Taqribiy hisoblash – ma’lumotlar va natija (yoki hyech bo’lmaganda natijaning o’zi) mos kattaliklarning haqiqiy qiymatlarini faqat taqribiy ifodalangan sonlardan iborat bo’ladigan qilib hisoblash.
Tashqi xotira – bitta yoki bir nechta dasturni bajarishda hisoblash tizimi tarkibidagi juda katta hajmli axborotni uzoq muddat saqlash va undan bir necha marta foydalanish uchun mo’ljallangan xotira qurilmalarining kompleksi.
Tashqi xotira qurilmasi (masalan, vinchester, fleshka, CD va DVD disklar va boshqa) – u juda katta sig’imli (odatda u megabayt, gegabayt yoki terabaytlar bilan o’lchanadi) qurilma bo’lib, dastlabki ma’lumotlarni, hisoblash natijalarini, spravochnik ma’lumotlarini va boshqa ma’lumotlarni uzoq vaqt saqlash, ulardan takror foydalanish uchun mo’ljallangan.
Telekommunikatsiya – bu kompyuter tarmoqlari va zamo-naviy texnik aloqa vositalari negizida ma’lumotlarni masofadan uzatishdir.
Terminal – hisoblash tizimiga axborotni kiritish va undan axborotni chiqarish uchun qo’llaniladigan chetki qurilma.
Texnik ta’minot – avtomatlashtirilgan axborot tizimlarining elementi bo’lib, axborot tizimi ishi uchun mo’ljallangan texnik vositalar kompleksi, shuningdek, ushbu vositalar va texnik jarayonlarga tegishli hujjatlardir.
Texnologiya – san’at, mahorat, bilish degan ma’nolarni bildiradi (bu esa jarayondan boshqa narsa emas), ya’ni mahsulotni ishlab chiqarish jarayonida amalga oshiriladigan xom-ashyo, material yoki yarim tayyor mahsulot shakli, xususiyati, holatining o’zgarishi, uni qayta ishlash, tayyorlash usullarining majmui bo’lib, bu biror bir ishni yuqori darajada uddalash degani.
Tijorat axboroti – egasining ruxsati va shartlari bilan tarqatilishi va savdo–sotiq jarayonlarida ishtirok etilishi mumkin bo’lgan axborot.
Tizim (sistema) – yagona maqsad yo’lida bir vaqtning o’zi-da ham yaxlit, ham o’zaro bog’langan tarzda faoliyat ko’rsa-tadigan bir necha turdagi elementlar, qismlar majmui.
