Sual məktəbəqədər təhsildə təhsilləndirici mühit anlayışı

Gəlincik guşəsi
Gəlincik uşaqların emosional və psixi inkişafı üçün vacibdir.
Gəlinciklər insan mövcud olduğu qədər mövcuddur. Uşaqlar, cinsindən asılı olmayaraq, gəlinciklə oynamağı və ona qayğı göstərməyi sevirlər. Ancaq bu oyuncaqlar yalnız əyləncə və oyun üçün yaradılmır. Gəlincik uşağın psixi inkişafında xüsusi əhəmiyyətə malikdir. Onlar bizim əksimizdir. Burada uşaq öz təcrübəsini həyata keçirir və onu əhatə edən insanların hərəkətlərini əks etdirir. Oynayaraq uşaq təxəyyül və yaradıcılıq bacarıqlarını inkişaf etdirir.
Gəlincik guşəsində ən azı 8 sayda gəlincik olmalıdır. Onlar üçün evcik qurulmalıdır. Uşaqların “Evcik-evcik” oynamaları üçün şərait yaradılmalıdır.
Məsələn, belə bir oyun təşkil etmək olar: Kresloda yerləşdirilən gəlincik sanki uşaqların necə məşğul olduqları və ya yediklərinə baxır, tez və dəqiq yeyənləri və qrup otağında diqqətli olanları tərifləyir, səhər isə gəlincik uşaqlarla salamlaşır və uşaqların necə geyinib yuyunduqlarına baxır. Axşam evə getməmişdən öncə uşaqlar gəlinciyi soyundurub onunla vidalaşaraq çarpayıya qoya bilər.
Gəlinciklə oyun zamanı uşaq dialoqları icad edərkən söz ehtiyatını artırır və şifahi nitqini inkişaf etdirir. Gəlinciklə oyunda uşağın kiçik motor bacarıqları inkişaf edir. Gəlinciyin köməyi ilə uşağa müxtəlif hərəkətləri göstərmək olar - yuxu, qaçış və hoppanma. Gəlinciklərin geyindirilməsi və soyundurulması uşaq üçün xüsusi maraq doğurur. Uşaq əşyaların hansı qaydada geyindirilməli olduğunu və hansı vəziyyət üçün nəzərdə tutulduğunu xatırlayır. Gələcəkdə bütün bu bacarıqlardan istifadə edir.
Yaxşı gəlincik fantaziya üçün yer buraxmalı və öz ideyalarına imkan verəcək oyun üçün açıq olmalıdır.
Kiçik yaşlı uşaqlar üçün gəlinciklərə aid tələblər aşağıda qeyd olunur:
• Gəlinciyin görünüşü;
• Kəskin qoxusunun olmaması;
• Yumşaq və ekoloji materialdan olması;
• Kəskin künc və çox kiçik hissəciklərin olmaması;
• Saçları möhkəm və darana bilən olması;
• Gəlinciyin yaşı və mövsümlərə uyğun geyimlərinin olması.
Qızlar gəlinciklərlə oynamağı, oğlanlar isə əsgər oyuncaqları ilə maraqlanmağı sevirlər. Bu yolla uşaqlar cins və sosial rol arasındakı fərqləri öyrənirlər.