Sjif 2022: 947 Advanced Sciences Index Factor asi factor = 7

ADABIYOTLAR TAHLILI VA METODLAR 
Oʻrxun-Enasoy yodgorliklarini oʻrganishga A.Fitrat, O.Sharafiddinov, N. 
Mallayev, N. Mallayev, A.Qayumov, A.Rustamov, Gʻ.Abdurahmonov, E.Umarov, 
T.Salimov, B.Toʻxliyev, N.Rahmonov, Q.Sodiqov kabi oʻzbek olimlari ham 
oʻzlarining munosib hissalarini qoʻshganlar. Jumladan, bu yodgorlikning topilish 
tarixi N.Mallayevning “Oʻzbek adabiyoti tarixi”, B.Toʻxliyevning “Oʻzbek 

---

Oriental Renaissance: Innovative, 
educational, natural and social sciences 
 
VOLUME 2 | ISSUE 6 
ISSN 2181-1784 
Scientific Journal Impact Factor
 
 SJIF 2022: 5.947 
Advanced Sciences Index Factor 
 ASI Factor = 1.7 
657 
w
www.oriens.uz
June
2022
 
adabiyoti”, A.Qayumovning “Qadimiyat obidalari” asarlarida yoritilgan. H.Zarif, 
M.Saidov, B.Sarimsoqov, M.Joʻrayev, S.Turdimov, A.Musaqulov, G.Akramov, 
J.Eshonqulovlar oʻz ishlarida bu borada u yoki bu darajada toʻxtalib oʻtganlar. Lekin 
bu umumturkiy ma’naviy merosimizni oʻrganishda Qosimjon Sodiqov va Nasimxon 
Raxmonov xizmatlari beqiyos [2: 136]. Tadqiqot jarayonida ilmiy bilishning 
mantiqiylik, tarixiylik, izchillik va obyektivlik usullaridan keng foydalanildi. 
MUHOKAMA VA NATIJALAR 
Q.Sodiqov yodgorliklarning tilini, tarixini va falsafiy qarashlarini oʻrganib, 
ilmiy tadqiqotlar yaratish bilan bir qatorda Oʻrxun-Enasoy yodgorliklarini 
oʻzbekchaga tabdil qildi. Oʻzbekistondan topilgan bitiklarga asoslanib, Oʻzbekiston 
koʻhna turkiy run yozuvlarining makoni boʻlgan degan xulosaga keldi. Yodgorliklar 
tili, uslubiyati, dialektikasi, fonetikasi va morfologiyasini oʻrgandi. Talabalar uchun 
muhim ahamiyatga ega asarlar va darslik kitoblar yaratib, Oʻzbekistonda yangi 
turkologiyaning rivojiga katta hissa qoʻshdi. Olimning Oʻrxun-Enasoy 
yodgorliklarining tadqiqiga bagʻishlab yozgan asarlarini quyidagi guruhlarga boʻlib 
oʻrgansak, maqsadga muvofiq boʻladi: 
1. Oʻrxun-Enasoy yodgorliklarining tilini oʻrganishga bagʻishlangan asarlari: 
“Eski uygʻur yozuvi”, “Qadimgi turkiy yozuvlar” va “Qadimgi turkiy til” fanlaridan 
dars matnlari, “Ilk oʻrta asrlar turkiy matnlari nomlarining izohli lugʻati”, “Turkiy 
yozma yodgorliklar tili: adabiy tilning yuzaga kelishi va tiklanishi”, “Koʻk turk 
bitiklari va ularning tarixiy talqini” nomli kitoblari, “Yozma yodgorliklarda ayrim 
undoshlarning taraqqiyot masalasi”, “Kul tigin, Bilga xoqon bitiklaridan oʻrin olgan 
“xoqon” soʻzining boshlamalari va yodnomalarining matn tuzilishi haqida”, “Kul 
tigin va Bilga xoqon bitiglarining matniy-qiyosiy tahlili”, “Oʻzbekistonda topilgan 
koʻk turk xarfli matnlar”, “Turk-moniy diniy jamoalarida yaratilgan yozma 
manbalar”, “Tilshunoslikning dolzarb masalalari” nomli maqolalari, Oʻrxun-Enasoy 
yodgorliklarining tilini oʻrganishga bagʻishlangan. Jumladan, “Turkiy yozma 
yodgorliklar tili: adabiy tilning yuzaga kelishi va tiklanishi” (2006) tadqiqotida eng 
koʻhna hamda oʻrta asrlarda yaratilgan turkiy yodgorliklar asosida oʻzbek adabiy 
tilining shakllanishi, mumtoz adabiy tilning yuzaga kelishi, uning oʻziga xos 
xususiyatlari tahlil etiladi. 
2. Oʻrxun Enasoy yodgorliklarining tarixini oʻrganishga doir asarlari: “Oʻzbek 
adabiy tili tarixidan”, ”Uygʻur yozuvi tarixidan”, “Koʻk turk bitiklari: matn va uning 
tarixiy talqini”, “Yozuv tarixi va kitobat san’ati”, “Oʻzbek tili tarixi”, “Turkiy til 
tarixi”, “Oʻzbek tilining yozma uslublari tarixidan” nomli kitoblari va “Kultigin va

---