Şəki şəhər Mədəniyyət və Turizm şöbəsi Mərkəzləşdirilmiş Kitabxana sistemi Metodika və biblioqrafiya şöbəsi

II bölmə. Kitabxanalar qarşısında duran vəzifələr.

Bu gün bəşəriyyəti düşündürən, narahat edən ən ağrılı problemlərdən biri də insan alveridir.

Bu sahədə kitabxanaların rolunu xüsusilə qeyd etmək lazımdır. İnsan alverinə qarşı mübarizə mövzusunda tədbirlərin həyata keçirilməsi zamanı kütləvi işin üç: əyani, şifahi, mətbuat (çap) formasından istifadə etmək məqsədə uyğundur.

İnsan alverinə qarşı mübarizə mövzusunda yeniyetmə və gənc oxucular arasında mühazirələrin keçirilməsi vacibdir. Bu zaman mövzunu adı elə seçilməlidir ki, oxucularda maraq oyatsın . Məs: “İnsan alveri qlobal fəlakət və bəşəri bəladır”, “İnsan alveri gənclərin düçar ola biləcəyi ən böyük bəladır”, “İnsan alverinə düçar olmuş insanların hüquqlarının müdafiəsi” və sairə mövzularda. Tədbirdə mədəniyyət şöbəsi, hüquq-mühafizə orqnlarının iştirakı məqsədə uyğun olardı.

Kitabxanada bu mövzu ilə bağlı söhbət də keçirilə bilər. Məs: “İnsan alverinin artması və təhlükələri”, “Qeyri-leqal miqrasiya” və sairə söhbətin keçirilməsində əsas məqsəd oxuculara ictimai-siyasi həyatda mürəkkəb, ziddiyyətli hadisələrə düzgün yanaşmaq, həyatın çətin anlarından düzgün baş çıxarmalarına köməklik göstərməlidir.

İnsan alverinə qarşı mübarizə mövzusunda kitab icmalı keçirərkən ilk növbədə mövzu ilə bağlı son dövrlərdə nəşr olunmuş müxtəlif tipli kitablar seçməli, onların sərgisi təşkil olunmalıdır. Kitabxanalar həminçinin bu mövzu ilə bağlı mövzu gecəsi keçirmək olar. Mövzu müəyyən edildikdən sonra kitabxanaçı ssenari tərtib etməlidir. Təşkilatçı tədbirin əvvəlindən axırına kimi bülleten elementləri (çıxış, rəy, qonaqlara söz vermə) ssenaridə əks etdirir. Gecə üçün təşkil olunmuş sərgidə mövzuya uyğun kitabların siyahısını da iştirakçılara təqdim etmək olar.

Həmçinin kitabxanada “İnsan alveri haqqında nə bilirik?” adlı sual-cavab gecəsi təşkil etmək olar. Tədbirin məktəblilər arasında keçirilməsi daha məqsədə uyğun olardı. “İnsan alverinin qurbanı olma!”, “Sosial bəla-insan alveri” və sairə adlarda stendi də tədbir zamanı nəzərə çarpan yerdə təşkil etmək lazımdır.

Kitabxanada insan alverinə qarşı mübarizə mövzusunda sərgilərin tərtibinə də diqqət yetirməlidir. “ İnsan alveri və ondan törənən fəsadlar” adlı sərgi təşkil etmək olar. Sərgiyə bu mövzu ilə bağlı qəzet və jurnal məqalələri, tövsiyə ədəbiyyat siyahıları, mövzuya uyğun şəkillər, sitatlar da qoyulmalıdır.