Samarqand davlat chet tillar instituti

Jamoa manfaati – kishilar guruhi, korxona va firmalarga tegishli manfaatlar majmuidir.
Jamoat birlashmalari – fuqarolarning qonunda belgilangan tartibda ro’yxatdan o’tkazilgan birlashmalari. Ularga kasaba uyushmalari, siyosiy partiyalar, olimlarning jamiyatlari, faxriylar va yoshlarning tashkilotlari, ijodiy uyushmalar va fuqarolarning boshqa birlashmalari kiradi.
Jarayon – muayyan vaqt oralig’ida bo’lib o’tgan o’zgarishlar, voqea va hodisalarning davomiyligi. J.lar uzlukli va uzluksiz, tabiiy va sun’iy, takrorlanuvchi va betakror, boshqariluvchi va boshqarilmas bo’lishi mumkin.
Jinoyat – qonundanazarda tutilgan ijtimoiy xavfli qilmish. zamin, o’lkadir.
Identifikatsiya – (lot. o’xshatmoq, tenglashtirmoq, baravarlamoq) monandlik. Siyosiy identifikatsiya - u yoki bu siyosiy guruhga o’zini boshqalardan ajratish imkonini beruvchi barqaror belgilar, xususiyatlar birligi.
Ijtimoiy adolat – barcha ijtimoiy toifalarning jamiyatda o’z o’rni mavjudligini va qonun oldida ularning o’zaro teng huquqlarga ega ekanligini e’tirof etish.
Ijtimoiy manfaat – bu barcha jamiyat a’zolarining birgalikda ro’yobga chiqadigan manfaatlaridir.
Ijtimoiy uyushmalar – fuqarolar manfaatlari umumiyligi va ixtiyoriylik asosida vujudga keluvchi, lekin o’z faoliyati natijasida daromad olishni ko’zlamaydigan tashkilotlar (siyosiy partiyalar, ommaviy harakatlar, kasaba uyushmalari, ayo’llar, keksalar, nogironlar, yoshlar, bolalar tashkilotlari, ilmiy texnik, madaniy-ma’rifiy, sport va boshqa ko’ngilli jamiyatlar, jamg’armalar, assotsiatsiyalar, boshqa tuzilmalar). Demak, fuqarolarning har qanday ko’ngilli uyushmasi – ijtimoiy uyushmadir. Mavjud siyosiy hayotni o’zgartirishga yoki unga ta’sir etishga urinuvchi ijtimoiy uyushmalar siyosiy, deb qaraladi.
Ijtimoiy hamkorlik – turlimillat, irq va dinga mansub kishilar va guruhlarning umumiy maqsad yo’lidagi hamjihatligi.
Ijtimoiy sheriklik - davlat organlarining nodavlat notijorat tashkilotlari va fuqarolik jamiyatining boshqa institutlari bilan mamlakatni ijtimoiy-iqtisodiy rivojlantirish dasturlarini, shu jumladan tarmoq, hududiy dasturlarni, shuningdek normativ-huquqiy hujjatlarni hamda fuqarolarning huquqlari va qonuniy manfaatlariga daxldor bo’lgan boshqa qarorlarni ishlab chiqish hamda amalga oshirish borasidagi hamkorligidir