadida tash-
qi, shu jumladan, ijtimoiy muhitning ham odam organizmiga ta’sirini
o‘rganishdan iborat. Tashqi muhit deganda, tabiiy va ijtimoiy
sharoitlar tomonidan belgilangan maishiy va ishlab chiqarish
omillarining yig‘indisi tushuniladi. Odam organizmi tashqi muhitning
beto‘xtov almashinib turadigan juda ko‘p omillari (kimyoviy,
fizikaviy, biologik, radiologik) ta’siriga duch keladi, biroq odamdagi
tabiiy moslanuvchanlik xususiyati kasallik kelib chiqishiga yo‘l
qo‘ymaydi.
Gigiyena tashqi muhit omillari (kimyoviy, fizikaviy, ijtimoiy va
h.k.)ni aholi salomatligiga ta’sirini o‘rganadigan va olingan
ma’lumotlarga tayangan holda tashqi muhitni sog‘lomlashtirish, aholi
sog‘ligini mustahkamlashning me’yori va qoidalarini ishlab chiqa-
digan fandir. Gigiyena so‘zi yunoncha —hygienos — sog‘lom ma’-
nosini anglatadi.
Gigiyena fani tavsiyalarini amalga sanitariya (lotincha—sanitas
so‘zidan olingan bo‘lib, sog‘liq ma’nosini anglatadi) muassasasi
tomonidan joriy qilinadi. Garchi ular orasida mustahkam bog‘lanish
bo‘lsa ham, ularning vazifalarini ajrata bilish lozim. Gigiyenist zarur
bo‘lganda sanitariya chora-tadbirlarini o‘tkazishni bilishi zarur. Sanita-
riya xodimi esa o‘z faoliyati bilan gigiyena fanining rivojlanishiga
yordam beradi. Aholi o‘rtasida sanitariyaga oid va epidemiyaga qarshi
tadbirlarni tashkil qiladigan va o‘tkazadigan asosiy muassasa sani-
tariya-epidemiologiya nazorati xizmati (SENM) hisoblanadi.
Hozirgi vaqtda gigiyena fani oldida turgan vazifalar ko‘payib va
murakkablashib bormoqda. Ilmiy-texnika taraqqiyoti bir tomondan

---

5
og‘irimizni yengillatib va mustahkamlashga imkon bersa, ikkinchi
tomondan, sog‘lik uchun aniq va yashirin xavf tug‘diradi. Bu xavflar
ko‘proq ilmiy-texnika inqilobining quyidagi ko‘rinishlari bilan
bog‘langan:
•
mehnat sharoitining o‘zgarishi (yangicha quvvatli uskunalar,
yuqori darajadagi shovqin hamda tebranish—asab-ruhiy qo‘zg‘a-
lishlar va boshqalarning ishchilarga salbiy ta’sir ko‘rsatishi);
•
urbanizatsiya jarayonining shiddatli borishi, bu sanitariya
turmush sharoitlarining yomonlashishiga olib keladi: atmosfera
havosining sanoat va avtotransport chiqindilari bilan tobora iflos-
lanib borishi; ko‘chalardagi shovqin va shikastlanishlar, gavjum hayot,
kam harakatlilik (giðodinamiya) ning o‘sib borishi;
•
sanoat va qishloq xo‘jaligida hamda turmushda kimyoviy
moddalarning ishlatilishi; kiyim-kechak, qurilish materiallari uchun
hamda ovqatga qo‘shimcha tarzda sintetik mahsulotlar—sun’iy ovqat
mahsulotlarini qo‘llash;
•
muhit, suv, havo, yer, oziq-ovqat mahsulotlarining, gaz
chiqindilari, pestitsidlar, zaharli kimyoviy birikmalar bilan ortiq
darajada ifloslanishi.
Gigiyenaning tekshirish usullari
Sanoat korxonalari, turar joylar, umumiy ovqatlanish muas-
sasalari va boshqalarda amaliy sanitariya tadbirlari hamda ilmiy
tadqiqotlarda gigiyena tekshirishning turli usullaridan keng foydala-
nadi:
1-rasm. Tashqi muhitning odam organizmiga ta’siri.
Umumiy sotsial-iqtisodiy sharoitlar
Mehnat
sharoitlari
Maishiy
sharoitlar
Ovqatlanish
sharoitlari
Bolalarni tarbiyalash va
o‘qitish sharoitlari
OMILLAR
Kimyoviy
Biologik
Jismoniy
Odam kayfiyati, ish qobiliyati,
sog‘ligi
Psixogen

---

6
1. Sanitariya tekshirish usullari. Obyektda aniqlangan kam-
chiliklarni yo‘qotish bo‘yicha takliflar va ijro muddatlari ko‘rsatilgan
dalolatnomalar tuzish bilan bog‘liqdir.
2. Laboratoriya tekshirish usullari. Gigiyena fanida va sanitariya
amaliyotida havo, suv, tuproq, oziq-ovqat mahsulotlari va boshqa
tashqi muhit omillarini fizikaviy, kimyoviy, bakteriologik, toksikologik
va radiologik jihatdan tadqiq qilish.
3. Tajriba usuli. Bunda kimyoviy, fizikaviy va boshqa omillarning
organizmga ehtimol tutilgan zararli ta’sirini o‘rganadi va uni sanitariya-
texnik asboblar hamda qurilmalar yordamida laboratoriya sharoitlarida
baholanada.
4. Fiziologik kuzatishlar usuli — odam a’zolari va qurilmalarni
ishlash holatini turli sharoitlarda tekshirish.
5. Klinik kuzatishlar usuli. Klinikalarda, korxonalarda, maktab-
larda va boshqa joylarda profilaktik tibbiyot ko‘riklari o‘tkazishda
qo‘llanadi, profilaktik chora-tadbirlar ishlab chiqish uchun zarur
ma’lumotlar olinadi.
6. Statistik usul. Tashqi muhit ta’sirining salomatlikka ijobiy va
salbiy natijasini aniqlaydi. Olingan ma’lumotlar asosida kerakli
profilaktik chora-tadbirlar ishlab chiqiladi. Shunday qilib, gigiyena
inson turmush sharoitining sog‘ligiga ta’sirini o‘rganadi, atrof-
muhitning gigiyenik me’yorlarini asoslab beradi.
O‘rta Osiyoda gigiyena
O‘rta Osiyoda gigiyenaning rivojlanishi o‘ziga xos tarixga ega.
Qadim zamonlardan O‘rta Osiyo aholisi qanday hayvon va o‘simlik
mahsulotlaridan iste’mol qilish mumkinligi, suv manbalarini
tanlashda va issiq iqlim sharoitida turar joylarni qurish, kiyinish
to‘g‘risida ma’lumotlarga ega bo‘lishgan. O‘rta Osiyo xalqlarining o‘rta
asr tibbiyotiga oid yozma ma’lumotlari shu davrda yashagan va ijod
qilgan olimlarning faoliyati IX—XII asrlarga to‘g‘ri keladi. Bular
qatoridan Abu Bakr ar Roziy hamda Abu Ali ibn Sino ham o‘rin
olgan. Abu Bakr ar Roziy tashqi muhit omillarining odam organiz-
miga ta’sir etishini chuqur o‘rgangan holda uning salbiy ta’siridan
saqlanish to‘g‘risida o‘z mulohazalarini bildirgan. Olim birinchi
bo‘lib, chechakning oldini olish maqsadida emlash kerakligini tavsiya
qilgan va uni qanday ijro etish kerakligini batafsil ifodalagan. Abu
Ali ibn Sino faoliyati, asosan, inson salomatligini saqlash, ya’ni
kasallikning oldini olish, agar kasallik kelib chiqsa, uni davolash
choralarini ko‘rishdan iborat bo‘lgan. Tibbiyot olamida Abu Ali ibn

---

7
Sinoning nomi Giðpokrat va Galen kabi buyuk tabiblar bilan bir
qatorda turadi. Abu Ali ibn Sinoning tibbiyotga oid asarlari bir necha
asrlar davomida tibbiyot fanida nazariy va amaliy asos bo‘lib keladi.
Uning shox asari bo‘lmish „Kitob al-qonun fit tibb“ („Tib ilmi
qonuni“) bir necha tillarga tarjima qilingan.
Abu Ali ibn Sino ichki va tashqi muhitning (ovqat, havo, suv,
iqlim, turmush sharoitlari va h.k) kasallikni paydo bo‘lishida muhim
rol o‘ynashini ko‘rsatib beradi. Turli yuqumli kasalliklarning kelib
chiqishi hamda tarqalishida turli tabiiy omillar, suv, havo orqali
kasallik tarqatuvchi ko‘zga ko‘rinmaydigan „mayda hayvonotlar“
makruhlar (mikroblar) haqidagi fikrni ilgari surgan, shu sababli
suvni qaynatib yoki suzgichdan o‘tkazib iste’mol qilishni tavsiya
etadi. Bu bilan u Pasterdan deyarli 8 asr oldin yuqumli kasalliklarni
qo‘zg‘atuvchi mikroblar to‘g‘risidagi fikrni asoslab, buyuk kashfiyot
yaratadi. Abu Ali ibn Sino kasallikning oldini olish organizmning
yoshligi davrida chiniqtira boshlash, gigiyena tadbirlarini muntazam
ravishda to‘g‘ri amalga oshirish masalalariga, ovqatlanishning rejaliligi,
uyqu oromi, hammom, jismoniy tarbiyaning zarurligi kishi hayotiga
ma’lum darajada ta’sir ko‘rsatishini izohlab berdi.
1920- yilda Turkiston davlat dorilfununi tashkil qilindi. O‘lka-
mizda gigiyena fanining taraqqiy etishida A.Z.Zohidov, Q.S.Zoirov,
S.N.Bobojonov, Sh.T.Otaboyev, T.I.Iskandarov, N.S.Tojiboyeva,
R.U.Ubaydullayev, N.A.Romanchenko va boshqalar katta xizmat
ko‘rsatishdi.
Abdulla Zohidovich Zohidov ko‘p qirrali gigiyenist olim, tib-
biyot fanlari doktori, professor, Tibbiyot fanlari akademiyasining
muxbir a’zosi, O‘zbekiston va Qoraqalpog‘istonda xizmat ko‘rsatgan
fan va texnika arbobi. U 1933- yil Toshkent tibbiyot oliygohini
tamomlagan. Uning ilmiy ishi aholini toza suv bilan ta’minlash,
suv manbalarini muhofaza qilish, turar joylarini ozoda tutish yo‘l-
lari, issiq iqlim sharoitida zaharli ximikatlarni ishlatishda gigiyena
masalalari va boshqalarga bag‘ishlangan.
Qayum Sobirovich Zoirov professor, O‘zbekiston va Qoraqal-
pog‘istonda xizmat ko‘rsatgan shifokor, fan arbobi, olim va tash-
kilotchi. U 230 ta ilmiy maqolalar, 5 ta kitob, 12 ilmiy-ommabop
risola, 12 ta qo‘llanmalar muallifi. Uning ko‘p ilmiy asarlari gigiyena
va epidemiologiyaga bag‘ishlangan. Ayniqsa, u aholini toza suv bilan
ta’minlash, turar joylar gigiyenasi va boshqalarga ahamiyat bergan.
Gigiyena fanining rivojlanishiga hissa qo‘shgan olimlarning nomini
yana davom ettirish mumkin.

---

8
Sog‘liqni saqlash ishlarining birinchi tashkilotchilaridan rossiyalik
N.A.Semashko va Z.P.Solovyevlar gigiyenaning rivojlanishiga katta
hissa qo‘shgan olimlardir.
Mustaqil O‘zbekiston Respublikasi Sog‘liqni saqlash vazirligi
aholi sog‘ligini saqlash, tibbiyot va farmatsevtika muassasalari uchun
xodimlar tayyorlash, tibbiy xizmat ko‘rsatish Davlat standartlarini
va qiymatini belgilaydi, tibbiyot va farmatsevtika faoliyati bilan
shug‘ullanuvchilarga litsenziya berish, dori-darmonlar va dezinfeksiya
vositalarini, immunologik preparatlar, tibbiyotda ishlatiladigan kuchli
ta’sir qiluvchi va zaharli moddalar, giyohvandlik vositalari va psixotrop
vositalarni sertifikatlashtirishni amalga oshiradi, ularni ishlab chi-
qarish hamda qo‘llanilish tartibini nazorat qiladi, sanitariya me’-
yorlari, qoidalari va gigiyena normativlarini ishlab chiqadi va
tasdiqlaydi, sanitariya-epidemiologiya nazoratini o‘rnatadi.
O‘zbekiston Sog‘liqni saqlash tizimining asosiy tamoyillari
Fuqarolar sog‘ligini saqlash haqidagi qonunda ifodalangan, ular
quyidagilardan iborat:
•
sog‘liqni saqlash sohasida inson huquqlarini himoya qilish
qoidalariga rioya qilish;
•
aholining barcha qatlamlari tibbiy yordamdan bahramand
bo‘lishlari;
•
profilaktik chora-tadbirlarning ustunligi;
•
sog‘ligini yo‘qotgan taqdirda fuqarolarning ijtimoiy himoya
qilinishi;
•
tibbiyot fanining amaliyot bilan birgaligi.
Fuqarolar o‘z sog‘liklarini ta’minlash bo‘yicha daxlsiz huquq-
qa egadirlar.
Nazorat savollari
1. Gigiyenà qanday fan va uninig vazifalari nimalardan iborat?
2. Qanday omillar inson organizmiga ta’sir ko‘rsatadi?
3. Gigiyenaning tekshirish usullari qanday?
4. Gigiyenaning rivojlanish tarixi haqida nimalarni bilasiz?
5. O‘zbekiston Sog‘liqni saqlash tizimining asosiy tamoyillari ni-
malardan iborat?

---

9
2- BOB
SANITARIYA-GIGIYENA LABORATORIYASI
ISHINI TASHKIL ETISH
Sanitariya-gigiyena laboratoriyasi sanitariya-epidemiologiya
nazorati markazi qoshida tashkil etiladi. Sanitariya-epidemiologiya
nazorati markazi sanitariya-profilaktika xizmatini amalga oshiradigan
mustaqil tashkilotdir. Sanitariya-gigiyena laboratoriyasi fizik va kimyo-
viy usullarda tekshiruvlar o‘tkazadi. Laboratoriyadagi shoshilinch va
rejali tekshirishlar sanitariya-gigiyena bo‘limi ishlarining tezkor
bo‘lishini va tekshirish natijasida tegishli bo‘lim mutaxassisining chora
ko‘rishini ta’minlaydi.
Sanitariya-gigiyena laboratoriyasi bo‘linmalari tegishli vazifa-
larni bajaradi.
Mehnat gigiyenasi bo‘linmasining vazifalari:
— ishlab chiqarish xonalari, sanoat maydonchalaridagi havo
muhitini tekshirib, undagi kimyoviy moddalar (gaz, bug‘, aerozol
va shunga o‘xshash moddalar), shuningdek, changning qay darajada
mavjudligini, ularning tarkibi va miqdoriy tavsifnomasini aniqlash;
— teri yuzasi, maxsus kiyimlar, ishlab chiqarish jihozlaridan,
mahalliy ishlab chiqarish sharoitini hisobga olgan holda ishlab chi-
qarish xonalari devori va boshqa jihozlardan olingan chayindi suvining
tarkibini aniqlash;
— ishlab chiqarishdagi meteorologik omillar (harorat, namlik,
havoning harakat tezligi, atmosfera bosimi)ni aniqlash;
— ishlab chiqarishdagi shovqin darajasini aniqlash;
— mahalliy va umumiy tebranishni (vibratsiya) aniqlash;
— nur energiyasini tekshirish;
— ish joylarining qay darajada yoritilganligi (tabiiy yoritish
koeffitsiyenti, sun’iy yoritish)ni aniqlash;
— ionlashtiruvchi va rentgen nurlanishi darajasini o‘lchash;
— mehnat fiziologiyasi bo‘yicha tekshirish (yurak-qon tomir
sistemasining holatiga, nafas olish funksiyasiga, termoregulatsiyaga,
mushak kuchiga, asab sistemasi va boshqalar ishini eng oddiy usullar
bilan tekshirib baho berish);
— ventilatsiya ishini tekshirish.
Kommunal gigiyena bo‘linmasining vazifalari:
— suvdan namuna olish, bakteriologik, fizik-kimyoviy, orga-
noleptik, radiologik bezararligini tahlil qilish;

---

10
— suvning qattiqligini, oksidlanuvchanligini aniqlash;
— suvda pestitsidlarni, qoldiq xlorni, xlorli ohak tarkibidagi
aktiv xlorni aniqlash;
— maxsus dastur bo‘yicha suv havzalarining sanitariya holatini
aholi foydalanadigan joylarda tekshirib o‘rganish;
— oqova suvlarni tozalash bo‘yicha inshootlar ishining sama-
radorligi ustidan laboratoriya nazorati o‘rnatish;
— oqova suvlar, atmosfera havosi va tuproqni tekshirib, sanoat
korxonalari tashlagan chiqindilar tufayli ular tarkibida hosil bo‘lgan
zararli moddalar miqdorini aniqlash va hokazo;
— havoning harorati, namligi, harakat tezligi, atmosfera
bosimini aniqlash, laboratoriya tekshirishlari uchun havodan sinama
olish;
— tuproqdan sinama olish, fizik-kimyoviy, bakteriologik,
gelmintologik tekshirishlar o‘tkazish;
— tuproqning donadorligi, uning g‘ovaklilik hajmini aniqlash;
— tuproqdagi pestitsidlar miqdorini aniqlash.
Ovqatlanish gigiyenasi bo‘linmasining vazifalari:
— ovqatlanishni fiziologik me’yorlarga muvofiq kelishi, vita-
minlar bilan ta’minlanganligini chuqur o‘rganish;
— ishlab chiqarilayotgan oziq-ovqat mahsulotlari (go‘sht,
tuxum, baliq, sut mahsulotlari, spirtsiz ichimliklar, kolbasa, tayyor
mahsulotlar)ning sanitariya talablariga hamda Davlat standartlari-
ning mahsulotga gigiyenik nuqtayi nazardan muvofiq kelishi ustidan
nazorat o‘rnatish;
— bolalar ovqatlanishini tekshirish;
— alemetar kasallanish va zaharlanish hollarida ovqat qoldiq-
larini va tayyor taomlarni sanitariya-kimyoviy tekshiruvdan o‘tkazish.
Bolalar va o‘smirlar gigiyenasi bo‘yicha laboratoriyada quyidagi
tekshirish ishlari olib boriladi:
— bolalar ovqatlanishini tekshirish;
— ovqatlanishning fiziologik me’yorlarga muvofiq kelishi,
vitaminlar bilan ta’minlanganligini chuqur o‘rganish;
— alemetar kasallanish va zaharlanish hollarida ovqat qoldiq-
larini va tayyor taomlarni sanitariya-kimyoviy tekshiruvdan o‘tkazish;
— xonalardagi havo muhitini tekshirib, undagi kimyoviy
moddalar (gaz, bug‘, aerozol va unga o‘xshash moddalar) mavjud-
ligini, ularning tarkibi va miqdoriy tavsifnomasini aniqlash;
— muassasadagi xonalarning meteorologik omillari (harorat,
namlik, havoning harakat tezligi, atmosfera bosimi)ni aniqlash;
— shovqin darajasini aniqlash;

---

11
— xonaning yoritilganligini (tabiiy yoritish koeffitsiyenti, sun’iy
yoritish)ni aniqlash;
— bolalar fiziologiyasi bo‘yicha tekshirishlar (yurak-qon tomir
sistemasining holati, nafas olish funksiyasi, termoregulatsiya, mushak
kuchi, asab sistemasi va boshqalar ishini eng oddiy usullar bilan
tekshirib, baho berish);
— ventilatsiya ishini tekshirish.
Bolalar va o‘smirlar gigiyenasi bo‘yicha laboratoriya tekshirish-
lari asboblar bilan o‘lchovlar SENM laboratoriyalarining mehnat
gigiyenasi, kommunal gigiyena, bakteriologiya laboratoriyasi va boshqa
shu singari sohalari bo‘yicha bo‘linmalarida o‘tkazilishi kerak. Bunda
bolalar va o‘smirlar bo‘linmasining topshirig‘iga binoan havo muhiti,
mikroiqlim, yoritish, xonalardagi shovqin darajasi,suvning sifati
hamda bolalar muassasasi yer maydonidagi tuproqning sanitariya
holatini tekshirish ishlari amalga oshirilishi kerak.
Laboratoriya xonalari
Sanitariya epidemiologiya nazorat markazining hajmi va dara-
jasiga qarab laboratoriya xonalarining soni va katta-kichikligi har xil
bo‘lishi mumkin. Laboratoriya xonalari elektrlashtirilgan, vodoprovod,
kanalizatsiya, markaziy tartibda isitiladigan, issiq suv bilan ta’-
minlangan bo‘lishi kerak. Laboratoriyada xodimlar qo‘l yuvadigan
maxsus moslamalar alohida o‘rnatiladi. Xonalarning tabiiy va sun’iy
yoritilishi yetarli darajada bo‘lishi kerak. Xonalardagi havo harorati
18—21°C, nisbiy namlik 40—60 % bo‘lishi kerak. Tabiiy ventilatsiya
uchun darcha yoki tuynuklar ochiladi va yozning issiq kunlarida
ularga mayda ko‘zli to‘rlar tutib qo‘yiladi. Polga linoleum yoki relin
qoplanadi. Stollarning usti yuqori haroratga, kislota va ishqorlarga
chidamli material bilan qoplanadi. Stol usti silliq ho‘l latta bilan
tozalash va dezinfeksiya qilish imkonini beradigan pishiq nitroemal
bilan qoplanishi zarur. Laboratoriya jihozlarida elektr simi, gaz,
suv, kanalizatsiya va boshqalarni keltirib o‘rnatish Sog‘liqni saqlash
vazirligining tegishli buyruqlari bilan tasdiqlangan turli me’yoriy
hujjatlarda belgilab berilgan.
Mehnatni muhofaza qilish va xavfsizlik choralari
Laboratoriyada bajariladigan ishlarning ko‘pchiligi odam orga-
nizmiga zararli ta’sir ko‘rsatadigan moddalarni qo‘llash bilan
bog‘liq. Shuning uchun ehtiyot choralarini ko‘rmaslik va xavfsizlik
texnikasi qoidalariga rioya qilmaslik moddalarning portlab ketishiga,

---

12
yong‘in chiqishiga va boshqa shunga o‘xshash ko‘ngilsiz hodisalarga
sabab bo‘lishi mumkin.
Apparatlar va asbob-uskunalarni ishlatishga oid xavfsizlik
qoidalari
Isitish asboblari issiqlik o‘tkazmaydigan material ustiga o‘rnatiladi
va ularga ishqor, kislota, tuz va boshqa eritmalar sachrashiga yo‘l
qo‘yilmaydi. Elektr asboblari yerga ulab qo‘yiladi va har oyda bir
marta ularning ishga yaroqliligi tekshirib ko‘riladi. Elektr asbobi
ishlab turgan vaqtda shovqin chiqsa yoki hid-tutun chiqsa, asbob
manbadan uzib qo‘yiladi. Tekshirib ko‘rilib, ta’mirlanmaguncha
asbobdan foydalanilmaydi. Elektr asboblarni uchlanma ( troynik)
lar yordamida 1 manbaga ulash man etiladi. Bu elektr simlarini
kuyib ketishiga va o‘t chiqishiga sabab bo‘lishi mumkin.
Shisha buyumlardan foydalanish vaqtida jarohatlanishning oldini
olish uchun quyidagi qoidalarga rioya qilish kerak. Shisha asboblar
yig‘ishtirilayotganda, shisha naychalar belgilangan joylardan sindirib
olinayotganda, yupqa idishlarga tiqin yopilayotganda qo‘lga albatta
sochiq o‘rab olish kerak. Moddalar almashtiri (aralashtiri)layotganda,
issiq ajralib kuyishdan saqlanish uchun, probirka og‘zini o‘zidan va
yonidagi xodimdan boshqa tomonga burish kerak. Idishlarga bata-
mom sovib bo‘lgandan keyingina tiqin yopiladi. Bosim yoki vakuum
ostida ishlashga mo‘ljallangan idishlardan foydalanishdan oldin ular
2—3 soat mobaynida maksimal bosim va maksimal siyraklanish
sharoitida, maxsus to‘siqlar qo‘llab, sinab ko‘riladi. Gazning yonuvchi
qismi gaz tarmog‘iga biriktiruvchi va gaz sizib chiqishiga yo‘l
qo‘ymaydigan yumshoq naychalar bilan ulanadi. Yonib turgan gaz
yaqinida paxta, doka, spirt, efir va boshqa o‘t oladigan buyumlar
bo‘lmasligi kerak. Ish kunining oxirida laboratoriyaga gaz o‘tadigan
joydagi umumiy gaz jo‘mragi yopib ketilishi zarur.
Ventilatsiya ishini maxsus tayinlangan xodim nazorat qiladi. Barcha
xonalardagi ventilatsiyani ish boshlashdan oldin ishlatib qo‘yiladi.
Zaharli, zararli, tez o‘t oluvchi bug‘lar, gazlar ajralib chiqishi
bilan bog‘liq bo‘lgan ishlar havo so‘radigan shkafda olib boriladi.
Ish paytida havo so‘radigan shkaf eshiklari mumkin qadar kamroq
ochilishi kerak. Chang chiqadigan, suyuqlik sachraydigan ishlar ham
havo so‘radigan shkaflarda bajariladi. Bunda himoya kiyimlari
(ko‘zoynak, fartuk, qo‘lqop,yenglik) kiyib olish, zarur hollarda
respiratorlardan foydalanish lozim.
Ventilatsiya yaxshi ishlamay qolganda havo so‘ruvchi shkafdagi
ishlar darhol to‘xtatiladi.

---

13
Kislota va ishqorlar bilan ishlash qoidalari
Kislota va ishqorlar bilan bajariladigan ishlar havo so‘ruvchi
shkaflarda bajariladi. Bunda ko‘zga ko‘zoynak taqib, qo‘lga rezina
qo‘lqop, yenglik, rezina fartuk kiyib olinadi. Kislota, ishqor va
boshqa shunga o‘xshash o‘tkir suyuqliklar maxsus asboblarda
aralashtiriladi. Kislotani og‘izda so‘rib olish juda xavfli bo‘lgani uchun
idishlardagi kislotalar koptoksimon piðetka (so‘rg‘ichlar), o‘lchov
silindrlaridan foydalanib chiqarib olinadi. Kislota eritmasini tayyorlash
uchun avval idishga suv solinadi, keyin ehtiyotkorlik bilan kislota
naychalar orqali qo‘shiladi. O‘yuvchi ishqorlarning katta bo‘laklari
ustiga maxsus material yopib qo‘yiladi va maxsus ajratilgan joylarda
maydalanadi. Aniq miqdorda tortib qo‘yilgan ishqorni albatta hajmi
katta bo‘lgan, og‘zi keng idishga solinadi va shundan keyin unga
zarur miqdorida suv quyib, yaxshilab aralashtiriladi. Ishlash uchun
tayyorlangan kislota va ishqorlar maxsus idishda, alohida xonada
saqlanadi. O‘yuvchi moddalarni katta shisha idishga solib, maxsus
yashikda ikki kishi tashiydi. Idishlarni ko‘tarishdan oldin ularning
sozligi tekshirib ko‘riladi.
Tez alanga oladigan moddalarni ishlatish qoidalari
Tez alanga oladigan va portlash xavfi bo‘lgan moddalar ( efir,
benzin, benzol, aseton, spirt va boshqalar)ni ishlatganda havo
so‘ruvchi shkafdan foydalanish kerak. Bu vaqtda xonadagi gaz
isitgichlarini o‘chirib qo‘yish, gugurt chaqmaslik, chekmaslik lozim.
Barcha elektr asboblarini ishlatish vaqtida uchqun chiqmasligi uchun
ularni o‘chirib qo‘yish zarur. Tez alanga oladigan suyuq moddalarni
suv hammomidagina 100°C gacha isitish mumkin. Bunda ichiga suyuq-
lik solingan kolbani qaynoq suvga tushirishdan oldin uni biroz isitib
olish zarur. Suyuqlikni 100°C yuqori darajaga moy taftida isitiladigan
asboblarda qizdiriladi. Bunda asbobning harorati qizdirilgan suyuqlik
o‘z-o‘zidan o‘t olib ketishi mumkin bo‘lgan haroratdan ortib
ketmasligi kerak. Tez alanga oladigan va portlash xavfi bo‘lgan
moddalar qalin shisha idishlarda va asbest to‘shalgan temir yashik-
larda saqlanadi. Yashiklar qizitiladigan asboblardan va yo‘l yoqalaridan
uzoqroq joylarga qo‘yiladi, lekin yashiklarga yaqinlashish qulay
bo‘lishi kerak. Ish joyida bu moddalar miqdori bajarilayotgan ish
uchun zarur bo‘lgan miqdorda saqlanishiga ruxsat beriladi. Yonuv-
chi suyuqliklar ishlatib bo‘lingach, ularning qolgan qismi zich
yopiladigan idishlarga solinadi va yo‘q qilib yuborish uchun

---

14
topshiriladi: ularni kanalizatsiyaga to‘kish mumkin emas. Zaharli gaz
hosil qiluvchi moddalar faqat zararsizlantirilgandan keyingina
kanalizatsiyaga to‘kilishi mumkin.
Har bir laboratoriyada himoya vositasi (protivogaz) va o‘t
o‘chirish moslamalari bo‘lishi kerak. Ishni tamomlagandan keyin
qo‘llarni yaxshilab yuvish, tishni tozalash va og‘izni chayish kerak.
Agar laboratoriyada o‘t chiqsa darichalar va derazalarni yopish,
ventilatsiya va elektr asboblarini o‘chirish kerak. Yonilg‘i gaz solingan
idishlarni, yonuvchi suyuqliklarni, kimyoviy jihatdan aktiv bo‘lgan
moddalar va boshqa shu singari narsalar hovliga olib chiqiladi.
Reaktivlar va boshqa materiallarni saqlash qoidalari
Bir shkafda bir-biriga qo‘shganda portlash xavfini tug‘diradigan
(masalan, mineral kislotalarni organik erituvchilar bilan birga)
saqlash man etiladi. Barcha moddalar idishlari aniq yozuvlar bilan
ta’minlangan va ularning zaharlilik darajasi ko‘rsatilgan bo‘lishi kerak.
Alohida xavfli, ya’ni zaharlilik darajasi katta bo‘lgan moddalar
yopiq metall shkaflarda saqlanishi kerak. Bu moddalar zarur bo‘l-
ganda qat’iy belgilangan miqdordagina beriladi. Laboratoriyada ish
olib borayotgan laborant texnika xavfsizligini ta’minlash yuzasidan
quydagi vazifalarni bajarishi kerak:
— gaz va elektr tarmoqlari, ventilatsiya, nazorat-o‘lchov as-
boblarining soz ekanligini nazorat qilib borishi;
— ish o‘rnini tartibli tutishi. Ish vaqti tugagach, shisha idishlar
hamda reaktivlar va kuchli ta’sir qiluvchi moddali idishlarni tek-
shirish va maxsus ajratilgan joylarga olib borib qo‘yishi;
— kimyoviy moddalar saqlanadigan shkafni qulflab, muhrlab
ma’sul xodimga topshirishi;
— belgilangan hujjatlarni to‘g‘ri olib borishi va ularni ehtiyot
qilib saqlashi lozim.
Meterologiya va standartlash to‘g‘risida tushuncha
D.I.Mendeleyev fan uchun, amaliyot va tabiatni bilish uchun
o‘lchovlarning ahamiyatini ta’riflab, bunday degan edi: „Qayerdaki
o‘lchash boshlansa, o‘sha joyda fan boshlanadi. Tabiatda o‘lchov
bilan vazn—bilish qurolining asosiy mohiyatidir“.
O‘lchov jarayonining nazariy asoslarini yaratish va takomil-
lashtirish bilan shug‘ullanuvchi fan meterologiya deb ataladi. O‘lchovlar
birligini ta’minlash uchun ishda qo‘llanishga ruxsat etilgan, muay-
yan tarzda jamlangan birliklarni qonunlashtirish — meterologiyaning

---

15
a s o s i y v a z i f a l a r i d a n biridir. Meterologiyaning i k k i n c h i
v a z i f a s i — bu o‘lchov vositalarini muntazam ravishda tekshirib
turishdan iborat. Shunday qilib, har bir laboratoriyadagi o‘lchov
asboblari vaqt-vaqti bilan meterologiya nazoratidan o‘tkazilib turilishi
kerak. Shundagina olingan ma’lumotlar yagona standartga muvofiq
keladi.
Standart — bu texnika qonuni bo‘lib, tegishli davlat tashkiloti
tomonidan tasdiqlangan fan, texnika yutuqlarini, amaliy tajribani
hisobga olgan holda standartlashtirish bo‘yicha bajarilgan ish
natijasidir. Standart bajarilishi shart bo‘lgan bir qator talablarni o‘z
ichiga olgan hujjat shaklida, etalon tarzida nashr etiladi.
Standart — bu namuna yoki sifat etaloni bo‘lib, shu orqali
davlat sifati darajasini ilmiy jihatdan asoslangan holda boshqaradi.
Bu qonun kuchiga ega bo‘lgan hujjatdir, yning buzilishi jinoyatdir.
Standartning a s o s i y v a z i f a s i quyidagilardan iborat:
— tayyor mahsulot, xomashyo, materiallar, yarimtayyor
mahsulotlar sifatiga qo‘yiladigan talablarni hamda komplekt holda
tayyorlanadigan buyumlarni sifat ko‘rsatkichlari bilan tayyorlanishi
zarur bo‘lgan talablarni belgilaydi;
— mahsulot sifatini belgilash ko‘rsatkichlari va sinash hamda
nazorat qilishning metodi va vositalarini aniqlaydi;
— mamlakatda o‘lchovlar birligini va ularning to‘g‘ri bo‘lishini
ta’minlaydi;
— hujjatlashtirishning yagona nusxasini o‘rnatadi;
— yagona termin va belgilar o‘rnatadi.
Standartning quyidagi t o i f a l a r i o‘rnatilgan:
— davlatlararo standartlar;
— sohalararo standartlar;
— Respublika standartlari;
— korxonalar standartlari.
Standartlar maqsadi va mazmuniga qarab quyidagi t u r l a r g a
bo‘linadi:
— texnika shartlari;
— umumiy texnika talablari standarti;
— parametr va o‘lchovlar standarti;
— asosiy parametr va o‘lchov turlari;
— konstruksiya va o‘lchovlar;
— markalar;
— assortimentlar standartlari;
— qabul qoidalari standartlari;

---

16
— nazorat qilish (sinash, tahlil qilish), belgi qo‘yish (marki-
rovka), qadoqlash,tashish va saqlash qoidalari standartlari;
— foydalanish va ta’mirlash qoidalari standartlari;
— maxsus texnologik jarayonlari standartlari;
— o‘lchov asboblarini tekshirish usullari va vositalari standartlari.
Standartlar o‘zining tegishli belgilariga ega bo‘lib, ular
indeksdan, ro‘yxat raqamidan, tasdiqlangan yilini ko‘rsatuvchi
raqamlar (so‘nggi ikki raqamli) dan iborat bo‘ladi.
Nazorat savollari
1. Sanitariya-gigiyena laboratoriyasining qanday bo‘limlari va nomlari
mavjud?
2. Sanitariya-gigiyena laboratoriyasining vazifalari qanday va unga qanday
talablar qo‘yiladi?
3. Mehnatni muhofaza qilish va xavfsizlik qoidalari haqida nimalarni
bilasiz?
4. Standartlash va meterologiya nima?

---

17
3- BOB
ATMOSFERA HAVOSI GIGIYENASI
Atmosfera havosi yerning ustki qismini o‘rab olgan gazli qavati
bo‘lib, tabiiy omil hisoblanadi.
Havoning inson salomatligi uchun ahamiyati g‘oyat katta. Gið-
pokrat bundan juda ko‘p yillar ilgari „Bizning salomatligimiz va
kasalliklarimiz bizni o‘rab turgan tashqi muhit—havo, suv, tuproq
kabilarning xarakteriga bog‘liq“ degan.
Atmosfera havosining kimyoviy tarkibi va uning
gigiyenik ahamiyati
Atmosfera havosi kislorod, uglerod (IV) oksidi, azot, argon va
boshqa gazlarning fizikaviy aralashmasidan iborat.
Nafas bilan olinadigan va chiqariladigan havoning kimyoviy
tarkibi quyidagi jadvalda keltirilgan.
1- jadval
¹
z
a
G
,i
s
o
v
a
h
a
r
e
f
s
o
m
t
A
%
s
a
f
a
N
%
,i
g
a
d
n
a
g
li
r
a
q
i
h
c
1
2
3
4
d
o
r
o
l
s
i
K
d
i
s
k
o
)
V
I
(
d
o
r
e
l
g
U
t
o
z
A
r
a
l
z
a
g
t
r
e
n
i
a
q
h
s
o
b
a
v
n
o
g
r
A
4
9
,
0
2
3
0
,
0
8
0
,
8
7
4
9
,
0
0
,
6
1
—
4
,
5
1
7
,
4
—
4
,
3
6
2
,
8
7
4
9
,
0
Atmosfera havosining eng muhim tarkibiy qismi kislorod
hisoblanadi.
KISLOROD. Organizmning hayotiy faoliyatida kislorod eng
muhim o‘rin tutadi, chunki barcha oksidlanish hodisalari bevosita
uning ishtirokida sodir bo‘ladi. Odam tinch holatda minutiga 350
mm kislorod sarf qiladi. Shuni aytish kerakki, inson organizmining
kislorod bilan ta’minlanishi buzilsa, nafas, makaziy nerv sistemasi,
yurak-qon tomir sistemasi faoliyatida jiddiy o‘zgarishlar sodir bo‘ladi.
Organizm uchun kislorodning havodagi absolut miqdori emas, balki
uning parsial bosimi ahamiyatga ega. Chunki o‘pka alveolalarida
kislorodning qonga va qondagi to‘qima suyuqliklariga o‘tishi parsial
bosimlar farqi ta’sirida amalga oshadi. Agar bosim pastga tushib
ketsa, kislorod qonga o‘ta olmaydi, to‘qima va hujayralarda kislorod
tanqisligi ro‘y beradi va bu esa giðoksiyaga olib keladi.Inson organiz-

---

18
mini kislorod bilan ta’minlanishi buzilsa nafas, markaziy nerv
sistemasi, yurak-qon tomir sistemasi va boshqa sistemalar faoliyatida
jiddiy o‘zgarishlar sodir bo‘ladi.
40—60 % gacha kislorod bilan boyitilgan havodan nafas oldirish
kislorod yetishmasligini davolashda qo‘llaniladi. Agar barokameralarda
bosim 3 atmosferaga oshirilsa, RO
2
640 g Pa gacha , simob ustuni
480 mm gacha ko‘tariladi. Odam mana shunday sharoitlarda bo‘lgan
giðoksiya holatidagi to‘qimalarda kislorod tarkibi yaxshilanib, uning
hayot faoliyati me’yorlashadi. Bu davo usuli giðerbarik oksigenatsiya
usuli deb ataladi.
Azot va inert gazlar guruhi
Azot atmosfera havosining asosiy tarkibiy qismi bo‘lib, uning
gigiyenik ahamiyati shundaki, kislorodni odamning me’yorda nafas
olish uchun zarur darajada suyultirib omixta qiladi, chunki busiz
sof kislorodda hayot bo‘lishi qiyin.
Havoda azotning ko‘payib ketishi kislorodning parsial bosimini
kamaytiradi va giðoksiya, asfiksiya holatini paydo qiladi. Biroq azot
tabiiy holatda o‘z miqdorini o‘zgartirmaydi. U qonda yaxshi eriydi,
past bosimda esa qondan chiqib ketib, kesson kasalligining kelib
chiqishiga sabab bo‘ladi.
Juda kam bo‘ladigan boshqa gazlar— chaqmoq, elektr
to‘lqinlarida ultrabinafsha nurlar ta’siri ostida hosil bo‘ladi.Ularning
gigiyenik ahamiyati kam. Atmosferada bo‘ladigan ozon quyosh
spektrining qisqa to‘lqinli ultrabinafsha nurlarini ushlab qolib, Yer
yuzasidagi jami jonzotni halokatli ta’sirdan saqlab qoladi.
Har bir kimyoviy modda uchun ruxsat etiladigan miqdor (REM)
ishlab chiqilgan bo‘lib, uni amalda tatbiq etishga katta ahamiyat
beriladi.
Atmosfera havosining fizik xossalari
Havoning harorati. Quyosh nuri atmosferadan o‘tayotganda uni
amalda qizdirmaydi. Havoning isishi tuproqning issiqlikni qaytarishi
hisobiga yuz beradi. Havo haroratining gigiyenik ahamiyati uning
organizmdagi issiqlik almashinuviga ta’siri bilan belgilanadi. Odam
organizmida issiqlik hujayra va to‘qimalarda bo‘ladigan oksidlanish
hodisalari hisobiga hosil bo‘ladi. Hayotiy hodisalar me’yoriy kechuvchi
doimiy gavda haroratida amalga oshiriladi. Murakkab termoregulatsiya
mexanizmi tufayli organizmimiz hatto havo harorati birmuncha
o‘zgarganda ham issiqlik muvozanatini saqlaydi.

---

19
Tashqi muhitga issiqlik berishning uch asosiy yo‘li bor:
— teri yuzasidan terning bug‘lanishi ( 1 g ter bug‘langanda
organizm 2, 5 kJ atrofida energiya yo‘qotadi);
— issiqlikning nurlanish yo‘li bilan sovuqroq predmetlar tomoniga
uzatilishi;
— teriga yondashib turadigan havo qatlamlarining bevosita qizishi
hisobiga bo‘ladigan konveksiya.
Harorat keskin va uzoqroq vaqt o‘zgaraveradigan bo‘lsa, qizib
ketish (havo harorati yuqori bo‘lganda) hollarini keltirib chiqaradi.
Havoning namligi. 25—60 % orasidagi nisbiy namlik eng qulay
hisoblanadi. Suv havzalari, tuproq yuzasi va o‘simliklardan doim
suv bug‘lari chiqib turadi, bu — havoning namlanishiga sabab
bo‘ladi, 1m
3
dagi suv bug‘lari miqdori (g.da) absalut havo namligi
deb ataladi. Maksimal havo namligi — bu 1 m
3
havoning ma’lum
haroratida namlik bilan to‘la-to‘kis to‘yinib olishi uchun zarur bo‘lgan
suv bug‘lari miqdoridir (g.da).
Havoning harakati. Sanitariya amaliyotida havo harakat tezligi
va shamolning yo‘nalishi aniqlanadi.
Havo harakati tezligining me’yori, asosan, havoning haroratiga
qarab belgilanadi. Turar joy xonalarida tezlik 0,1—0,3 m.sek, jismoniy
tarbiya zallarida — 0,5 m.sek gacha, ishlab chiqarishda va issiq sex-
larda esa 1—1,5 m.sek gacha me’yor hisoblanadi. Havo harakatining
gigiyenik ahamiyati shundaki, u turar joylar va binolar ventilatsiya-
sini, atmosferaning ifloslanishlardan o‘z-o‘zidan tozalanishini
yaxshilaydi.
Shamolning yo‘nalishi u harakatlanayotgan dunyo tomoni bilan
aniqlanadi va rumbalarda belgilanadi (2- rasm).
2-rasm. Shamollar guli.
Sh
J
JG‘
G‘
Sh-G‘

---

20
Atmosfera bosimi. Yerning tortishish kuchi tufayli atmosfera
yerdagi narsalarga ta’sir ko‘rsatadi. Havo bosimining bir kunlik
o‘zgarishi odatda simob ustunining bir necha mm.ga yetadi. Atmo-
sfera bosimining ana shunday asta-sekin o‘zgarib borishi sog‘lom
odam organizmiga deyarli ta’sir ko‘rsatmaydi. Biroq bemor odam-
larda ob-havo almashinuvi natijasida oldingi og‘riqlar kuchayadi,
asab kasalliklari paydo bo‘ladi, eski jarohatlar og‘riydi. Bosim
pasaygan sari kislorodning parsial bosimi kamayadi, bu esa balandlik
kasalligiga xos belgilar bilan kechadi.
Atmosferaning yuqori bosimi ta’siriga uchraganda kesson
kasalligini kuzatish mumkin.
Havo ionizatsiyasi. Atmosferada radioaktiv unsurlar, elektr to‘l-
qinlari, ultrabinafsha va kosmik nurlar ta’siri ostida hosil bo‘ladigan
ionlarning doimiy almashinuvi bo‘lib turadi.
Toza havo ifloslangan havodan yengil manfiy ionlar ko‘pligi
bilan farqlanadi. Shaharning ifloslangan havosi qishloq joylar va
dam olish maydonlari havosiga qaraganda kamroq ionlashgan. Havoda
chang va karbonat angidrid gazi nechog‘liq ko‘p; uning harorati va
namligi qancha yuqori bo‘lsa, unda og‘ir ionlar shunchalik ko‘p
bo‘ladi. Shu sababdan turar joy va jamoat binolaridagi havoning
ionizatsiya darajasi havo tozaligining ko‘rsatkichi hisoblanadi.
Komfort maydonda havo harorati 17—18°C, nisbiy namlik 40—
60 %, havo yo‘nalishi tezligi 0,1 m.sek, atmosfera bosimi 760 mm
simob ustuniga teng bo‘lishi kerak.
Atmosfera havosi ifloslanishining oldini
olish yo‘llari
Hozirgi kunda atmosfera havosini muhofaza qilish uchun quyidagi
uchta tadbirni amalga oshirish ko‘zda tutiladi:
— texnologik;
— loyihalash;
— sanitariya-texnik tadbirlar.
Bundan tashqari, turar joylardagi atmosfera havosini ifloslanishida
moddalarni ruxsat etilgan darajasini ta’minlash uchun O‘zbekiston
Respublikasi tomonidan chiqarilgan 0015—94 sonli sanitariya qoida
va me’yorlari belgilangan.
Texnologik tadbirlar. Texnologik chora-tadbirlarga zararli mod-
dalarni kamroq zararlilariga almashtirish, xomashyolarni zararli
aralashmalardan tozalash, quruq qayta ishlashni ho‘l qayta ishlash
bilan almashtirish, ishlab chiqarish jarayonining berkligi, avto-
matlashtirish va boshqalar kiradi.

---

21
Loyihalash tadbirlari. Loyihalash tadbirlari, asosan, shahar
chegarasini shamollar yo‘nalishini hisobga olgan holda, ishlab
chiqarish va yashash maydonlariga to‘g‘ri taqsimlanishi, ishlab
chiqarish va yashash binolaridan ajratib turadigan sanitariya-himoya
muhitini yaratishni o‘z ichiga oladi.
Sanitariya-himoya muhiti uchun quyidagi o‘lchamlar belgilangan:
1- s i n f — sanitariya-himoya muhiti kengligi 1000 m;
2- s i n f — sanitariya-himoya muhiti kengligi 500 m;
3- s i n f — sanitariya-himoya muhiti kengligi 300 m;
4- s i n f — sanitariya-himoya muhiti kengligi 50 m.
Sanitariya-himoya muhiti gazlar ta’siriga chidamli o‘simliklar
bilan ko‘kalamzorlashtirilishi lozim.
Sanitariya-texnik tadbirlar. Sanitariya-texnik chora-tadbirlar
sanoat chiqindilarini qayta ishlash hamda chang va gazlarni ushlab
qolish xususiyatlari bilan farq qiluvchi tozalash inshootlari yordamida
tozalashni ko‘zda tutadi. Ularga quruq mexanik chang ushlagichlar,
filtrlar va ho‘l usulda tozalash apparatlari kiradi. Havoni tozalash
uchun turli filtrlardan foydalaniladi, ulardagi filtrlovchi yuza esa
turli gazlamalar va gaz bilan ho‘l tozalash hisoblanadi.
Nazorat savollari
1. Atmosfera havosining kimyoviy tuzilishi va inson uchun ahamiyati
qanday?
2. Havoning fizik xossalari va inson organizmi uchun ahamiyati
qanday?
3. Shamollar yo‘nalishi va uning ahamiyati haqida nimalarni bilasiz?
4. Atmosfera havosining ifloslanish manbalari nimalar?
5. Atmosfera havosi ifloslanishining oldini olish uchun qanday chora-
tadbirlar ko‘riladi?
6. Iqlim va mikroiqlim nima?

---

22
4- BOB
TUPROQ GIGIYENASI
Aholi yashash joylarini chiqindilardan tozalash
Yer kurrasining ustki qatlami tuproq deb ataladi. Tuproqda juda
ko‘p miqdordagi mikroorganizmlar yashaydigan mineral hamda
organik zarrachalar qo‘shilmasidan iborat Yer qobig‘i g‘ovak yuza
qatlamining unumdor qismidir.
Tashqi muhitning asosiy elementlaridan bo‘lgan tuproq va unga
yoyilib ketgan tog‘ jinslari kishilar sog‘ligiga va ular hayotining
sanitariya sharoitlariga katta ta’sir ko‘rsatadi.
Tuproq foydalanilishiga qarab 3 turga bo‘linadi:
— turar joylardan tashqaridagi tabiiy tuproq. Bunday tuproqdan
qishloq xo‘jaligi ekinlarini ekishda, qurilishlarda foydalaniladi;
— turar joylar uchun ishlatiladigan sun’iy tuproq;
— tuproqlarning sun’iy qoplami, ya’ni asfalt, beton va shag‘al
bilan qoplami.
Tuproq qatlami Yer kurrasi bilan atmosfera o‘rtasidagi muvo-
zanatni—murakkab moddalar almashinuvi, energiya ajralishini hamda
biosferadagi jonivorlarning yashash tarzi mutanosibligini saqlab
turadi.
Tuproq qattiq zarrachalar — turli kattalik va shakldagi dona-
chalar va ular orasidagi bo‘sh oraliqlar—havo bilan to‘lgan mayda
katakchalardan iborat. Donachalar va katakchalarning o‘lchami
tuproqning eng muhim gigiyenik xossalari; havo o‘tkazuvchanligi,
namlik sig‘imi, gigroskopligi, kapillarligini belgilaydi.
Tuproqning issiqlik xossalari muhim gigiyenik ahamiyatga ega.
Tuproqning yuza qatlami quyoshdan qiziydi va so‘ngra o‘zidan issiqlik
chiqarib, yer ustidagi havo qatlamini isitadi. Tuproqning issiqlik
xossalarini vodoprovod va kanalizatsiya quvurlari, binolar poyde-
vorining chuqurligini aniqlashda hisobga olish zarur.
Ayrim tumanlar tuproqlarida qator elementlar (yod, ftor,
kobalt, molibden va boshqalar) miqdori kam bo‘lishi yoki oshgan
bo‘ladi, bu, o‘z navbatida, suv, o‘simlik va hayvonot dunyosining
mineral tarkibi o‘zgarishlariga olib keladi. Natijada spetsifik kasal-
liklar, geokimyoviy epidemiyalar nomini olgan flyuoroz, endemik
buqoq, molibdenoz va boshqalar paydo bo‘lishiga sharoit vujudga
kelishi mumkin.

---

23
Katta miqdordagi chiqindilar tuproqqa tushib, tuproqning o‘z-
o‘zidan tozalanish xususiyati tufayli yuqumsiz holga keltiriladi.
Tuproqning o‘z-o‘zidan tozalanishi
Tuproqning o‘z-o‘zidan tozalanishi — tuproqning tuzilishi,
kimyoviy tarkibi, fizik xossalari, bakterial mikroflorasi va faunasiga
bog‘liq bo‘lgan murakkab hodisadir. O‘z-o‘zidan tozalanish hodisasi
2 bosqich minerallanish va nitrifikatsiyani bosib o‘tadi. Organik mod-
dalarning minerallanishi aerob (kislorod tushadigan) va anaerob
(kislorodsiz yoki yetarli bo‘lmagan)sharoitlarda sodir bo‘lishi mumkin.
Organik moddalar aerob sharoitlarda spora tashimaydigan chirindi
mikroblar va achitadigan mikroblar faoliyati tufayli parchalanadi.
Organik moddalarning parchalanish hodisasi havoni ifloslantiradigan
badbo‘y gazlar ajralishi bilan o‘tadi. Shuning uchun chirindilarni
aerob sharoitlarda zararsizlantirish kerak.
Organik moddalar parchalanishining muayyan bosqichida maxsus
mahsulot — gumus (chirindi) hosil bo‘ladi. Gumus organik moddalarga
boy, murakkab kimyoviy tarkibga ega bo‘lgan birikma. Uning tarki-
bida gumin, ulmin, kren kislotasi, ligninlar, proteinlar, karbon suvlar,
yog‘lar, organik kislotalar bo‘ladi.
Gumus asta-sekin parchalanadi va o‘simliklarga zarur oziq
moddalar beradi, badbo‘y hid hosil qilmaydi va spora tashuvchilardan
tashqari, mikroorganizmlar saqlanmaydi,yaxshi o‘g‘it hisoblanadi.
Chiqindilar tasnifi va to‘planish tartibi
Chiqindilar ikki guruh: suyuq va qattiq chiqindi—axlatlarga
bo‘lib o‘rganiladi.
A. S u y u q c h i q i n d i l a r :
— hojatxona chiqindilari;
— yuvindi chiqindilari;
— sanoat korxonalari, molxonalardan chiqqan va yog‘ingarchilik
natijasida hosil bo‘lgan suvlar.
B. Q a t t i q c h i q i n d i l a r .
— uy chiqindi-axlatlari;
— ko‘cha supurindilari;
— jamoa oshxonalarining chiqindi axlatlari;
— sanoat korxonalari, savdo obyektlaridan chiqadigan chiqindi
axlatlar;
— go‘ng;
— hayvonlarning o‘lik tanasi, go‘sht ishlab chiqarish korxonalari
chiqindilari;

---

24
— qurilish chiqindilari va boshqalar.
Aholi yashash joylarida hosil bo‘ladigan chiqindilarning miqdori
va ularning tarkibi shaharning katta-kichikligiga, kanalizatsiya bor-
yo‘qligiga, umumiy ovqatlanish tarmog‘ining rivojlanish darajasiga,
iqlim sharoitiga va boshqalarga bog‘liq holda o‘zgarib turadi.
Axlatxonalardagi uy-ro‘zg‘or chiqindilari kemiruvchilar va
hasharotlarning ko‘payishiga, yoqimsiz hidlar chiqishiga sabab bo‘-
ladi. Gigiyenik nuqtayi nazardan organik moddalar saqlagan chiqin-
dilarning ahamiyati katta. Ular aholi mahallalaridan o‘z vaqtida
tashib ketilmaganida havo ammiak, vodorod sulfid, metkaptan va
boshqa moddalarning parchalanish mahsulotlari bilan ifloslanishi
mumkin. Zarur chiqindi to‘plovchi transport vositalari miqdori
hisoblab chiqiladi va chiqindilarni yig‘ish va zararsiz holga kelti-
rishning maqsadga muvofiq qurilmasi belgilanadi.
Aholi yasash joylarini tozalash
Aholi yashash joylarini tozalash deganda, chiqindilarni yig‘ish,
tashib ketish va zararsizlantirish bo‘yicha o‘tkaziladigan tadbirlar
yig‘indisi tushuniladi. O‘zbekiston Respublikasida chiqarilgan 0068—
96- sonli Sanitariya qoida va me’yorlarida ko‘rsatilgan „O‘zbekiston
Respublikasi shaharlarida qattiq chiqindilarni yig‘ish, saqlash, tash-
qariga chiqarish hamda bezarar holga keltirish to‘g‘risidagi sanitariya
qoidasi“ ga amal qilish fuqarolar burchidir. Aholi yashash joylarini
tozalash faqat gigiyenik emas, balki iqtisodiy ahamiyatga ega,
chunki chiqindilardan o‘g‘itlar sifatida, issiqlik energiyasi olish
uchun, mollarni boqishda foydalaniladi va hokazo.
Aholi yashaydigan joylarni suyuq chiqindilardan tozalash 2
yo‘l bilan olib boriladi.
1. Kanalizatsiya orqali; bunda suyuq chiqindilar maxsus quvurlar
(oqizish qurilmasi) orqali maxsus chiqindixonalarga chiqarilib, u
yerda tozalanadi, zararsizlantiriladi va suvga tashlanadi.
2. Aholi yashaydigan joylardan tashqariga transport vositalari
yordamida olib chiqib to‘kiladi.
Ro‘zg‘ordagi suyuq chiqindilarni tashlash uchun o‘ralar
kovlanadi (3- rasm). Suyuq chiqindilarni tashib ketish, yo‘qotish
quyidagi bosqichlarni o‘z ichiga oladi:
1. Chiqindilar yig‘iladigan joylar ( hojatxonalar, o‘ralar).
2. Tashib ketish uchun transport.
3. Chiqindilarni zararsizlantirish va qayta ishlash inshootlari.
Hozirgi vaqtda suyuq chiqindilarni zararsizlantirish 2 usulda
olib boriladi.

---

25
1. Assenizatsiya dalalarida tuproqqa tashlangan suyuq chiqindilar
zararsizlantiribgina qolmay, uni tabiiy o‘g‘itga aylantiriladi. Bunday
yerlarda hosildorlik 50—60 % ga oshishi kuzatiladi.
2. Yer maydoni yetishmaganda suyuq najaslarni zararsizlantirish
uchun yer haydaladigan dalalardan foydalaniladi. Ularning
assenizatsiya dalalaridan farqi shundaki, u yerda qishloq xo‘jaligi
ekinlari yetishtirilmaydi.
Kanalizatsiya quvurlari vodoprovod quvurlaridan 1,5—2 m past-
roqqa ko‘miladi. Kanalizatsiya oqavalari filtrlanib muallaq modda-
lardan ozod bo‘ladi va tuproqning o‘z-o‘zidan tozalanish xossasi
tufayli zararsizlanadi. Filtrlangan oqava suyuqlik drenajlar orqali
suv havzalariga oqiziladi.
Sug‘orish dalalari filtratsiya dalalaridan farqli ravishda qishloq
xo‘jaligi ekinlarini yetishtiradi. Ular ariq va egatlarga bo‘linadi.
Sug‘oriladigan dalalarda o‘stiriladigan ekinlarga patogen (kasallik
3-rasm. Luftklozet (kesmasi).
„Sagi“ deflektori
Luftkanal
(ventilatsiyali)
Luftkanal o‘tgan joyga
g‘isht terilgan
Sement suvoq
Beton zamin
Temir-beton plita
Torf sepilgan
joy
Pishitilgan joy
Qabul voronkasi
Oqova suv trubasi d=16
To‘shama
Luft qopqog‘i
≤
250
70
30
i-0,15
i-0,3
80

---

26
qo‘zg‘atuvchi) mikroblar va gijja tuxumlarining tushish xavfi bo‘ladi,
shuning uchun ularga xomligicha iste’mol qilinadigan sabzavotlar va
mevalar (sabzi, bodring, rediska, pomidor) ekish man etiladi.
Axlatlar ikki yo‘l bilan zararsizlantiriladi va ulardan foydalanish
mumkin:
1. B i o t e r m i k u s u l , axlatni kompost qilish, ya’ni axlatni
maxsus axlatxonalarda zararsizlantiriladi, so‘ng ulardan issiqxona-
larda foydalanish mumkin. Kompost usulida axlatning harorati 60—
75°C ga ko‘tarilib, undagi inson organizmiga zararli bo‘lgan va uning
sog‘ligiga xavf tug‘diruvchi barcha tirik organizmlar o‘z-o‘zidan
qiriladi (4-rasm).
2. A x l a t n i k u y d i r a d i g a n , x i l l a y d i g a n zavodlarda
zararsizlantirish. Shu narsa ma’lumki, aholi turar joylaridan yig‘ilgan
axlatlardan har doim ham qishloq xo‘jaligida foydalanilmaydi. Shuning
uchun ham ortiqcha axlatlarni zararsiz holatga keltirish maqsadida
shahardan 1000 m uzoq masofada axlatlar tuproqqa ko‘miladi.
Nazorat savollari
1. Tuproqning gigiyenik va epidemiologik ahamiyati nimada?
2. Tuproqning o‘z-o‘zidan tozalanish xususiyati haqida nimalarni
bilasiz?
3. Chiqindilar tasnifi va to‘planishi deganda nimani tushunasiz?
4. Aholi yashash joylarini chiqindilardan tozalashning qanday usul-
larini bilasiz?
5. Siz yashaydigan hududda chiqindilar qanday tozalanadi?

---

27
5- BOB
SUV GIGIYENASI. AHOLINI ICHIMLIK
SUVI BILAN TA’MINLASH
Gigiyenik nuqtayi nazardan toza suv — hayot manbayi,
salomatlik garovi hisoblanadi. Suv inson hayoti, hayvonot va o‘simlik
dunyosi uchun muhim ahamiyatga ega bo‘lgan tashqi muhit
omillaridan biridir*.
Odam organzmi ham 65—75 % suvdan tashkil topgan. Aholining
suvga bo‘lgan ehtiyoji faqat ichish va ovqat tayyorlash bilan chega-
ralanib qolmaydi, chunki u tanani, turar joylarni, uy-ro‘zg‘or buyum-
larini, jamoat va davolash muassasalarini toza tutish uchun zarur.
Suvning katta miqdori sanoat, transport, qishloq xo‘jaligi eh-
tiyojlari uchun sarf bo‘ladi. Odam bir kecha-kunduz davomida 100
ml dan 3000 ml atrofida suv iste’mol qiladi, jumladan, 1200—1300
ml (48%) suvni suyuqlik ko‘rinishida, 1000—1100 ml suvni esa
ovqat tarkibida iste’mol qiladi.
Suvning epidemiologik ahamiyatini ayniqsa qayd qilib o‘tish
lozim, chunki ichimlik suvida yuqumli kasalliklarning qo‘zg‘atuvchi-
lari bo‘lganda suv orqali yuqish yo‘li ichak infeksiyalari — ichter-
lama, ichburug‘, vabo uchun xos. Ayrim virusli infeksiyalar —
yuqumli gepatit (Botkin kasalligi), polemiyelit, leptosperoz, tulyare-
miyaning suv orqali o‘tish imkoniyati ehtimoldan xoli emas. Suvda
gelmintozlar—askaridoz, shistomoz va boshqalar tarqalishi mumkin.
Suv orqali tarqaladigan epidemiyalarning asosiy belgisi bitta suv
manbayidan foydalanadigan shaxslar o‘rtasida bir vaqtning o‘zida
ko‘p sonli kasallanishning paydo bo‘lishi hisoblanadi. Lekin kasallik
yo‘qotilgandan keyin kasallanishning birdaniga kamayib ketishi
kuzatiladi.
Suv sifatini belgilovchi gigiyenik me’yorlar
O‘zbekiston Respublikasining 1.07.2000- yildagi „Ichimlik suv“i
950—2000- sonli Davlat standartida suv sifatini belgilovchi me’yorlar
berilgan.
Ichimlik suvining xavfsizligini ta’minlovchi standart to‘rt qism-
dan iborat:
*
Ilovaga qarang.

---

28
a) ichimlik suv epidemiya xavfini tug‘dirmasligi kerak;
b) kimyoviy jihatdan zararsiz bo‘lishi zarur;
d) ichimlik suvining organoleptik xossalari yoqimli bo‘lmog‘i
lozim;
e) ichimlik suv har qanday sharoitda ifloslanishdan muhofaza
qilinishi kerak.
1. Suvning kimyoviy ko‘rsatkichlari me’yorlari
Ko‘rsatkichlar
Me’yori (mg.l da)
Ftor
0,7
Azot nitrat
45,0
Stronsiy
7
Molibden
0,25
Qo‘rg‘oshin
0,03
Kadmiy
0,001
Margimush
0,05
Nikel
0,1
Simob
0,0005 va boshqalar.
2. Ichimlik suvning organoleptik xususiyatlari me’yori
Ko‘rsatkichlar
Me’yori
20 0 da suvning hidi
ko‘pi bilan 2 ball
20 0 da suvning ta’mi
ko‘pi bilan 2 ball
Suvning rangi
ko‘pi bilan 20—25
Suvning loyqaligi (qoldig‘i)
ko‘pi bilan 1 mg/l
Suv tarkibida ko‘zga ko‘rinadigan har xil mayda jonivorlar va
suzib yuruvchi quyqalar bo‘lmagan suv ichishga yaroqli hisoblanadi.
3. Suvning ruxsat etilgan radioaktiv ko‘rsatkichlari:
Radioaktiv birikmalar 950—2000-sonli Davlat standartida ko‘r-
satilgan me’yorlardan oshmasligi kerak, jumladan, alfa radioak-
tivlikning umumiy yig‘indisi —0,1 Bk.l, beta radioaktivlikning umumiy
yig‘indisi —1,0 Bk.l, uran 238 ning miqdori —9,6 Bk.l, radiy 226
niki —0,96 Bk.l, radion 222 niki —80,0 Bk.l bo‘lishi kerak.
4. Suvning epidemiologik jihatdan xavfsizligini bildiruvchi
ko‘rsatkichlar:
a) koli-indeks 3 dan ko‘p bo‘lmasligi yoki koli-titr 300 ml
dan kam bo‘lmasligi;
b) bakteriyalar koloniyasining umumiy soni 1 ml suvda 100
dan ko‘p bo‘lmasligi;

---

29
d) polifaglar 200 ml suvda, oddiy ichak patogenlari—lyamb-
liyalar, ichburug‘ amyobalari, gijja tuxumlari suvda bo‘lmasligi kerak.
Suvni tozalash va zararsizlantirish
Ochiq suv havzalari suvini, ba’zan yerosti suvlarini ham ular-
ning fizik xossalarini oldindan yaxshilamasdan va yuqumsizlantir-
masdan foydalanib bo‘lmaydi.
Suvni tozalashdan asosiy maqsad uning fizik xossalarini (tiniqligi,
rangdorligi va boshqalar) yaxshilash uchun uni muallaq zarracha-
lardan ozod qilishdan iborat. Amalda bunga tinitish, koagulatsiya va
filtrlash bilan erishiladi. Suvni tinitish jarayoni maxsus inshootlar—
tinitgichlarda amalga oshiriladi. Ularning ta’siri shunga asoslanganki,
suvning tor teshik orqali sekinlik bilan oqishi tufayli tinitgich tubida
birmuncha yirik zarrachalar cho‘kadi. Tinitish jarayoni 4—8 soat
davom etadi. Bunda juda mayda zarrachalar va mikroorganizmlarning
talaygina qismi cho‘kindiga tushishga ulgurmaydi. Cho‘kishni
tezlashtirish uchun uning samaradorligini oshirish maqsadida suv
koagulatsiya qilinadi. Buning uchun suvga koagulant (aluminiy sul-
fat) qo‘shiladi, u suvdagi kalsiy bikarbonatlari va magniy bilan
reaksiyaga kirishib, musbat zaryadli aluminiy gidroksid parchalarini
hosil qiladi.
Al
2
(SO
4
)
3
+ 3Ca (HCO
3
)
2
= 2Al (OH)
3
+ 3CaSO
4
+ 6CO
2
Manfiy zaryadga ega bo‘lgan mayda zarrachalar koagulant
parchalari yuzasiga yopishadi va cho‘kadi. Bu suv tiniqligining yax-
shilanishiga va rangdorligining kamayishiga imkon beradi.
Suvning tozalanishining oxirgi bosqichi filtratsiya hisoblanadi,
buning uchun vodoprovod stansiyalarida maxsus inshootlar sekin va
tez ishlaydigan filtrlardan foydalaniladi.
Hozirgi vaqtda tez tozalaydigan filtrlar o‘rniga kontakt tindir-
gichlar ishlatilmoqda. Ularda koagulant bevosita quvurlar tizimiga
kiritiladi. Bunda filtrning yirik donador qatlamida esa muallaq
zarrachalar bo‘lgan koagulant parchalari tutilib qoladi. Bu odatdagi
filtrlarga qaraganda unumdorlikni 2—2 
1
/
2
marta oshirishga imkon
beradi.
Ichimlik suvining epidemiologik xavfsizligini ta’minlash uchun
unga yuqumsizlantirish yo‘li bilan yana ishlov beriladi. Yuqum-
sizlantirish uchun suvni gazsimon xlor yoki xlorli ohak eritmasi
bilan xlorlashda foydalaniladi. Xlor moddasi 6—7 atm bosim ostida
ballonlarda saqlanib gazsimon xlordan yirik vodoprovod markazlarida

---

30
foydalaniladi. Kichikroq vodoprovod markazlarida yuqumsizlantirish
uchun xlorli ohakda 28—33 % aktiv xlor bo‘ladi. Suvni yuqum-
sizlantirgandan keyin 0,3—0,5 mg.l qoldiq xlor deb ataladigan xlor
qolsa, xlor miqdori yetarli hisoblanadi. Qoldiq xlor bu miqdorda
suvning organoleptik xossalariga ta’sir qilmaydi va organizm uchun
bezarardir.
Shaxsiy suv zaxiralari qaynatib, shuningdek, xlor saqlagan
tabletkalar yordamida yuqumsizlantiriladi. Masalan, pantotsid (1
tabletkasida 3 mg aktiv xlor bor), akvatsid (1 tabletkasida 4 mg
aktiv xlor bor) va yod tabletkalari (3 mg aktiv xlor) ishlatiladi.
Suvni yuqumsizlantirishning istiqbolli usullaridan biri bu
ozonlashdir. Ozonlash suvli muhitda parchalanib, atomlar kislorod
hosil qiladi, suvning fizik xossalari yaxshilanishiga imkon beradi.
Suvni ultrabinafsha nurlar bilan nurlantirish, reagentsiz zarar-
sizlantirish usuli deyiladi. Bu usul suv tarkibini o‘zgartirmaydi,
yoqimsiz hid va ta’mlar hosil qilmaydi.
Nazorat savollari
1. Suvning gigiyenik va epidemiologik ahamiyati qanday?
2. Suv kimyoviy tarkibining aholi sog‘ligiga ta’siri nimalarda ifo-
dalanadi?
3. Mahalliy va markazlashgan suv ta’minoti qurilmalariga qanday
gigiyenik talablar qo‘yiladi?
4. Suvni tozalash va zararsizlantirish usullari haqida nimalarni
bilasiz?
5. Suvning kimyoviy ko‘rsatkichlari me’yori haqida nimalarni bi-
lasiz?
6. Suvning organoleptik xususiyatlari me’yoriga nimalar kiradi?

---

31
6- BOB
TURAR JOY GIGIYENASI
Turar joylarni loyihalash va qurish ancha murakkab vazifa. Ular
gigiyenik nuqtayi nazardan to‘g‘ri joylashtirilgan, aholining yashashi
va dam olishi uchun qulay bo‘lishi lozim.
Turar joylar qurilishida quyidagilarga e’tibor berish zarur:
1) aholi turar joy qurilishi uchun sog‘lom maydonlarni tanlash;
2) tanlangan joylardagi tabiiy sharoitlardan, ya’ni suv havzalari,
ko‘kalamzor o‘rmonlar, yerning relyefi va boshqalardan to‘g‘ri foy-
dalanish;
3) sog‘lom bo‘lmagan maydonlarni sog‘lomlashtirish;
4) turar joylarni yuqori darajada obodonlashtirish, ya’ni ko‘-
kalamzorlashtirish, kanalizatsiya, suv va gaz tarmoqlari bilan
ta’minlash, irrigatsiya shoxobchalarini qurish, aholi turar joylar
tozaligini ta’minlash, hammom, profilaktika va davolash muassasalari,
korxonalar, sport inshootlari, bolalar bog‘chalari, dam olish uylari
qurilishini tashkil qilish;
6) uy-joylarni tanlashda millilikka ahamiyat berish, ularning
qulayligini ta’minlash va boshqalar.
4-rasm. Turar joy loyihasi:
1—zinapoya; 2—old tomondagi xona; 3—yotoqxona; 4—yemakxona;
5—oshxona; 6—hojatxona; 7—vannaxona; 8—buyumlar saqlanadigan xona;
9—peshayvon.
3
7 6
8
5
7.30
5
6
7
8
3
17.50
3
18.00
4
18.90
2
7.20
1
2
4
3
9

---

32
Turar joylarning asosiy vazifasi odamni noqulay iqlim sharoitlari:
sovuq, issiq, atmosfera yog‘inlari, shamol ta’siridan himoya qilish
hisoblanadi. Biroq ilmiy-texnika taraqqiyoti asrida turar joyga talab-
lar yanada oshadi. U aholining fiziologik ehtiyojlarini, madaniy va
maishiy faoliyatini qondirish uchun qulay sharoitlar yaratishi lozim.
Turar joy — yorug‘, keng, doimo havo almashib turadigan
bo‘lishi kerak.
Turar joy — yotoqxona, oshxona, xonalar va qoshimcha dahliz,
vannaxona, hojatxona, omborxonalardan iborat bo‘ladi. Xonalarni
joylashtirishda — yaxshi shamollatish, yetarli darajada tovush
izolatsiyasi va xonalar maydoni uchun optimal sharoitni ko‘zda
tutish lozim
Mebel jihozlarini tashish oson bo‘lishi uchun dahlizning eni
1,4 m dan kam bo‘lmasligi kerak (6-rasm).
Tabiiy va sun’iy yoritilishga qo‘yiladigan talablar
Xonaning tabiiy yorug‘ligi qator omillarga bog‘liq:
1. Derazalarni dunyo tomonlari bo‘yicha joylashtirish. Gigiyenik
nuqtayi nazardan janubga va janubi-sharqqa joylashtirish maqsadga
muvofiq.
2. Derazalarning o‘lchami va joylashtirilishi. Derazaning yuqori
tomoni shifga yaqin qo‘yilsa, xonaga yorug‘lik yaxshi tushadi. Dera-
zalar orasidagi masofa deraza o‘rinlarining enidan bir yarim marta-
dan oshmasligi kerak. Deraza ko‘zlarining kattaligi va miqdori, rom
panjarasining qandayligi ham muhim ahamiyatga ega. To‘g‘ri bur-
chakli deraza shakli bo‘yicha eng talabga javob beruvchi hisoblanadi.
3. Xonaning sahni yoki chuqurligi. Xonaning chuqurligi dera-
zaning yuqori chekkasidan polgacha bo‘lgan masofadan 2 martadan
ko‘p bo‘lmasligi kerak.
4. Binolar orasidagi uzilish ( masofa) qarama-qarshi tomondagi
baland bino balandligidan 2 martadan ko‘p oshmasligi kerak.
5. Oynalarning sifati va ularning tozalik darajasi. Oddiy oynalar
yorug‘likning bir qismini, ayniqsa, uning ultrabinafsha nurlarini
yutadi. Ifloslangan oynalar yorug‘lik o‘tkazuvchanlikni 25—30 % ga
kamaytiradi. Derazalardagi pardalar 40 % gacha yorug‘likni singdi-
rishi mumkin.
6. Devorlar va polning bo‘yalishi. Ochiq ranglar yorug‘likni
akslantirib, yoritilishni oshiradi.
Kechki paytda tabiiy yoritilishning yetishmasligi uchun sun’iy
manba bilan to‘ldiriladi. Turar joylarning sun’iy yoritilishi qator

---

33
talablarga javob berishi kerak. Turar joy xonasidagi eng past yoritilish
cho‘g‘lanma lampalarda 75 lk, luminessent lampalarda 100 lk,
oshxonalarda 100—150 lk bo‘lishi kerak.
Yorug‘likning ko‘zni qamashtiradigan va yaltiroqlik ta’sirini
bartaraf qilish uchun tegishli armaturadan foydalanish, lampani
osish balandligini to‘g‘ri belgilash va yuzalar hamda jihozlarni
yaltiratmaydigan ranglarga bo‘yash lozim.
Lampalarning uch turi farq qilinadi (5-rasm):
1. Tik yorug‘lik beradigan lampalar 90% yorug‘lik oqimini pastga
yo‘naltiradi. Ular turar joy va jamoat binolarini yoritish uchun
tavsiya qilinadi.
2. Tarqoq yorug‘lik beradigan lampalar yorug‘lik oqimini hamma
tomonga bir tekis tarqatadi. Bu lampalar turar joy va jamoat binolarini
yoritish uchun foydalaniladi.
3. Qaytgan yorug‘lik beradigan lampalar yorug‘lik oqimini ka-
mida 90 % ini yuqoriga yo‘naltiradi, so‘ngra u shiftdan qaytadi,
tarqaladi va bir tekis yorug‘lik hosil qiladi. Tejamli emasligi sababli
turar joy xonalarida ishlatilmaydi.
Turar joylarning mikroiqlimi va isitish turlari
Turar joylarning mikroiqlimi xonadagi havo sharoiti: harorati,
namligi, havo harakati va xonalarni o‘rab turgan yuza harorati-
5-rasm. Turli xil yoritgichlar:
1—tik yorug‘lik beradigan yoritgichlar; 2—tik va qisman qaytgan yorug‘lik
beradigan yoritgichlar; 3—bir xil tarqoq yorug‘lik beradigan yoritgichlar;
4—qaytgan yorug‘lik beradigan yoritgich; 5—tarqoq yorug‘lik beradigan
yoritgich.
1
2
3
4
5

---

34
dan iborat. Turar joy mikroiqlimi organizmga katta ta’sir ko‘rsatadi.
Turar joylarning sun’iy mikroiqlimi odam organizmida issiqlik
almashinuvi va salomatlik uchun qulay sharoit yaratishi kerak. Bu
sharoitlar asosan devorlar va binodagi boshqa narsalarning tuzilish
xususiyatiga, isitish va shamollatishga bog‘liq. Turar joylarning me’-
yoriy harorati iliq iqlim sharoitlarida 19—20 °C, sovuq iqlimda 20—
22 °C eng qulay harorat hisoblanadi.
Xonadagi nisbiy namlik 40—60 % deb hisoblanadi. Yuqori nam-
lik organizmga ta’sir ko‘rsatadi, bundan tashqari, binolarning
yog‘och qismini chiritadi va yoqimsiz hid chiqaradigan zamburug‘-
larni paydo qiladi.
Uylar ikki usulda: markazlashgan va mahlliy yo‘l bilan isitiladi.
Markazlashgan isitishning turli ko‘rinishlari mavjud bo‘lib, qa-
tor afzalliklarga ega: tashqi haroratdan qat’i nazar, harorat bir
me’yorda turadi, havo buzilmaydi.
Bug‘, suv, panel bilan isitish farq qilinadi. Bug‘ bilan isitishda
issiqlik tashuvchi bug‘ hisoblanib, u xonaga bosim ostida quvurlar
orqali beriladi.
Past bosim ostida suv bilan isitish birmuncha keng tarqalgan,
issiqlik tashuvchi bo‘lib issiq suv hisoblanadi. Bu qurilmadan
kasalxonalar, turar joy va jamoat binolarini isitish uchun foydalani-
ladi.
Panelli isitish eng gigiyenik isitish qatoriga kiradi. Devorlar,
shiftlar, pollar issiqlik manbayi sifatida xizmat qilib, issiq suv
aylanib yuradigan radiator shularning orasiga o‘rnatilgan bo‘ladi.
Mahalliy isitish issiqlik sig‘imi katta va kichik pechlar yordamida
amalga oshiriladi. Katta sig‘imli pechlarga golland pechi va g‘isht-
dan ishlangan devorlari qalin boshqa pechlar kiradi. Ular sekin
qiziydi, biroq issiqlikni uzoq saqlaydi va havo haroratini bir me’yorda
tutib turadi. Mahalliy isitishning kamchiligi quyidagilar: xona bir
me’yorda isitilmaydi, havosi gazlar bilan ifloslanadi.
Nazorat savollari
1. Turar joylar qanday gigiyenik talablarga javob berishi kerak?
2. Xonadagi tabiiy va sun’iy yoritilganlik darajasi qanday asosiy
omillarga bog‘liq?
3. Turar joy mikroiqlimiga qanday gigiyenik talablar qo‘yiladi?
4. Turar joy ventilatsiyasiga qanday gigiyenik talablar qo‘yilgan?

---

35
7- BOB
SHAXSIY GIGIYENA.
KIYIM-BOSH VA POYABZAL GIGIYENASI
Shaxsiy gigiyena — gigiyenaning rejimi, odamning hayoti va
faoliyatining gigiyenik asoslariga rioya qilish yo‘li bilan sog‘liqni
saqlash va mustahkamlash haqidagi bo‘limdir. Shaxsiy gigiyena badan
terisi, og‘iz bo‘shlig‘i parvarishini, ovqatlanish rejimi, mehnat va
dam olishni to‘g‘ri bajarish, jismoniy tarbiya va sport mashg‘ulot-
larini o‘z ichiga oladi. Shaxsiy gigiyena bo‘yicha tadbirlarni mensi-
maslik muqarrar ravishda odam sog‘ligiga putur yetkazadi, aqliy va
jismoniy ish qobiliyatini pasaytiradi, vaqtdan ilgari qaritadi.
Ozodalikka rioya qiladigan va chiniqqan odam sog‘lom bo‘ladi.
Mehnat, dam olish rejimi, kun tartibining
gigiyenik asoslari
M e h n a t n i t o ‘ g ‘ r i t a s h k i l q i l i s h negizida
I.P.Pavlovning organizmning bir butunligi va miya po‘stlog‘ining
organizmda ro‘y beradigan hodisalarni idora qilishdagi o‘rni haqidagi
fiziologik ta’limoti yotadi. Mehnat va turmushning to‘g‘ri navbatlash,
o‘z vaqtida ovqatlanish, me’yorida uxlash, asab tizimining zo‘riqishini
kamaytirib borishning ahamiyati katta.
K u n t a r t i b i va ayrim me’yorlarning davomiyligi yoshga,
individual xususiyatlarga ko‘ra tuziladi. Masalan, maktabgacha yosh-
dagi bolalar kuniga kamida besh mahal ovqatlanishlari kerak,
vaholanki, katta yoshdagi kishilar uchun 3—4 mahal ovqatlanish
me’yor hisoblanadi. Bolalar va katta yoshdagi kishilar uchun uyquning
davomiyligi ham birmuncha farq qiladi. Bolalar mehnat, ish vaqtida
tez-tez tanaffuslar qilib turishi kerak. O‘smirlarda ish kunining
davomiyligi katta yoshdagi ishchilarnikidan kam.
D a m o l i s h faol bo‘lishi kerak. Mashg‘ulotlarni o‘zgartirish
charchoqni qondiradi va sog‘liqni saqlashga imkon beradi. Dam
olishning faqat davomiyligi emas, uni to‘g‘ri tashkil qilishning ham
ahamiyati katta. Bekor o‘tirish kuch-quvvatni tiklashga imkon
bermaydi. Ko‘pgina korxonalarda qisqa muddatli tanaffuslar vaqtida
ishlab chiqarish badantarbiyasini joriy qilish mehnat unumdorligini
3—4 % ga oshiradi. Jismoniy ishdan keyin dam olish paytida ishda
qatnashmaydigan mushaklarga yengil zo‘riqish berish kerak. Aqliy

---

36
mehnat kishilarga dam olish vaqtida yengil jismoniy ish bajarish
tavsiya etiladi. Ish kuni mobaynida dam olish muddati davomli
bo‘lmasligi kerak, aks holda ishchanlik holati yo‘qoladi. Kundalik
dam olishdan tashqari, organizm har haftada dam olishga muhtoj
bo‘ladi. Uni shahardan tashqarida o‘tkazish maqsadga muvofiq.
Har qanday yoshdagi shaxslar uchun jismoniy tarbiya mash-
g‘ulotlari shaxsiy gigiyenaning asosiy elementlari hisoblanadi, chunki
ilmiy-texnika taraqqiyotining oqibati bo‘lgan giðpokineziya mod-
dalar almashinuvining buzilishiga, yog‘ bosishiga, yurak-qon tomir
kasalliklari paydo bo‘lishiga va tayanch-harakat apparatining buzi-
lishiga sabab bo‘ladi.
Badan, kiyim-bosh va poyabzal gigiyenasi
T e r i yog‘, ter bezlarining hayot faoliyati mahsulotlaridan,
jonsizlanish yuza epiteliy, shuningdek, chang, mikroblar bilan doim
ifloslanib turadi. Organik mahsulotlar parchalanib, yoqimsiz hid
tarqatadi, terini ta’sirlantiradi. Teriga tegishlicha parvarish qilinma-
ganda uning funksiyasi buziladi, bu terining yiringli kasalliklarga
chalinishiga olib keladi.
Terini ozoda saqlash uchun oyiga 4—5 marta iliq suv bilan
sovunlab cho‘milish, boshni 7—10 kunda bir marta yuvish, ich
kiyimlarni haftasiga kamida 1 marta almashtirib turish kerak. O‘rin-
ko‘rpa toza saqlanishi va uyqudan turilgandan so‘ng shamollatilishi,
o‘rin-ko‘rpa oqliklar esa oyiga kamida ikki marta almashtirilishi lozim.
Q o ‘ l l a r har gal ovqatlanishdan oldin, hojatga borgandan
keyin, ko‘chadan kelgandan so‘ng sovunlab yuvilishi kerak. Tirnoq-
lar alohida parvarishni talab etadi, chunki tirnoq ostida kir,
mikroblar, jumladan, patogen mikroblar, gelmint tuxumlari yig‘ilib
qoladi. Tirnoqlarni kalta qilib oldirish va har kuni cho‘tka bilan
sovunlab yuvib turish lozim.
O g ‘ i z b o ‘ s h l i g ‘ i n i parvarish qilish avvalo har gal ovqatdan
so‘ng uning qoldiqlarini chiqarish uchun og‘izni chayishdan iborat,
chunki ular parchalanib, har xil kislotalar hosil qiladi, bular
tishning yemirilishiga olib keladi. Bundan tashqari, tishlarni ertalab
va uxlashdan oldin yumshoq tish chotkasi bilan tozalash zarur.
K i y i m - b o s h va poyabzalning asosiy gigiyenik ahamiyati odamni
iqlim omillarining noqulay ta’siridan, shuningdek, terini ifloslanish
va shikastlanishlardan himoya qilishdan iborat. Atrof- muhitning haro-
rati past, namlik yuqori bo‘lganda shamolda kiyim-bosh organizm-
ning issiqlik yo‘qotishini kamaytiradi va shu tariqa uni sovqotishdan

---

37
saqlaydi. Havo harorati yuqori bo‘lganda to‘g‘ri tanlangan kiyim-
bosh issiqlik chiqarishni ko‘paytirib, organizmni issiqlab ketishdan
saqlaydi. Havo o‘tkazuvchanlik matoning muhim xossasi hisoblanib,
tashqi havo va kiyim ostidagi havo o‘rtasidagi almashinuv shunga
bog‘liq. Matoning havo o‘tkazuvchanligi uning tabiatiga, tuzilishiga
bog‘liq va asosan mayda teshikchalarning o‘lchami va miqdori bilan
belgilanadi. Kiyim-bosh matosi havo otkazuvchan bolishi kerak.Yoz
vaqtida havo o‘tkazuvchanligi yaxshi matolardan keng, mol qilib
tikilgan kiyimlarni kiygan ma’qul, bu yaxshi ventilatsiya bo‘lishiga
imkon beradi. Qishki kiyim mos qilib bichilgan bo‘lishi, biroq harakat-
larni, nafas va qon aylanishini qiyinlashtirmasligi kerak.
P o y a b z a l oyoqlarni mexanik shikastlanishlardan, noqulay ob-
havo sharoitidan himoya qiladi. Kam havo o‘tkazadigan material-
dan tikilgan tor poyabzal, kir paypoq ham oyoq panjalarini ko‘p
terlashga sabab bo‘ladi. Kirlar parchalanganda hosil bo‘ladigan uchuv-
chi moddalar yoqimsiz hid chiqaradi va terining shilinishiga olib
kelib, epidermofitiyalar va yiringli yaralar paydo qiladi.
Tor poyabzal oyoqni sovqotishga va sovuq urishiga sabab bo‘ladi.
Poshnasi baland poyabzalda og‘irlik markazi oldinga ko‘chadi va
hamma og‘irlik barmoqlarga tushadi. Buning oqibatida odimlash shah-
dam bo‘lmaydi, gavda orqa tomoniga og‘adi, bu umurtqa pog‘onasi
va chanoq suyaklari holatining o‘zgarishi bilan o‘tadi.
Mavsumga va mehnat sharoitlariga muvofiq poyabzal tayyorlash
uchun turli materiallar: charm, uning polimeri materiallaridan
ishlangan o‘rinbosarlari, mo‘yna, rezina, brezent va boshqalardan
foydalaniladi. Pishiq, yumshoq, issiqlik o‘tkazuvchanligi yaxshi
bo‘lgan tabiiy charm eng yaxshi material hisoblanadi. Qish vaqtida
tagligi mo‘ynadan yasalgan charm poyabzal kiyish maqsadga
muvofiqdir. Yoz vaqtida, ayniqsa, issiq iqlim sharoitlarida ochiq
poyabzal kiyish tavsiya etiladi.
Nazorat savollari
1. Shaxsiy gigiyena haqida tushuncha bering.
2. Organizmni chiniqtirishning asosiy omillari va vositalari nimalar-
dan iborat?
3. Kiyim- bosh va poyabzalning gigiyenik ahamiyati haqida nimalarni
bilasiz?
4. Oyoq shilinishiga sabab nima va uning oldi qanday olinadi?

---

38
8- BOB
BOLALAR VA O‘SMIRLAR GIGIYENASI
O‘sayotgan yosh avlodni tarbiyalash, parvarish qilish ishlarini
ilmiy asosda to‘g‘ri tashkil qilish uchun har bir tibbiyot xodimi va
pedagog bolalar hamda o‘smirlar organizmining rivojlanish xusu-
siyatlarini mukammal bilmog‘i lozim.
Bolalar va o‘smirlar organizmi kattalar organizmidan anatomik
va fiziologik xususiyatlari, uzluksiz o‘sishi va rivojlanishi bilan farq
qiladi. O‘sish va rivojlanishga tashqi va ichki omillar katta ta’sir
ko‘rsatadi.
Ma’lumki, har qaysi organning holati boshqa a’zolarga muayyan
darajada ta’sir ko‘rsatib turadi. Chunonchi, nafas a’zolarining
bekam-u ko‘st rivojlanishi, yurak-qon tomir sistemasining holatiga,
bu esa, o‘z navbatida, nafas a’zolarining rivojlanishi va faoliyatiga
ta’sir qiladi.
Bolalar va o‘smirlar gigiyenasining asosiy maqsadi — yosh
avlodni bolalik chog‘idan boshlab jismoniy sog‘lom qilib tarbiyalashni,
ularda jismoniy va ma’naviy kuchlarni uyg‘un ravishda rivojlantirishni
ta’minlashdir.
Bolalar va o‘smirlar gigiyenasining asosiy vazifasi — yosh
avlodning zuvalasi pishiq, jismoniy va ma’naviy jihatdan uyg‘un
rivojlanishini ta’minlashdan iborat.
Bolalik davrining biologik xususiyatlarini hisobga olgan holda
gigiyenik sharoitlarni yaratish muhim ahamiyatga ega.
Bolalar va o‘smirlar gigiyenasi davriy gigiyena (entogigiyena)
bo‘lib, gigiyena fanining tarkibiy qismi hisoblanadi.
Ish jarayonida bolalar va o‘smirlar gigiyenasi, mikrobiologiya,
epidemiologiya, sanitariya statistikasi, fiziologiya, biokimyo, bolalar
klinikasi va ruhiyati hamda pedagogika tavsiyalari va yutuqlaridan
foydalaniladi.
Bolalar va o‘smirlar muassasalarining qurilishiga
qo‘yiladigan sanitariya-gigiyena talablari
Bolalar va o‘smirlar muassasalarini loyihalashtirish o‘ziga xos
bo‘lib, gigiyenik talablari boshqa omillar qatori ularning sog‘ligiga
va rivojlanishiga katta ta’sir ko‘rsatadi. Shuning uchun bolalar
muassasalarining qurilishini loyihalash gigiyenik talablarga javob be-

---

39
rishi lozim. Muassasa loyihasini tuzishda: xonalarning qulayligi va
shinamligini, bola organizmining yuqori funksional imkoniyatlarini,
iqlim sharoitini, binolarni zamonaviy texnika bilan ta’minlashni
hisobga olish lozim. Bolalar va o‘smirlar binolari — me’yor va
qoidalar asosida tasdiqlangan loyihalar bo‘yicha quriladi hamda
sanitariya nazorati ostida bo‘ladi.
Respublikamizda yangi loyiha asosida qurilgan ta’lim maktabla-
rida o‘quv ustaxonalari, laboratoriyalar, ro‘zg‘orshunoslik xonasi
mavjud. Ular yangi texnikaviy o‘quv qurollari bilan ta’minlangan.
Zamonaviy shahar va qishloqlarda bolalar muassasalari aholi
yashaydigan joylarga quriladi. Bular maktabgacha bo‘lgan muassasalar
va umumiy ta’lim maktablari, maktab-internatlari, o‘quv ishlab
chiqarish markazlari va sport maktablari, bolalar muziqa va ras-
somchilik maktablari va boshqalardir. Hozirgi yirik shaharlarning
mikrotumanlarida aholining soni 20—25 mingga, kichik shaharlarda
6—10 mingga yetadi. Bolalar muassasalari aholi yashaydigan joyga
yaqin va zavod, fabrikalar, temiryo‘ldan, bozordan, yong‘indan
saqlovchi korxonalardan uzoqroq joyga qurilishi lozim. Shaharlarda
yasli va maktablar ko‘p qavatli uylarning orasida qurilmoqda. Bolalar
o‘ynaydigan maydoncha quyosh nurining ortiqcha issiqlik ta’siridan
uzoqroq yerda joylashgan bo‘lishi zarur. Bolalar muassasalarini tashqi
shovqin 45 db dan oshmaydigan joyga qurish lozim. Bolalar
muassasalari bilan ishlab chiqarish korxonalarining oralig‘idagi masofa
kamida 50 ming metrni tashkil etishi lozim.
Maktabgacha va maktab yoshidagi bolalar muassasasi
binosiga qo‘yiladigan gigiyenik talablar
Hozirgi paytdan, asosan, maktabgacha va boshlang‘ich sinf
bolalari uchun bolalar guruhlari birlashmalari binosi rejalashtirilmoqda.
Maktabgacha yoshdagi bolalar guruhlari asosan 4 ga bo‘linadi:
— kichik (3—4 yosh) guruh;
— o‘rta (4—5 yosh) guruh;
— katta (5—6 yosh) guruh.
Har bir guruhda 25 tadan, maxsus guruhlarda esa 15 ta bola
bo‘ladi. Maktabgacha yoshdagi bolalar muassasalarida 7 yoshgacha
bo‘lgan bolalar tarbiyalanadi. Shu yerda bolalarga tibbiy yordam
ko‘rsatiladi. Bunday muassasalar gigiyenik talablarga javob beradi,
chunki bu yerda muayyan kun tartibiga rioya qilib tarbiyalanadi.
Bolalar yasli-bog‘chalarining 2,4,6,8,10, va 14 guruhiga yoki
shunga mos 45, 95, 140, 190, 280 va 360 o‘ringa mo‘ljallangan

---

40
loyihasi tuzilmoqda. Shahar va katta aholi yashaydigan joylarda bola-
lar yasli-bog‘chalarning 140 va undan ortiq o‘rinli loyihasini tuzish
ko‘zda tutilmoqda. Maktabgacha bo‘lgan muassasalardagi guruhlarni
ajratilgan binolarga joylashtirish gigiyenik talablarga to‘la javob beradi.
Bino asosan 3 turga bo‘linadi:
1. Markaziy tur. Bu turdagi binolar orasidagi masofa yaqin bo‘ladi.
2. Alohidalangan turi. Bu turdagi bino to‘liq alohida qilingan
guruhlarga mo‘ljallangan.
3. Markaziy va alohidalangan tur.
Kam aholi yashaydigan qishloq joylarda 2 ta maktabgacha bo-
lalar muassasasi mavjud. Bu yerlarda yasli-bog‘cha va boshlang‘ich
maktab binolari bitta qilib quriladi. Bunda bolalar yasli-bog‘chalari
va maktablari hamda uning maydonlarida aholi chiqish joylari bo‘-
lishi kerak. Ikki qavatli binolarning birinchi qavatida maktabgacha
tayyorlov guruhi va musiqa, badantarbiya mashg‘ulotlari zallari
joylashgan. Hozirgi vaqtda aholi sonining oshib borishi, shahar,
mikrotumanlarida ko‘p qavatli qilib qurilishiga sabab bo‘lmoqda.
Muassasalardagi yotoqxonalar yig‘iladigan karavotlar bilan jihozla-
nadi. Yasli guruhi qabul qilish xonalari, asosan, yechinish joyi
hisoblanadi. Bunda har bir bolaga alohida shkaf bo‘lib, xona sathi
1,8 ml tashkil etadi. Yuvinish xonasida qo‘shimcha jo‘mrak bo‘ladi.
Maktabgacha bolalar muassasalarida 95 va undan ko‘p o‘rinli alohida
musiqa zallari hamda badantarbiya mashg‘ulotlari uchun 75 yoki
100 m
2
dan iborat zallar mavjud. Zallar havo almashinuvi va tabiiy
yorug‘lik bilan ta’minlanishi zarur. Maktabgacha muassasalarda tibbiy
xona va ovqatlanish xonasi bo‘ladi. Ovqatlanish binoning birinchi
qavatida bo‘lishi kerak. Oshxonadagi, tayyorlash va tarqatish xona-
sidagi toza va yuvilmagan idishlar alohida turishi lozim. Tibbiy xona
2 ta: shifokor qabul qiladigan va muolaja o‘tkazadigan xonadan
iborat. Umumiy bolalar bog‘chasida tibbiy xona maishiy xizmat
binosida joylashgan bo‘ladi. Tibbiyot xonasi maydoni 8 m
2
bo‘lishi
kerak. Bog‘cha mudirasining xonasi birinchi qavatda, kirish joyiga
yaqin bo‘ladi. Xizmatchilar xonasi 50 o‘rindan kam bo‘lmasligi
lozim.
Umumta’lim maktablari binosiga qo‘yiladigan
gigiyenik talablar
Zamonaviy maktab har tomonlama bolaning garmonik rivoj-
lanishini ta’minlashi, unga bilim, estetik tarbiya berishi, uni mehnatga
va texnikaga o‘rgatishi kerak. Maktab hamma o‘quv tarbiya bilan bir

---

41
qatorda o‘quvchilarni sog‘lomlashtirishi va chiniqtirishida katta o‘rin
tutadi. Umumiy ta’lim maktablarini loyihalash va qurilish qoidalariga
rioya qilgan holda qurish zarur.
1. Maktabda yaxshi sharoit yaratilishi (dars xonalari, laborato-
riyalar, ustaxonalar) va ular to‘la gigiyenik talablarga javob berishi,
jihozlangan bo‘lishi kerak.
2. Maktabda jismoniy tarbiya ishlari uchun sharoit yaratilgan
bo‘lishi lozim.
3. Maktab binosida o‘quvchilar uchun ovqatlanadigan bufet va
oshxonalar bo‘lishi zarur. Eng muhim talablardan yana biri bolalar
uchun tanaffusda yaxshi dam olish sharoitini yaratishdir.
4. Sinf xonalari to‘la yorug‘lik bilan ta’minlanishi lozim. Bu esa,
o‘z navbatida, ko‘z kasalliklarining oldini olishda yordam beradi.
5. Optimal havo issiqlik rejimini yo‘lga qo‘yish kerak. Ko‘pgina
o‘quvchilarning bir yerga yig‘ilishi havoning tozaligini buzadi. Mana
shu yerlarga ventilatsiya o‘rnatish zarur.
Umumta’lim maktablarining loyihasi maxsus bo‘lishi lozim.
O‘quv xonalari maktab turiga (boshlang‘ich, o‘rta, to‘liq bo‘lmagan
va to‘liq o‘rta maktab) va o‘quvchilar soniga bog‘liq bo‘ladi. Hozir
binolar binolar yoki seksiya turida, o‘quv xonalari har xil yoshdagi
guruhlar uchun ham alohida qilib quriladigan bo‘lgan.
Zich joylashgan shaharlarda 4 qavatli, qishloqlarda esa 1—2
qavatli maktablar qurilishiga ruxsat beriladi. Maktab binosining 3—
4 ta kirish va chiqish eshigi bo‘lishi kerak. Bu esa o‘t ketishga qarshi,
karantin paytida o‘quvchining kirib-chiqishiga qulaylik yaratadi.
Maktab binosi tarkibiga quyidagilar kiradi:
1. A s o s i y — o‘quv mashg‘ulotlari olib borish xonasi: sinf
xonalari, o‘quv xonalari, laboratoriya, ustaxona, mehnat xonasi
va sport zali.
2. Y o r d a m c h i x o n a l a r — dam olish zallari, dahliz,
vestibul (garderobi bilan), oshxona, bufet, yig‘ilishlar zali, bolalar
xonasi, kutubxona, yechinish xonasi, dush, yuvinish xonasi, o‘quv
qurollari xonasi, hojatxona va boshqalar.
3. X i z m a t c h i l a r x o n a l a r i , direktor xonasi, o‘quv
bo‘limi boshlig‘i xonasi, o‘qituvchilar, shifokor xonasi. Bu xonalar
gigiyena qoidalariga to‘la javob beradigan bo‘lishi kerak.
Sinf xonalarining sathi 50 m
2
, o‘quv xonalariniki esa 50—66 m
2
bo‘ladi. Minimal sath har bir o‘quvchiga xonada 1,25 m
2
bo‘lishi
zarur. Sinf xonalari to‘la yorug‘lik bilan ta’minlanishi kerak. Sinf
xonalarining kengligi 3:4 bo‘lishi kerak. Bunda uning kengligi 6m,

---

42
uzunligi 9 m bo‘ladi. O‘quv binolarining balandligi me’yor bo‘-
yicha 3 m bo‘lishi kerak, bunda har bir o‘quvchiga 1 soatda 4,5—
5 m
3
havo hajmi to‘g‘ri keladi. Yangi tiðdagi maktablarda mehnat
xonalari, ustaxonalar, bichish-tikish, kulinariya va kompyuter
xonalari mavjud. Mehnat, o‘quv xonalari bir qavatda joylashishi
kerak. Xonalarning yorug‘lik koeffitsiyenti 1:4 va 1:5, tabiiy yorug‘lik
koeffitsiyenti 1,5—2 %; nur tushish burchagi 27° bo‘lishi kerak.
Sport zali jismoniy tarbiya mashg‘ulotlarini o‘tkazish uchun
xizmat qiladi. Jismoniy tarbiya darsida odam organizmining kislorodga
bo‘lgan talabi oshib boradi. Sport zalida havo almashish yaxshi
yo‘lga qo‘yilishi kerak, 1 soat ichida har bir o‘quvchi 16—26 m
3
havo qabul qilishi kerak. Har bir o‘quvchiga 4 m
2
dan joy to‘g‘ri
keladi. Derazalarning qarama-qarshi tomondan 2 tomonlama o‘rnati-
lishi to‘la yorug‘likni ta’minlaydi. Sport zalida 2 ta yechinish xonasi
bo‘lishi lozim. Har bir yechinish xonasida dush va hojatxona bo‘ladi.
Jismoniy tarbiya mashg‘ulotlaridan so‘ng yuvinish uchun dushxonalar
mavjud.
Oshxona issiq nonushta tayyorlashga moslashgan, 320 tadan ortiq
o‘quvchi o‘qiydigan maktabda oshxona, 195 o‘quvchi o‘qiydigan
maktabda esa bufet bo‘lishi lozim.
Bolalar muassasalarini sanitariya-texnik jihozlashga
qo‘yiladigan gigiyenik talablar
Bolalar muassasalaridagi havo bolalarning sog‘ligiga va ish
qobiliyatiga sezilarli darajada ta’sir ko‘rsatadi. Yopiq binolardagi
havoning kimyoviy tarkibi va fizikaviy xususiyatlari o‘zgaradi; kar-
bonat angidrid gazi, suv bug‘lari og‘ir ionlarning miqdori ortadi,
havoning changlanishi va bakterial ifloslanish sezilarli darajada
ko‘payadi, organik aralashmalar paydo bo‘ladi. Organizmning hayotiy
faoliyati natijasida tashqi muhitga katta miqdorda issiqlik va suv bug‘-
lari ajralib chiqadi. Xonalardagi havoning sifati undagi karbonat
angidrid gazi miqdoriga qarab baholanadi, binobarin, bu gazning
miqdori nafas bilan chiqarilayotgan havo hisobiga havoda ro‘y
berayotgan kimyoviy va fizikaviy o‘zgarishlarga parallel ravishda
o‘zgaradi.
Binolardagi havo almashinuvi tabiiy yo‘l bilan va sun’iy-
ventilatsiya yo‘li bilan amalga oshiriladi. Havoning tabiiy yo‘l bilan
almashinuvi deraza va eshik orqali amalga oshiriladi. Maktablarda olib
borilgan ishlar xonalarning faqat issiq va o‘tish mavsumlaridagina
keng havo almashinuvi qilish mumkinligini ko‘rsatadi . Tabiiy so‘rib

---

43
oluvchi ventilatsiya qurilmasi samarali ekanligi isbotlangan. Yuqori
bo‘lgan shamol bosimida ham bu qurilma sinf xonalarida 4—5 marta
o‘rniga 1,5—2 martalik havo almashuvini ta’minlaydi. CO
2
ning
miqdori tez ortib boradi, 15 minutdan so‘ng ruxsat etilgan chega-
raga yetadi. Hozirgi vaqtda o‘quv xonalarining havosi sun’iy ventil-
atsiya orqali almashtiriladi.
O‘quv xonalarining ventilatsiyasi har bir o‘quvchini 4,5—5 m
3
havo bilan ta’minlashi zarur. Sinf harorati 16—18°C, nisbiy namligi
40—60%, havoning yo‘nalish tezligi 0,1 m/s bo‘lishi kerak.
Maktabdagi temir va yog‘ochga ishlov berish ustaxonalarida, yig‘i-
lishlar zalida har bir kishi hisobiga kelayotgan havo kamida soatiga
20 m
3
, sport zalida esa soatiga 80 m
3
bo‘lishi lozim. Bu bilan bir
qatorda, bevosita o‘quv xonalarda 1 soat maboynida 1 martalik havo
almashinuvini ta’minlovchi tabiiy suruvchi ventilatsiya o‘rnatish
mo‘ljallangan. Bizning iqlim sharoitida bolalarda issiqlik almashinuvi
jarayonining o‘ziga xos tomonlari mavjud. Kamfort havoda bolalar
o‘zlarini yaxshi his etadilar, kam terlaydilar, kamroq kasal bo‘ladilar
va chiniqadilar. Organizmning issiqlik ishlab chiqarish va issiqlik yo‘-
qotish xususiyatlari turli ko‘rinishdagi faoliyat davomida turlicha
ko‘rinishda bo‘ladi. Xonalar harorati bolalarni chiniqtirish yo‘llari
bilan pasaytirilishi mumkin. Bolalar muassasalaridagi asosiy xonalar-
dagi nisbiy namlik 40—55%, havo harakatining tezligi 0,2 m/sek
bo‘lishi kerak.
2- jadval
¹
r
a
l
a
n
o
X
i
g
a
d
i
s
a
q
a
t
n
i
m
m
il
q
i
-
4
C
°
,t
a
r
o
r
a
h
1
i
n
r
a
l
a
l
o
b
a
v
n
i
y
‘
o
g
n
i
n
i
r
a
l
h
u
r
u
g
il
s
a
y
k
i
h
c
i
K
i
s
a
n
o
x
h
s
il
i
q
l
u
b
a
q
2
2
2
n
i
y
‘
o
g
n
i
n
i
r
a
l
h
u
r
u
g
il
s
a
y
a
tt
a
k
a
v
a
t
r
‘
O
i
s
a
n
o
x
l
u
b
a
q
,i
s
a
n
o
x
1
2
3
g
n
i
n
i
r
a
l
h
u
r
u
g
a
y
i
b
r
a
t
a
h
c
a
g
b
a
t
k
a
M
i
s
a
n
o
x
h
s
i
n
i
h
c
e
y
h
u
r
u
g
k
i
h
c
i
K
i
r
a
l
h
u
r
u
g
v
o
l
r
o
y
y
a
t
a
tt
a
k
a
v
a
t
r
‘
O
a
y
i
r
o
t
a
r
o
b
a
l
,
r
a
lt
e
n
i
b
a
k
,i
r
a
l
a
n
o
x
f
n
i
S
0
2
9
1
7
1
4
i
r
a
l
a
n
o
x
a
t
s
u
v
u
q
‘
O
6
1
5
il
a
z
t
r
o
p
S
5
1

---

44
Kuz va qish faslida optimal issiqlik shart-sharoitlarini yaratishda
turli xil isitish tarmoqlaridan foydalaniladi (pechka, radiator va
boshqalar). Radiatorlar yordamida isitilganda issiqlik asosan konveksiya,
panelli isitishda esa nur tarqatish yo‘li bilan tarqatiladi. Konveksion
isitishda (radiatorlar, pechka yordamida) chegaralovchi yuzalar
harorati past bo‘ladi. Bu manfiy radiatsiya—organizmning nur
tarqatish yo‘li bilan issiqlik yo‘qotishiga sabab bo‘ladi. Kichik yosh-
dagi bolalar muassasalarida bolalar uzoq vaqt polda o‘ynashlari sa-
babli, xonalarning pastki qismining isitilishini ta’minlovchi polga
o‘rnatilgan panelli isitish qurilmalari bo‘ladi. 1 qavatda joylashgan
guruhlar uchun mo‘ljallangan xona va o‘yin xonalarining pollarida
isituvchi qurilmalar mavjud.
Xonalarning yoritilish tartibi. Quyosh nurining inson organizmiga
bo‘lgan biologik ahamiyati juda katta. Uning tetiklashtiruvchi,
organizmning turli kasalliklarga bo‘lgan qarshiligini oshiruvchi ta’siri
hammaga ma’lum. Quyosh nuri almashinuv jarayonlarini yaxshilab,
to‘g‘ri o‘sish va rivojlanishga zamin yaratadi. Ultrabinafsha nurlari
bola terisidagi provitamin D ni faoliyatsiz holatdan faol holatga
o‘tkazishda, suyaklarning o‘sishi va shakllanishiga yaxshi ta’sir
ko‘rsatadi. Quyosh spektridagi ultrabinafsha nurlarining bakteriotsit
ta’siri ma’lum. Bu esa tashqi muhitni sog‘lomlashtirishda muhim
gigiyenik omil bo‘lib xizmat qiladi. Bolalar muassasalarining
orentatsiyasi quyosh radiatsiyasidan kelib chiqqan holda aniqlanadi.
Barcha iqlim mintaqalarida maqsadga muvofiq eng yaxshi orentatsiya
bo‘lib janubiy, janubi-sharqiy orentatsiya hisoblanadi. Deraza oynalari
quyosh spektrining biologik jihatdan eng faol bo‘lgan qismining
katta miqdorini o‘tkazmasligiga qaramay, xonaga yetarli darajada
tetiklashtiruvchi va bakteriotsit xususiyatga ega bo‘lgan quyosh nur-
lari kiradi. Derazalarda framuga va darchalar bo‘lishi kerak.
3- jadval
Maktab, litseylardagi xona derazalarini joylashtirish
¹
r
a
l
a
n
o
X
i
s
a
y
i
s
t
a
t
n
e
y
i
r
o
r
a
l
a
z
a
r
e
d
a
d
i
s
a
q
a
t
n
i
m
m
il
q
i
-
4
l
a
m
it
p
o
n
a
g
li
t
e
t
a
s
x
u
r
1
2
3
4
1
i
r
a
l
a
n
o
x
f
n
i
S
-
i
b
u
n
a
j
,
y
i
b
u
n
a
J
y
i
q
r
a
h
s
n
a
d
b
r
a
‘
g
-
i
b
u
n
a
j
,
b
r
a
‘
G
a
h
c
r
a
b
i
r
a
q
h
s
a
t
r
a
l
n
o
m
o
t

---

45
Davomi
1
2
3
4
2
m
s
a
r
a
v
k
il
i
h
c
a
m
z
i
h
C
i
r
a
lt
e
n
i
b
a
k
-
il
o
m
i
h
s
,
y
il
o
m
i
h
S
y
i
q
r
a
h
s
y
i
b
r
a
‘
g
-
il
o
m
i
h
S
n
a
d
q
r
a
h
s
-
i
b
u
n
a
j
,
b
u
n
a
J
i
s
a
m
m
a
h
i
r
a
q
h
s
a
t
3
a
y
i
g
o
l
o
i
B
i
s
a
y
i
r
o
t
a
r
o
b
a
l
b
u
n
a
J
,
y
i
q
r
a
h
s
-
i
b
u
n
a
j
,
q
r
a
h
S
b
r
a
‘
g
,
y
i
b
r
a
‘
g
-
i
b
u
n
a
j
4
a
q
i
s
u
m
,
a
n
o
x
q
o
t
o
Y
i
r
a
ll
a
z
,
y
i
q
r
a
h
s
-
i
b
u
n
a
J
y
i
b
u
n
a
j
Xonalarni joylashtirish ularni yorug‘lik darajalariga katta ta’sir
ko‘rsatadi.
Gigiyenistlar tomonidan olib borilayotgan kuzatishlar o‘quv-
chilarning bir qismida (20—30%) asosan uzoqni ko‘ra olmaslik bilan
bog‘liq bo‘lgan ko‘rish faoliyatining pasayishi kuzatiladi. Uzoqni
ko‘ra olmaslik—miopiyaning yuzaga kelishi va rivojlanishida boshqa
sabablar qatorida yorug‘likning yetishmasligi ham katta ahamiyatga
ega.
Ko‘zning me’yoriy faoliyatini ta’minlovchi asosiy shartlardan
biri yetarli miqdordagi yorug‘lik hisoblanadi. Yorug‘likning yetarli
darajada bo‘lishi ko‘zning zo‘riqishi bilan bog‘liq bo‘lgan ishlarni
bajarishni yengillashtiradi. Tabiiy yorug‘lik yetarli, bir maromda bo‘-
lishi va ortiqcha yorug‘lik bo‘lmasligi kerak.
Xonalardagi tabiiy yorug‘likni to‘la-to‘kis baholay oladigan
ko‘rsatkich tabiiy yorug‘lik ko‘rsatkichidir. Loyihalashtirish me’yo-
riga binoan TYK maktabgacha tarbiya muassasalarining guruhlari
uchun mo‘ljallangan xonalarda, izolator palatasi, muziqa va badan-
tarbiya mashg‘ulotlari zalida 1,5—2 % dan kam bo‘lmasligi kerak,
bolalarni qabul qilish xonalarida, yechinib-kiyinish xonalarida 1 %
ga teng qilib qabul qilingan.
Maktab, litseylarda o‘quv xonalarida derazadan ancha naridagi
TYK 1,5—2 % kam bo‘lmasligi kerak.Nur tushish burchagi —27°.
Yuqorida keltirilgan tabiiy yorug‘lik koeffitsiyentining me’yor-
lari 4-iqlim mintaqalarida ko‘rilgan binolar uchun TYKni aniq-
lashda yorug‘lik iqlimning koeffitsiyentini e’tiborga olgan holda
me’yorlashtiriladi. Ko‘rish faoliyati uchun yaxshi sharoitni ta’min-
lovchi eng past yorug‘lik miqdori 600 lk ni tashkil qiladi.

---

46
Xonaning yorug‘ligi derazalar soni, ularning katta-kichikligi va
konfiguratsiyalariga bog‘liq. Derazalarning yuzasi qanchalik katta
bo‘lsa, xonaga shunchalik ko‘p yorug‘lik tushadi. Lekin derazalar
o‘lchamining juda katta bo‘lishi binoning issiqlikka chidamliligining
kamayishiga olib keladi va shu sababli bu o‘lchamlar chegarasiz
bo‘lishi mumkin emas. Bolalar uzoq vaqt bo‘ladigan yoki ko‘zning
zo‘riqishi bilan bog‘liq ishlarni bajarish uchun mo‘ljallangan bolalar
muassasalarining asosiy xonalari uchun YK 1 : 4 dan kam bo‘lmas-
ligi kerak. Bolalar kam bo‘ladigan xonalar uchun YK 1:5—1:6 gacha
kamaytirilishi mumkin. Derazalar iloji boricha ko‘proq yorug‘lik
tushadigan qilib o‘rnatilishi lozim.
Agar xona eniga 6,5 m dan ko‘p bo‘lsa, qarama-qarshi tomondan
ikkinchi qator derazalar o‘rnatiladi.Bu ko‘proq tabiiy yorug‘lik
tushishiga imkon yaratadi va xonalarni ikki tomonlama elvizak qilib
shamollatish imkonini beradi. Bolalar muassasiga qarama-qarshi
joylashgan bino balandligi oralig‘idagi masofa nisbati 1:2—1:3 dan
kam bo‘lmasligi kerak.
Maktab jihozlariga qo‘yiladigan gigiyenik
talablar
Bolalar salomatligini saqlash va ular to‘g‘ri rivojlanishi uchun
zarur bo‘lgan gigiyenik talablarga javob beradigan jihozlardan foyda-
lanish kerak. Ular uchun tayyorlangan jihozlar bolalarning anatomik-
fiziologik xususiyatlariga to‘la-to‘kis mos kelishi, o‘lchamlari bola-
lar bo‘yiga, vazniga moslashgan bo‘lishi kerak. Jihozlar tuzilishi
jihatdan chidamli, pishiq ishlanishi lozim. Yozuv stolida va stulga
o‘tirish, dastgoh oldida turish va qo‘l mehnati qilganda yelka bo‘g‘im-
lariga, bo‘yin, qorin va yuqori-pastki umurtqa nuqtalariga hamda
chanoqqa og‘irlik keladi. To‘g‘ri holatni tanlashda mushaklar, nerv
va bo‘g‘imlar asosiy o‘rin tutadi. O‘quvchilar dars davomida ancha
toliqadilar, shuning uchun ham bir xil holatni tanlash hamda ikkinchi
holatga o‘tishni fiziologik ko‘rsatkichlardan ajratish lozim. To‘g‘ri
holatni saqlashga tana og‘irligini markazdan uzoqlashtirish va to‘g‘ri
holatda turish kiradi. Turg‘un muvozanatda yurak tomirlari, nafas
olish, ko‘z va eshitish organlari me’yorda ishlasa, bunday holat
to‘g‘ri deb hisoblanadi. Dars davomida har xil holatlarga o‘tishda
fiziologik mezonlarni ajratish lozim. Gavdaning og‘irlik markazi 9—
10-umurtqa qafaslari ustiga — to‘g‘ri tayanch nuqtasiga tushsa,

---

47
yozish vaqtida organizm charchoqni sezmaydi. Bu holatda markaziy
og‘irlik orqa chanoq bo‘g‘imi bilan kesishadi. Bunday o‘tirishda bosh
oldinga qiya engashadi, ko‘zlari to‘g‘riga qaraydi, barmoqlar parta
ustida turadi.