Samarqand davlat universiteti pedagogika fakulteti pedagogika kafedrasi

AVSTRALIYA O‘RTA MAKTABLARI
Maktablarning ajralib turuvchi asosiy xususiyati shundan iboratki, o‘quv dasturlarida faqatgina akadem fanlar o‘tilmaydi, balki san’at (chizmachilik, musiqa) va sportga ham ko‘p e’tibor beriladi. Bitiruvchi sinflarda o‘quvchilar oliy o‘quv yurtlariga tayyorlanib bir necha fanlarni chuqur o‘rganishadi.
Universitet qabul komissiyasining qarori salbiy yoki ijobiy bo‘lishiga mana shu fanlardan olingan baholar va imtihondan olingan baholar asos bo‘ladi. Masalan, injenerlik fakultetiga kirish uchun matematika, fizika, ximiyadan yaxshi baholvr olgan bo‘lishi kerak.
Maktab 3 darajaga bo‘linadi:
-boshlang‘ich maktab (1-6-7 sinfgacha);
-o‘rta maktab (6-7-10 sinfgacha);
-yuqori sinflar (11-12 sinf).
Avstraliya qonunlari bo‘yicha 6 yoshdan katta bolalar maktabga borishi shart. Amaliyotda esa ko‘pchilik ota-onalar bolalarini boshlang‘ich maktabga 5 yoshdan keyin berishadi, u erda ular 12-13 yoshgacha bo‘lishadi. Boshlang‘ich maktabni tugatgandan keyin talabalar o‘rta bosqichga o‘tishadi. U erda ular shartli ravishda 16 yoshgacha bo‘lishadi.
Boshlang‘ich va o‘rta maktabda ingliz tili, matematika, tarix, geografiya, biologiya, kimyo, fizika, chet tili, jismoniy tarbiya o‘qitiladi. Tanlovga ko‘ra bu fanlarga musiqa va chizmachilik fanlari qo‘shiladi.
Yuqori sinflarda o‘quvchilar bo‘lajak mutaxassisliklari uchun asos bo‘ladigan informatsion texnologiyalar, iqtisod kabi fanlarni o‘qishlari mumkin.
Materialni o‘zlashtirganlik darajasini tekshirish yozma testlar, insho va og‘zaki ma’ruzalar orqali amalga oshiriladi. Ularning natijalaridan o‘rtacha ball chiqariladi.
Har bir o‘quv choragida imtihon topshiriladi va uning natijasiga reyting chiqariladi. Avstraliyaning barcha universitetlari maktab bitiruvchilariga har yili o‘quvchilar kirish imtihoni uchun to‘plashi kerak bo‘lgan reyting ballarini e’lon qiladi.
Avstraliyadagi 50 dan ortiq maktablarning bitiruvchi sinflarida xalqaro dastur bo‘yicha ta’lim olish imkoniyati mavjud.
Avstraliya maktablarining o‘ziga xos xususiyati shundan iboratki, maktab bitiruvchilari boshqa maktablardan farqli ravishda hech qanday tayyorlov kurslari yoki kollejlarda o‘qimasdan to‘g‘ridan-to‘g‘ri Avstraliya universitetlariga kirishlari mumkin.