AZƏRBAYCAN RESPUBLİKASI TƏHSİL NAZİRLİYİ
Azərbaycan Universiteti
Sərbəst iş
Müəllim: Məmmədov Habil Fənn: Müasir diplomatiya Mövzu: Azərbaycan Respublikasında diplomatik xidmətin təşkili İxtisas: Regionşünaslıq Qrup: 204212 Kurs: III Tələbə: Ağayeva Leyla
MÜNDƏRİCAT GİRİŞ………………………………………………………………………………3 Diplomatiya və diplomatik xidmət anlayışı..........................................................4 Xarici işlər sahəsində dövlət idarəetməsinin anlayışı..........................................5 Xarici işlər sahəsində dövlət idarəetməsinin təşkilati-hüquqi formaları...........6 Diplomatik xidmət orqanlarında dövlət qulluğunun anlayışı, hüquqi əsasları və şərtləri..................................................................................................................7 Diplomatik xidmət orqanlarının əsas vəzifələri....................................................8 NƏTİCƏ.................................................................................................................13 ƏDƏBİYYAT
GİRİŞ Azərbaycan Respublikasında aparılan demokratik-hüquqi islahatlar insan hüquqlarının, beynəlxalq hüququn ümum qəbul olunmuş prinsipləri əsasında müdafiəsi sahəsində mühüm irəliləyişlərin əldə edilməsinə şərait yaratmış və bu müddət ərzində ölkəmiz bir çox beynəlxalq konvensiyalara. qoşulmuşdur ki, bunların da yarısından çoxu bilavasitə və ya dolayısı ilə insan hüquq və azadlıqları ilə bağlıdır. Xarici işlər sahəsində dövlət idarəetməsi həm nəzəri cəhətdən, həm də təcrübi cəhətdən mühüm əhəmiyyət kəsb edir. 1991-ci ildən bu günə kimi Azərbaycan Respublikası beynəlxalq təşkilatların üzvü olmuş, dünyanın əksər dövlətlərində öz diplomatik nümayəndəliklərini, konsulluqlarını açmışdır. Qeyd olunmalıdır ki, Azərbaycan Respublikasında da bir sıra xarici dövlətlərin diplomatik nümayəndəlikləri və konsulluqları fəaliyyət göstərir. Respublikamız öz müstəqilliyini bərpa etdikdən sonra müstəqil bir dövlət kimi üzvü olduğu beynəlxalq təşkilatlarda xüsusi mandatlı nümayəndələri vasitəsilə təmsil edilir və xarici dövlətlərlə tam bərabər vəziyyətdə qarşılıqlı əlaqə yaradır və dövlətin xarici siyasətini həyata keçirir. Mühazirənin köməkliyi ilə siz xarici işlər sahəsində idarəetmənin məzmununu, xarici işlər sahəsində idarəetmənin təşkilati-hüquqi formalarını, Xarici İşlər Nazirliyinin və onun orqanlarının qarşısında duran vəzifələri, funksiyaları və hüquqlarını öyrənmiş olacaqsınız. Azərbaycan Respublikasının qonşu və xarici ölkələrlə siyasi, iqtisadi, mədəni və s. əlaqələrin yaranmasına və inkişaf etdirilməsinə yönəlmiş səlahiyyətli dövlət orqanlarının fəaliyyəti haqqında hüquqi biliklərin əldə edilməsi sizin bir hüquqşünas və gələcəyin polis zabiti kimi həm nəzəri, həm də təcrübi cəhətdən peşəkar kimi formalaşmağınızda böyük əhəmiyyətə malik olacaqdır.
