Samarqand davlat universiteti turaev b. X., Nizamov a. N
Yüklə 1,88 Mb. Pdf görüntüsü
|
|
Nazorat uchun savollar:
1. Urushdan so`ng qator mamlakatlarda amalga oshirilgan keynschilik iqtisodiy siyosati asosiy holatlari nimadan iborat? 2. Iqtisodiy siyosat Shved modeli nima? 3. Frantsiyada dirijizm siyosatiga tavsif bering? 4. Germaniya iqtisodchilari tomonidan ilgari surilgan uchinchi yo`l kontseptsiyasi mohiyati nima? 5. XX asrning 40-60-yillarida rivojlangan iqtisodiy fikr asosiy maktablarini sanab o`ting. Mavzu bo`yicha adabiyotlar ro`yxati: 1. История экономики: Учебник/ под ред. О.Д.Кузнецовой и И.Н.Шапкина. М.: ИНФРА – М, 2002. 2. Камерон Р. Краткая экономическая теория мира от палеолита до наших дней. М.: РОССПЕН, 2001. 3. История экономических учений. Т. III. / Под ред. А.Г. Худокормова. М., 1998. 4. Теория хозяйственного порядка: «Фрайбургская школа и немецкий неолиберализм». М., 2002. 5. Ойкен В. Основы национальной экономии. М.: Экономика, 1996. 6. Эрхард Л. Благосостояние для всех. М.: Дело, 2001. 173 XXI-BOB. NEOKEYNSCHILIK IQTISODIY NAZARIYALARI 21.1. Neokeynschilik metodologiyasini o`ziga xosliklari Yuqorida aytib o`tilganidek, neokeynschilar tadqiqotlarining asosiy yo`nalishlari, dinamik makroiqtisodiy tahlil bo`ldi. Dj.M. Keyns tarafdorlarining asosiy yutuqlari iqtisodiy o`sish nazariyasi yaratilishi bilan bog`liq. Mazkur nazariya doirasida uchta asosiy holat o`rganilgan: Dinamik muvozanat sharoitlari; Dinamik muvozanatdan uzoq muddatli chetlashish; Dinamik muvozanatdan qisqa muddatli chetlashish. Mazkur tadqiqotlar boshlanishi II jahon urush o`rtalarida ingliz iqtisodchisi Roy Forbs Xarrot (1900-1978) va amerikalik iqtisodchi Alvin Xansen (1887-1975) tomonidan yaratildi. 1936 yilda, Xarrotning birinchi «Iqtisodiy sikl» deb nomlangan kitobi nashr etilib, 1941 yilda esa, Xansenning «Soliq siyosati va iqtisodiy sikllar» kitobi nashr etildi. 1940-1950-yillarda mazkur muammoga bag`ishlangan qator boshqa kitoblar ham nashr etildi. 1948-yilda R. Xarrotning «Iqtisodiy dinamika nazariyasi haqida» kitobi va amerikalik iqtisodchi Efsey Devid Domarning (1914-1998) qator maqolalari nashr etildi. 1951-yilda E. Xansenning «Iqtisodiy sikllar va milliy daromal» kitobi nashr etildi, 1956 yilda Dj. Robinson «Kapital to`planishi», bir yildan so`ng, 1957 yilda esa, E. Domar qalamiga mansub « Iqtisodiy nazariyasi bo`yicha ocherklar» nomli asosiy assarlari nashr etildi. Neokeynschilar nazariyasi uslubi asoslangan qator o`ziga xosliklarga ega. Bir tomondan mazkur o`ziga xosliklar keynschilik ana`analari rivojlanishi bilan bog`diq. Birinchidan neokeynschilar tomonidan agregatsiyalashtirilgan ko`rsatkichlar qo`llaniladi. Ikkinchidan iqtisodiy mexanizmlar tasvirlanishida psixologik yondashuv qo`llaniladi: katta e`tibor kutilayotgan va prognozlashtirilayotgan kattaliklar tahlili, individlarning iqtisodiy harakatiga ta`siri, demak, butun iqtisodiy tizim faoliyati tahliliga qaratiladi. Uchinchi maktab bozor tizimi nomutanosibligi printsipidan kelib chiqadi. Muvozanat holatidan muddatli chetlashish siklik to`lqinlanishi sifatida ko`rib chiqilgan neomumtoz sikl nazariyalaridan farqli o`laroq, neokeynschiliklar iqtisodiyotni depressiya yoki yuksalish holatiga keltiruvchi nomutanosib tendentsiyalarga e`tiborlarini qaratishgan. Bunda muvozanat holatiga qaytish mexanizmlari undan chetlashish mexanizmidan farqli o`laroq, juda qiyin ekanligi tan olingan. Bu borada neokeynschilar asosiy e`tiborlarini bozor kon`yunkturasiga u yoki bu tomonga katta og`ishini oldini olish maqsadida davlat aralashuviga qaratishgan. Boshqa tomondan Dj. M. Keyns nazariyasidan farqli o`laroq, 174 neokeynschilik nazariyasi dinamik tahlilga ham ega. Keynschilik nazariyasida ishlab chiqarish, statik holatda qisqa muddat davr oralig`ida ko`rib chiqilgan. Mashkur namoyandalar nazariyasi, uzoq muddatli dinamik jarayonlar tadqiqoti ko`rinishida bo`lgan. ular tomonidan keng ma`noda Stokgol`m maktabi tomonidan kiritilgan ex-ante va ex-post tushunchalari qo`llanilgan. R. Xarrot iqtisodiy dinamikasi. R.Xarrot nazariyasi barcha neokeynschilar kabi dinamik tahlilga yo`naltirilganligi sababli, birinchi navbatda u statika va dinamika holatlarini qay darajada tavsiflashini aniqlashga qaratgan, zero turli iqtisodchilar mazkur tushunchaga turli interpretatsiyalar berishgan. R. Xarrot nazariyasida statika, sodda ishlab chiqarish bilan, ya`ni iqtisodiyotning o`zgarmas hajmdagi faoliyati bilan bog`lanadi. Uning dinamikasi esa, uzoq muddatli davrda ishlab chiqarish hajmlaridagi istalgan o`zgarishni ta`min etadi. R. Xarrot o`z tadqiqotida o`sib borayotgan aholining to`liq bandligi va ishlab chiqarish quvvatlarining to`liq bandligiga erishish imkoniyatini beradigan o`sish darajasini ta`minlovchi mexanizmni topishni vazifa qilib qo`ygan. R.Xarrot, o`sish darajasini asosan investitsiyalar hajmiga bog`liqligidan kelib chiqgan holda, «Kapital koeffitsient» (C) tushunchasini kiritgan. Mazkur koeffitsient, kapital o`sish hajmi darajasini ko`rsatadi, ya`ni iqtisodiyotga kiritilgan investitsiyalar hajmi, va mazkur investitsiyalar keltirib chiqargan umumiy daromad o`sish darajalarini ko`rsatadi (taxmin etilishicha umumiy daromad dinamikasi investitsiyalargagina bog`liq). Daromadning talab etilgan o`sishini ta`minlash uchun, mazkur ishlab chiqarish davrida mo„ayyan investitsiyalar miqdorini kafolatlash zarur. Investitsiyalar esa – ishlab chiqarish talabiga yo`naltirilgan zahira mablag`larining bir qismidir. Demak davlat siyosati, talab etilgan o`sish darajasini zarur miqdordagi investitsiyalar bilan ta`minlashga qaratilgan bo`lishi kerak. Belgilangan o`sish darajalariga erishish shartlaridan tashqari R. Xarrot, dinamik muvozanatni ta`minlash masalasini ham ya`ni iqtisodiyot inqiroz holatlariga tushmasdan o`sib borish holatini taxlil etgan. U investitsiyalar tengligi (i) va zahira mablag`lari (S) tengligidan iborat bo`lgan tenglik asosiy shartini ilgari suradi. Mazkur muvozanatdan istalgan chetlashishlar krizis holatlarini keltirib chiqaradi. Agar S>I bo`lsa, to`liqsiz bandlik holati kelib chiqadi, agar S R. Xarrot S va I ko`rsatgichlarni iqtisodiyotdagi darajasini belgilash usullarini tadqiq etgan. Zahira mablag`lari umumiy daromadnining investitsiyalarga I c = ∆ Y 175 mo`ljallangan va iste`mol qilish uchun qo`llanilmagan qismidir. Zahira mablag`lar hajmi, bozordagi kapital taklifi darajasini belgilab, mazkur zahira mablag`larini yig`ishga moyillgiga bog`liq (S): S=S/Y. Investitsiyalarni R.Xarrot kapitalga nisbatan ishlab chiqarish talabi sifatida qarashni taklif etadi. Mazkur talab darajasi, iqtisodiy o`sish darajalari uchun qancha investitsiya zarur ekanligi bilan belgilanadi. U umumiy daromad va kapital koeffitsient o`sishi miqdori bilan belgilanadi: ∆ Y I I = X ; yoki g x c, Y ∆Y Bunda g – umumiy daromad o`sishi (∆Y/Y); c - esa kapital koeffitsentidir. Mazkur ikki formula asosida R. Xarrot, iqtisodiy dinamika tenglamasini ishlab chiqgan (mazkur formula o`sish templari tenglamasi deb ham atalgan). Mazkur tenglamaning mazmuni Shundan iboratki, iqtisodiyot o`sish darajalari keltirib chiqargan kapitalga talab (g * c), kapitalga muvofiq taklifi bilan ta`minlanishi kerak (S): g x c=s Bu tenglamani quyidagicha ham ifodalash mumkin. g = s/c Ushbu ko`rinishda dinamika tenglamasi, iqtisodiy o`sish darajalari zahira mablag`lari darajasidan qancha yuqori bo`lsa (S), kapital koeffitsienti Shu darajada past bo`lishini (C) ko`rsatadi. Agarda S doimiy miqdor bo`lsa, ya`ni zahira mablag`lari darajasi o`zgarmas bo`lsa, biz quyidagi bog`liqlikka ega bo`lamiz: S – kapital o`sishi hajmi qay darajada past bo`lsa, G o`sish darajasi Shu darajada yuqori bo`ladi, va aksincha, o`sish kapital hajmi qay darajada yuqori bo`lsa, mazkur o`sish Shu darajada past bo`ladi. Iqtisodiyotning har ikkala holatlarini kapital o`sishini turli hajmi darajasi bilan ko`rib chiqadigan bo`lsak, har ikkala holat uchun quyidagi tenglama xos bo`ladi: g1 x c1 = s g2 x c2 = s Bunda, C1 Keyingi holatlarda R. Xarrot iqtisodiyotni boshqarilish mexanizmini muayan o`sish darajalari doirasida ko`rib chiqgan. Uning ta`kidlashicha, tadbirkorlar o`z harakatlarida o`sishni real templariga emas (G) o`sishning kafolatlangan 176 templariga tayanishlari lozim, bu holat mavjud ishlab chiqarish quvvatlarining to`liq bandligi sharoitlarida erishilishi mumkin. Bundan Shunday xulosa kelib chiqadiki, tadbirkorlar, ishlab chiqarishda qo`llash uchun tayyor bo`lgan resurslar qay darajada ishlatilishiga umid qilishlari zarur. Mazkur ko`rsatkichga tayangan holda, tadbirkorlar mavjud zahira mablag`larida mazkur darajaga erishish uchun zarur kapital hajmlarini belgilaydilar. Buning natijasida o`sish tenglamasi quyidagi ko`rinishga ega bo`ladi. gw x cr= s Bunda Gw o`sish kafolatlangan darajali; Sr – kafolatlangan o`sish darajalarini ta`minlash uchun zarur bo`lgan investitsiya kattaligini belgilab beruvchi zarur kapital koeffitsient. R.Xarrotning ta`kidlashicha, to`xtovsiz barqaror rivojlanish uchun, real o`sish darajasi prognozlashtirilgan darajasiga bog`liq bo`lishi zarur, ya`ni ishlab chiqaruvchilar bo`lajak iqtisodiy bozor kon`yunkturasiga to`g`ri baho berishlari kerak. Ammo real iqtisodiyotda bunday tenglik kamdan - kam holatda uchraydi. Bundan tashqari bir marotaba yuzaga kelgan nomutanosiblik, real darajaning prognozlashtirilgan darajasidan tobora kattaroq chetlashishiga olib keladi. Buning uchun ikki real va kafolatlangan o`sish darajalarini ifodalovchi tenglamalarini olamiz. g x c = s; gw x cr =s Aytaylik, real o`sish tempi prognozlashtirilgan tempdan past bo`ladi: G< Gw. yuqorida ko`rsatilgan bog`liqlikka muvofiq, bu holat belgilangan zahira mablag`lari darajasida kapital hajmi koeffitsienti talab etilganidan yuqoriligini ko`zda tutadi (C>CR). Tadbirkorlar o`z faoliyatlarida aynan kapital hajmi ko`rsatkichiga tayanishadi. Kapital hajmi talab etilganidan ishlab chiqarish hajmidan yuqoriligini aniqlagach, ular mazkur holatni tushunishga harakat qilishadi, ya`ni xom ashyo, materiallar, uskuna xaridini qisqartirishadi. Bu holat keyingi davrlarda ham, G pasaytirilishiga olib keladi, demakki G va Gw orasidagi bog`liqlik o`rnatilishiga ham. Natijada, iqtisodiyot uzoq muddatli depressiya holatiga tushib qoladi. Shunga o`xshash holat kafolatlangan o`sish darajalari (Gw) real o`sish darajalari past bo`lishi holatlarida ham, (G) yuzaga keladi. Real kapital hajmi real koeffitsienti (C) talab etilgan darajadan past bo`ladi (Cr), demak tadbirkorlar o`z kapital zahiralarini oshirish harakatiga tushib, Shu orqali ikki ko`rsatkichni 177 tenglashtirishga harakat qilishadi. Bunday harakatlar real o`sish darajalari keyingi davrlarda oshishiga olib kelib, bu holat G va Gw orasidagi bog`liqlikni kuchaytiradi. Bunday harakatlar natijasida esa uzoq muddatli yuksalish davri yuzaga keladi. O`z nazariyalari asosida, R. Xarrot quydagicha xulosa qiladi, iqtisodiy tizim muvozanatda bo`lmasa, tadbirkorlik faoliyati doimiy ravishda pichoq tig`i ustidagi muvozanat holatida bo`ladi. Muvozanatdan kichik chetlashish, gravitatsiya kuchlarini ishga solib, iqtisodiy tizim balans nuqtasidan ayiradi. Bunday tendentsiyalar sababi esa, iqtisodiyot agentlarining noadekvat harakatlari bo`ladi. Bozor ko`rsatkichlari ishlab chiqaruvchilarni o`z maqsadlaridan chalg`itib ularni bozor muvozanatini tiklashga emas, aksincha muvozanatdan qochishga olib keladigan harakatlarni amalga oshirishga majbur qiladi. Real va kafolatlangan o`sish darajalaridan chetlashish ostida, R. Xarrot, iqtisodiyotda ro`y beradigan qisqa muddatli tebranishlar sabab sifatida ko`radi. Uning sikllar kontseptsiyasi ham aynan o`sish nazariyalari asosida ishlab chiqilgan. Ammo, to`lqinlanishlar yuzaga kelishlarini tasvirlar ekan, R. Xarrot, muvozanat nuqtasidan iqtisodiyot harakati yo`nalishi nima sababdan o`zgarib turish sikllarini shakllanishi sabablarini tushuntira olmagan. R. Xarrot, bor - yo`g`i taxminlar bilan cheklanib, siklning bir fazasining boshqa fazasiga o`zgarishini tasodifiy omillar harakati deb tushuntirgan. O`z tahlilini kengaytirgan holda R.Xarrot yana bir tushuncha, tabiiy o`sish darajalari (Gn) tushunchasini kiritgan. Mazkur usishning darajasi, iqtisodiyot rivojlanishining texnologik darajasidan maksimal, ya`ni potentsial jihatdan, yuqori holatida mavjuddir. Ya`ni Gw ishlab chiqarish quvvatlari to`liq bandlikga muvofiq bo`lsa Gn barcha potentsial resurs turlari bandligini ko`zda tutadi. Xususan, o`sishning kafolatlangan darajasiini, mehnat resurslari noto`liq bandligini taxmin etib, barcha yollangan ishchilarni ishga solishni ko`zda tutadi. Tabiiy o`sish darajasini esa ularning to`liq bandligini talab etadi. O`sish mazkur tempini ta`minlash uchun, zahira mablag`lari etmasligi mumkin. Shu sababli, tabiiy o`sish darajasi tenglamasi quyidagi ko`rinishga ega bo`ladi. gn x c = s yoki ≠ s Xarrot o`sish darajalarini uch ko`rsatkichi ya`ni real, kafolatlangan va tabiiy mutanosibligini ko`rib chiqadi. Bularning ichida eng muhimi kaforlatlangan va tabiiy o`sish templari mutanosibligidir, zero mazkur ikki ko`rsatkichlar orasidagi farqni R. Xarrot bandlik muammosi sifatida talqin etadi. Agar kafolatlangan o`sish darajalari tabiiy o`sish darajasidan yuqori bo`lsa (Gw>Gn), iqtisodiyotning 178 bunday holati resurslar etishmasligi bilan tavsiflanadi. Va birinchi navbatda mehnat resurslari etishmovchiligi kuzatiladi, Chunki ishlab chiqarish imkoniyatlari salohiyati yirik resurs bazasiga qaratilgan bo`lib, iqtisodiyotning mavjud holatining bu darajani ta`minlay olmaydi. Bundan tashqari, mazkur holatda tadbirkorlarning investitsion umidlari iqtisodiyot imkoniyatlaridan ustun bo`lib, bu holat zahira mablag`lari tabiiy normasi bilan belgilanadi. Gn tabiiy o`sish darajalari imkon qadar maksimal temp bo`lganligi sababli, u real o`sish darajasidan ustun bo`ladi (Gn>G). Demak, ko`rib chiqilayotgan Gw holatida G doimo kattaroq bo`ladi, bu esa uzoq muddatli stagnatsiya shartidir. Kafolatlangan o`sish darajasi tabiiy o`sish darajasidan past bo`ladigan bo`lsa (Gw mutanosibligi ikki variantini taxmin etadi: agar Gn>Gw.>G bo`lsa iqtisodiyot uzoq muddatli depressiya holatiga kiradi, ammo birinchi holatdagi darajasida emas. Agarda Gn>G>Gw bo`lsa, iqtisodiyot iqtisodiy yuksalish holatiga kiradi. O`z nazariyasi asosida R. Xarrot davlat iqtisodiy siyosati choralarini ishlab chiqib, ular o`z tarkibiga ikki blokni olishni ta`kidlaydi: a) kafolatlangan va real o`sish darajalari ko`rsatkichlarini yaqinlashtirish maqsadida byudjet xarajatlari o`sishi va foiz stavkalarini manipulyatsiya etish keynschilik retseptlarini qo`llagan holdagi antisiklik nazorat; b) kafolatlangan va tabiiy o`sish darajalari ko`rsatkichlarini yaqinlashtirishga yo`naltirilgan bandlikni yuqori darajasini ta`minlash bo`yicha choralar. A. Xansen, iqtisodiy sikl nazariyasi. Amerikalik iqtisodchi A.Xansen sikllar nazariyasi ko`p jihatdan sintezlashtirilgan tavsifga ega, zero uning nazariyasi o`z tarkibiga iqtisodiyot dinamikasi nazariyasi boshqa iqtisodchilari tomonidan yaratilgan elementlarini oladi. A. Xansen o`zidan oldingi qator iqtisodchilar asarlariga tayanib, ularning nazariyalari rivojlanishi tarixiga tavsif ham beradi. Shu bilan birgalikda, uning sikllar nazariyasi, qator o`ziga xosliklarga ham ega, Chunki unda muammoning keynschilikning interpretatsiyasi taklif etilgan. 1951-yilda, A.Xansenning «Iqtisodiy sikllar va milliy daromad» nomli fundamental asari nashrdan chiqdi. Mazkur kitobda, u birinchi navbatda, sikllarni klassifikatsiyasini berib, ularni davomiylik va to`lqinlanishlarni kelitirb chiqaruvchi sabablarga ko`ra to`rt turga bo`ladi (1-jadval). Umuman olganda uning iqtisodiyot siklik rivojlanishi modeli, investitsiyalarning notekis kiritilishi haqidagi taxminga asoslanadi. Bu holat, butun iqtisodiyot uchun umumiy bo`lgan faktik natijada ya`ni talab o`zgarishi va mazkur o`zgarishga nisbatan taklif reaktsiyasi orasida muddatli bo`shliq mavjud bo`lsa kelib chiqadi. Mo„ayyan tovar yoki xizmatga bo`lgan talab oshishi, muvofiq 179 sohaga investitsiyalar oqimini kuchaytiradi. Buning natijasida, sarmoyalar va ishlab chiqarishning zaruriy o`sishiga erishiladi, ammo mahsulot hali bozorga tushishga ulgurmaydi, mahsulotga bo`lgan talab esa, taklif darajasidan ustun kelib, ishlab chiqarish o`sishi zarurati haqidagi yolg`on axborotni keltirib chiqaradi. Yüklə 1,88 Mb. Dostları ilə paylaş:
|