Suitsidal minez quliq destruktiv ha`rekettin birine kiredi, ol o`spirimnin` o`z o`mirin toqtatiwg`a bag`darlang`an boladi

Suitsidal minez quliq destruktiv ha`rekettin birine kiredi, ol o`spirimnin` o`z o`mirin toqtatiwg`a bag`darlang`an boladi.
Suitsidal minez-quliq o`spirimnin` qulqi buzilg`anliqtan belgi beredi ha`m ereseklerdin` suitsidal minez-qulqinan ajraladi. O`spirimlik jasindag`i bunday o`zinin` o`mirine bolg`an qastiyanshiliq 90%- ja`rdemge mu`ta`jlikti, 10%-o`zininin` o`mirin toqtatiwg`a uriniwdi bildiredi.
O`spirimlerdegi suitsidal minez quliqtin` tiykarg`i motivleri bular:

1. 
   Jalg`izliq, o`kpe-giyne, basqalardin` oni tu`sinbeytug`inin seziw keshirmeleri.
   
2. 
   Ata-analarinin` ajirisiwi, o`limi, birewiin` u`yden ketiwi haqkindag`i keshirmeleri.
   
3. 
   Ata-ananin` mehrinin` jetispewi, yaki bug`an bolg`an gu`man, qizg`anshaqliq.
   
4. 
   Uyat, namis, o`zin qorlang`anday seziwi.
   
5. 
   Qorqiw, jaza aliwdan qashiw.
   
6. 
   Jalg`an muxabbat kurbani boliw, jas qizlarda ha`mledar bolip qaliw.
   
7. 
   O`sh aliw, qarsi shig`iw jag`daylari.
   
8. 
   O`zinin` tag`dirine itibar qaratiw, basqalarda oni ayaw sezimin payda etiw, kewilsiz jag`daylardan, qiyinshiliqlardan qashiw.
   
9. 
   Jora joldasina, kino qaharmanlarina eliklew.
   

Suitsid hareketi negizinde mikrosotsial konfliktlerge psixologiyaliq ta`repten maslasa almasliq jatadi. Suitsidal minez-quliq degenimiz shaxstin` qandayda bir a`hmiyetli mu`ta`jliklerine erisiw jolinda tosiqlardi jen`e almay, shaxsiy krizislerin o`z o`mirin toqtatiw arqali sheshiwdi tuwri jol dep tabadi.
Ku`shli emotsional krizis waqtinda insan bull jag`daydan tek g`ana usi jol arqali shig`iw mu`mkin dep oylaydi. Suitsidal minez quliqtin` ishki ha`m sirtqi ko`rinislerge iye.
Ishki ko`rinisler:
1.O`mirinin` qadiri qalmag`anlig`i;
2.Passiv suitsidal oylar(o`zinin` o`limi haqqinda aniq rejeleri bolmawi;tek g`ana «o`lsem jaqsi boladi»degen pikir)
3. Suitsidal rejeler(o`liminin rejesin du`ziw);
4. Suitsidal pikirler(o`z o`mirin toqtatiwg`a qarar etiw).
Sirtqi ko`rinisler:

1. 
   Suitsidal xarakterdi bildiretug`in so`zler;
   
2. 
   Suitsidal uriniwlar(o`lim menen tamamlanbag`an o`z o`mirin toqtatiwg`a urinislari);
   
3. 
   Tamamlang`an suitsid.
   

Suitsidal urinislardin` tu`rleri:

1. 
   Aniq - aniq suitsidal quliqta ha`reketler, urinislar maqsetli bolip, sanali tu`rde o`mirin toqtatiwg`a ha`reket etedi(aldin ala orni, waqti xesh kim kesent bermew ushin belgilep qoyadi);
   
2. 
   Ashiq-shantajli- suitsident urinislari o`limge alip kelmewge qaleydi, biraq bunin` aqibetleri ha`r qiyli boliwi mu`mkin;
   
3. 
   Affektiv-affektiv suitsidal minez-quliq ku`shli affekten ju`zege keledi, sananin` tarayiwi ha`m izden shig`iwi menen xarakterlenedi.