Biz tasodifiy miqdorlarni bitta ehtimollik fazosida berilgan deb faraz qilamiz. O‘lchovli funksiyalar nazariyasidan ma’lumki, o‘lchovli funksiyalar ustida qo‘shish, ayirish, ko‘paytirish va (maxrajdagi funksiya noldan farqli bo‘lsa) bo‘lish amali bajarish natijasida hosil bo‘ladigan funksiya yana o‘lchovli, shu bilan birga o‘lchovli funksiyalar ketma-ketligining limiti (agar mavjud bo‘lsa) yana o‘lchovli bo‘ladi. Shunga o‘xshash natijalar tasodifiy miqdorlar uchun ham o‘rinli. Tasodifiy miqdorlar ketma-ketligining yaqinlashishi, masala talabiga qarab, turlicha bo‘lishi mumkin.
