Üçüncü mövqe cəmiyyətlə fərdlərin qarşılıqlı fəaliyyəti prosesinin mexanizmini açıqlamağa xüsusi diqqət yetirir . Bu əslində əvvəlki iki mövqe arasında bir növ « aralıq » mövqe tutmağı səciyyələndirir . Bu ənənənin əsasını qoyanlardan biri Pitirim Sorokin ( 1889-1968 ) hesab olunur . Üçüncü mövqeyi qərb sosiologiyasında müasir konsepsiyalardan biri olan fəaliyyət nəzəriyyəsi ( hərəkət nəzəriyyəsi də deyilir ) və ya mübadilə nəzəriyyəsi daha çox əks etdirir . Bu nəzəriyyənin banisi Ç.Xomans sayılır ( ABŞ ) .
