getməlidir. 6. Məktəbəqədər yaşlı uşaqların rabitəli nitqi o zaman inkişaf edir ki, öz fikir və hisslərini aydın, ardıcıl, sistemli, rabitəli ifadə etmək bacarığına yiyələndirilir. 7. Məktəbəqədər yaş dövründə uşaqların nitqinin inkişaf etdirilməsi üzrə işin təşkili rəngarəng forma, vasitə və metodlardan istifadə edilməsi ilə gəzinti və ekskursiyalar, oyun və əyləncələr vasitəsilə asudə vaxtlarda da nitqin inkişaf etdirilməsi üçün zəngin material verir. 8. Məktəbəqədər yaşlı uşaqların nitqinin inkişaf etdirilməsi üçün elə əşya, şəkil, hadisə və oyunlar seçilməlidir ki, bu, uşaqları dinləməyə, məlumat verməyə vadar etsin və beləliklə, onların nitqi inkişaf etsin. 9. Ətraf aləmin faktları və hadisələri uşaqların nitqinin inkişaf etdirilməsinin ən əlverişli vasitəsidir. 10. Oyunlardan uşaqların nitqinin inkişaf etdirilməsi üçün sistemli şəkildə istifadə uşaqlarda səs mədəniyyətinin tərbiyəsinə, əsasən nitq səslərinin düzgün tələffüzünün öyrənilməsinə, lüğət ehtiyatının zənginləşdirilməsinə, onlarda qrammatik cəhətdən düzgün cümlə qurmaq vərdişləri aşılamağa kömək edir və rabitəli nitqin inkişafına təkan verir. 11.Məktəbəqədər yaşlı uşaqların nitqinin inkişaf etdirilməsi üçün əmək tapşırıqlarının mühüm əhəmiyyəti vardır. Tədqiqatdan əldə etdiyimiz nəticəyə uyğun aşağıdakı təklifləri irəli sürə bilərik: 1. «Məktəbəqədər tərbiyə müəssisələrinin tərbiyə və təlim proqramı»nda bütün yaş qruplar üzrə nitq inkişafını təmin edən sistemli məşğələlərin təşkili və onların tədricən mürəkkəbləşdirilməsi məsləhətdir. 2. Məktəbəqədər yaşlı uşaqların nitqinin inkişafında onların yaş xüsusiyyətlərinin nəzərə alınmasına dair kitab və kitabçaların, müxtəlif didaktik vəsaitlərin nəşri, oyuncaqların istehsalı həyata keçirilməlidir.
