Shirin xanim Sechmeler 4-cu ktab indd

 /başını əlləri arasına alır/
 Pərdə çökür.
VI PƏRDƏ. 12-ci şəkil
Səba artıq bir neçə gündür ki, uşaqları uşaq evinə vermiş, 
Samir  də  məktəbə  getmir.  Küçə  uşaqlarına  qoşulmuş.  Ca-
malın  Səba  üçün  aldığı  ev.  Camalla  Səba  yarım  sərxoş 
vəziyyətdədir. 
CAMAL /eşqlə/
Ah, Səba, görürsən şərabın dadın?
Çıxır axırına qəmin, fəryadın.
Nabat yaman güdür bizi son zaman,

---

286
Ширин Ханым Кяримбяйли Шадиман
Gəzir ürəyində şübhələr yaman.
Bir ton çəkisi var, nə baxım ona?
Özü günahkardır kök olduğuna,
Doldurur qarnını hər səhər, axşam.
SƏBA /pərişan və yarım sərxoş/
Çoxunun evində yox nahar, yox şam...
Belədir dünyanın işləri Camal,
Yalnız hiylə lazım nə ağıl, kamal?
CAMAL
Sələmlə qazandım mən bu pulları,
Yığdım, çin-çin yığdım hər gün dolları.
İndi maşınlarım, evim, pul-param,
Haram söyləyirlər sələmi, haram...
Kef edim, nə qədər sağam dünyada,
O biri dünyada qoy yanım oda.
Sənin Nicatın da, yəqin kef edir.