Sosial işin ümumi məqsədlərini izah edin.
Sosial işçilər çətin həyat şəraitində olan insanlar ilə işləyərkən hər bir vəziyyətdən asılı olaraq onlar qaşılarına konkret bir məqsəd qoyurlar və bu buna çatmaq istiqamətində fəaliyyət göstərirlər. Vəziyyətin müxtəlifliyindən və ya çətin həyat şəraitində olan insanların problemindən asılı olamayaraq, sosial işçilərin qarşılarına qoyduqları məqsədlər və vəzifələr sosial işin ümumi məqsədinə xidmət edir və ondan irəli gəlir.
Sosial işin məqsədi insanlara özlərinə kömək etmək üçün onlara kömək etməkdir. Sosial işçilər hər kəs üçün həyat şəraitini və keyfiyyətini yaxşılaşdırmaq üçün, çətin həyat şəraitində olan insanlara müvafiq mühiti yaratmaqdan, bərpa etməkdən və inkişaf etdirməkdən ibarətdir. Insanların yaşadıqları mühit (sosial, fiziki, təşkilati) onların öz potensiallarını və imkanlarını maksimum dərəcədə dərk etmələri üçün şərait və mənbələr yaratmalıdır və onların ilkin ehtiyaclarını ödəmək, əzabı, gərginliyi və məzlumluğu aradan qaldırmaq üçün imkanlar yaratmalıdır. İnsanlar da əllərindən gəldiyi qədər çalışmalı və cəhd etməlidirlər ki, həm öz rifhaları və sosial inkişafları həm də yaxınlarının və ümumiyyətlə cəmiyyətin ümumi rifahını yaxşılaşdıra bilsinlər. İnsanlar bir-biri və ya cəmiyyətin digər üzvləri arasında təmas zamanı bir-birilərinin vicdanına, şəxsiyyətinə, toxunulmazlığına ve seçiminə hörmət etməlidir. Bütün insanlara qarşı humanist və ədalətli yanaşma olmalıdır. Fərdlər, icmalar, ailələr, qruplar və təşkilatlar sosial işçilərin işlədiyi çətin həyat şəraitində olan insanlar (ailələr) ola bilər.
Dostları ilə paylaş: |
