T. Malikov O. Olimjonov moliya
Sug’urta bozorining mohiyati, tarkibi va turlari
Yüklə 3,97 Mb. Pdf görüntüsü
|
|
3. Sug’urta bozorining mohiyati, tarkibi va turlari
Iqtisodiyotning umumiy nazariyasida ham, sug’urta fanida ham “sug’urta bozori” va “sug’urta xo’jaligi” yangi tushunchalardir. Shunga qaramay aytish mumkinki, “sug’urta bozori” tushunchasi o’ziga nisbatan bir muncha umumiy hisoblangan “sug’urta xo’jaligi” tushunchasining pog’onalaridan biri bo’lib, sug’urta xizmatlari oldi- sotdisi bilan bog’liq. “Sug’urta xo’jaligi” sug’urta sohasidagi sug’urta xizmatlarini ko’rsatish, sotish va iste’mol qilish bilan bog’liq munosabatlar yig’indisidan iborat. Umumjahon xo’jaligi miqyosida “jahon sug’urta xo’jaligi” atamasini qo’llash mumkin. Ana shu ma’noda “sug’urta xo’jaligi” sug’urta tashkilotlarining ta’sis etilishi, tashkiliy tuzilmasi, faoliyati, boshqaruvi bilan bog’liq munosabatlarni, shuningdek, sug’urta tashkilotlarining yoki sug’urta bozorining boshqa turdagi sub’yektlarining sug’urtaga oid faoliyatini davlat tomonidan tartibga solish munosabatlarini, iqtisodiy munosabatlarda sug’urtadan foydalanish shart-sharoitlari va asoslarini ifoda etadi. Xorijiy adabiyotda bu borada tegishli ravishda “sug’urta iqtisodiyoti” va “jahon sug’urta iqtisodiyoti” tushunchalari ishlatiladi. Iqtisodiyot hamda zamonaviy iqtisodiyot nazariyasi nuqtai nazaridan sug’urta bozorini xaridorlar – sug’urtalanuvchilarning sug’urta xizmatlariga bo’lgan talablari va sotuvchilar – sug’urta tashkilotlarining sug’urta himoyasi bo’yicha takliflari nisbati bilan boshqariladigan iqtisodiy makon yoki tizim sifatida tasavvur etish mumkin. Sug’urta himoyasiga talab ikki bosh omil bilan: xo’jalik yurituvchi sub’yektning va alohida fuqaroning risk-menejmentining elementi sifatidagi sug’urtaga nisbatan bo’lgan talabi va shuningdek, sug’urtalovchilarning sug’urta xizmatini sotib olish orqali o’z talabini qondirishga imkon yaratadigan sotib olish layoqati bilan belgilanadi. Ijtimoiy qayta ishlab chiqarishga xos bo’lgan ehtimoldagi xavf sifatida xatar iqtisodiy munosabatla r yuksalishi bilan sug’urta xizmatlariga bo’lgan talabning kuchayishiga olib keladi. Ayni vaqtda davlat ijtimoiy sug’urta va ta’minot tizimi orqali taqdim etiladigan sug’urta himoyasining qisqarishi ham shuningdek, sug’urta xizmatlariga talabning oshishiga sabab bo’ladi. Sug’urta bozori – ma’lum bir pul munosabatlari sohasi bo’lib, unda savdo- sotiq ob’yekti sifatida sug’urta himoyasi qatnashadi hamda unga talab va taklif shakllanadigan maxsus ijtimoiy-iqtisodiy tarmoq hisoblanadi. Sug’urta bozori keng ma’noda sug’urta xizmatlarining oldi-sotdisi yuzasidan vujudga keladigan iqtisodiy munosabatlar yig’indisini aks ettiradi. Sug’urta bozorining ob’yektiv asosini kutilmagan tabiiy, texnogen va baxtsiz hodisalar oqibatida etkazilgan zararni bartaraf etish yo’li bilan ishlab chiqarish jarayonlarining uzluksizligini ta’minlash hisoblanadi. Qolaversa, sug’urta bozori iqtisodiyotni qo’shimcha moliyalashtirishda ham muhim o’rin tutadi. Sug’urta bozori faoliyat yuritishining asosiy sharti bo’lib sug’urta xizmatlariga jamiyat ehtiyojining mavjudligi va ushbu ehtiyojni qondira oladigan sug’urta tashkilotlarini mavjud bo’lishi hisoblanadi. Faoliyat ko’rsatayotgan sug’urta bozori turli tarmoq bo’limlarini biriktirgan murakkab, integratsiyalashgan tizimni o’zida aks ettiradi. Sug’urta bozori ishtirokchilari sifatida sotuvchilar, xaridorlar va vositachilar hamda ularning uyushmalari qatnashadilar. Sotuvchilar toifasini sug’urta va qayta sug’urta tashkilotlari tashkil etadi. Xaridorlar sifatida u yoki bu sotuvchi b ilan sug’urta shartnomasini rasmiylashtiruvchi sug’urtalanuvchilar - jismoniy va yuridik shaxslar ishtirok etadilar. Sotuvchilar va xaridorlar o’rtasidagi vositachilar bo’lib, o’z harakatlari bilan sug’urta shartnomalarini tuzishga ko’maklashuvchi sug’urta agentlari va sug’urta brokerlari hisoblanadi. Sug’urta bozorida taklif etilayotgan o’ziga xos tovar - sug’urta xizmati hisoblanadi. Uning xarid qiymati bo’lib sug’urta qoplamasi shaklini ifodalovchi sug’urta himoyasini ta’minlash hisoblanadi. Sug’urta xizmatining narxi sug’urta tarifida aks ettiriladi. U talab va taklifga asoslangan raqobat asosida shakllanadi. Rivojlangan va rivojlanayotgan sug’urta bozorlarining muammosi sug’urtalanuvchilar tomonidan zarur darajada sotib olish layoqatiga ega bo’lmaslikda ifodalanishi mumkin. Bu muammoning hal etilishi bir jihatdan aholining sotib olish layoqatining o’sishiga va xo’jalik yurituvchi sub’yektlarning moliyaviy barqarorligiga, ikkinchi jihatdan davlat tomonidan umummilliy darajada mamlakat makroiqtisodiyoti mi qyosida sug’urta xizmatlarini sotib olish layoqatini o’stirishga qaratilgan muayyan chora-tadbirlarga bog’liq. Mutaxassislar diqqatni sug’urta xizmatlariga talab sub’yektiv xususiyatga ega ekanligiga qaratadilar, ya’ni sug’urta himoyasi bilan ta’minlanishga ongli talab ko’p jihatdan iste’molchining ana shunday xizmat mavjud ekanligidan, uning iste’mol sifatlaridan, samarasidan, bahosidan bexabarligi va shu kabi sabablarga ko’ra amalga oshmay qolishi mumkin. Bu holat sug’urta tashkilotlaridan “sug’urta riskini qoplashga doir yashirin talabni ochishga” qaratilgan marketing tadbirlarini o’tkazishni taqozo qiladi. Sug’urta xizmatlarining taklif etilishi etarli darajada ixtisoslashgan va moliyaviy barqaror, ehtimoldagi sug’urtalanuvchilarning talablarini qondirishga layoqatli sug’urta tashkilotlarining mavjud bo’lishi orqali ta’minlanadi. Investorlarning sug’urta tashkilotiga qiziqishi, sug’urta tariflarini hisoblab chiqish uchun zarur statistik va axborot bazasining mavjudligi, moliya bozorining sug’urta tashkilotlarining investitsiyalarining qaytarilishini va daromadliligini kafolatlaydigan darajada samarali faoliyat ko’rsatishi, shuningdek, sug’urta tashkilotlarida malakali menejerlarning va sug’urta xizmati anderraytingi bo’yicha mutaxassislarn ing mavjudligi sug’urta bozorini shakllantirishning muhim omili bo’lib hisoblanadi. Sug’urta xizmatlari bozori faoliyat turiga qarab umumiy sug’urta xizmatlari bozori va hayotni sug’urta qilish bozoriga bo’linadi. O‘zbekiston Respublikasida sug’urta xizmatlari bozori 2002 yilning oxirlariga qadar universal tusga ega bo’lgan, ya’ni sug’urta tashkilotlari bir paytning o’zida ham umumiy, ham hayotni sug’urtalash turlarini amalga oshirib kelgan. 2002 yilning 27 noyabrida qabul qilingan Vazirlar Mahkamasining “Sug’urta xizmatlari bozorini yanada rivojlantirish chora- tadbirlari to’g’risida”gi 413- son qaroriga asosan “Sug’urta faoliyati klassifikatori” tasdiqlandi. Unga muvofiq sug’urta tashkilotlarining faoliyati ikkiga ajratildi: umumiy sug’urta va hayotni sug’urta qilish sohasi. Umumiy sug’urta tarmog’i quyidagi 17 ta klassdan iborat: Klass tartib raqami Klassning nomi Mazmuni va sug’urta qilish shartlari bo’yicha talablar 1-klass Baxtsiz hodisalardan ehtiyot shart sug’urta qilish Quyidagi hollarda: a) baxtsiz hodisa yoki muayyan turdagi baxtsiz hodisa natijasida sog’liqning qattiq shikastlanishi, yoxud; b) baxtsiz hodisa yoki muayyan turdagi baxtsiz hodisa natijasida vafot etgan taqdirda, yoxud; v) kasallik yoki muayyan turdagi kasallik natijasida mehnat qobiliyatini yo’qotish, shu jumladan ishlab chiqarishda jarohatlanish va kasb kasalliklari, biroq 2-klass va IV klass bo’yicha sug’urta shartnomalarini istisno qilgan holda, sug’urta qilingan shaxsga sug’urta ta’minotining belgilab qo’yilgan pul summasi yo ki pul kompensatsiyasi to’lanishini ta’minlovchi sug’urta turlari jami 2-klass Kasallikdan ehtiyot shart sug’urta qilish Sug’urta ta’minotining belgilab qo’yilgan pul summasi to’lanishini yoki kasallik yoki sog’liqning izdan chiqishi munosabati bilan sug’urta qildiruvchining pul kompensatsiyasi (yoki uning ham, buning ham kombinatsiyasi)ni ta’minlovchi sug’urta turlari jami, biroq hayotni sug’urta qilish tarmoqlarining IV klassi bo’yicha shartnomalarni istisno qilgan holda 3-klass Er usti transport vositalarini sug’urta qilish Transport vositalari, o’zi yurar mashina va mexanizmlar, harakatlanadigan temir yo’l tarkibi bundan mustasno, yo’qotilganda yoki shikastlanganda sug’urta qoplamasi to’lanishini ta’minlovchi sug’urta turlari jami 4-klass Harakatlana- digan temir yo’l tarkibi- ni sug’urta qilish Harakatlanadigan temir yo’l tarkibi yo’qotilganda yoki shikastlanganda sug’urta qoplamasi to’lanishini ta’minlovchi sug’urtaning turlari jami 5-klass Aviatsiya sug’urtasi Havo kemasi, havo kemasining mashina asbob-uskunalari, jihozlari, inventari, ehtiyot qismlari yo’qotilganda yoki shikastlanganda sug’urta qoplamasi to’lanishini ta’minlovchi sug’urtaning turlari jami 6-klass Dengiz sug’urtasi Dengiz va ichki daryo kemalari, kemalarning mashina asbob-uskunalari, asbob-uskunalari, inventari, ehtiyot qismlari yo’qotilganda yoki shikastlanganda sug’urta qoplamasi to’lanishini ta’minlovchi sug’urtaning turlari jami 7-klass Yo’ldagi mol- mulkni sug’urta qilish Transportning har xil turlari bilan tashishda yuklar, bagaj va boshqa mol- mulk yo’qotilganda yoki shikastlanganda sug’urta qoplamasi to’lanishini ta’minlovchi sug’urtaning turlari jami 8-klass Mol-mulkni olovdan va tabiiy ofat- lardan sug’ur- ta qilish Yong’in, portlash, bo’ron, dovul, jala, ko’chki, tuproqning cho’kishi, emirilish, er osti suvlari, sel, yashin urishi, zilzila, yadro energiyasi ta’siri natijasida mol-mulk (3 va 7- klasslarda ko’rsatilganlar bundan mustasno) yo’qotilganda yoki shikastlanganda sug’urta qoplamasi to’lanishini ta’minlovchi sug’urtaning turlari jami 9-klass Mol-mulkni zarardan sug’urta qilish 8- klassda ko’rsatilmagan do’l, qalin qor yog’ishi yoki qattiq sovuq tushishi, buzib kirib o’g’irlik qilish va boshqa voqealar natijasida mol-mulk (3 va 7- klasslarda ko’rsatilgandan boshqa) yo’qotilganda yoki shikastlanganda sug’urta qoplamasi to’lanishini ta’minlovchi sug’urtaning turlari jami 10-klass Avtofuqaro- lik javobgar- ligini sug’ur- ta qilish Er usti transport vositalari va boshqa o’ziyurar mashinalar va mexanizmlardan foydalanish oqibatida, tashuvchilarning javobgarligi ham shu jumlaga kiradi, uchinchi shaxslarga (jismoniy va yuridik shaxslarga) zarar etkazilgan taqdirda sug’urta qoplamasi to’lanishini ta’minlovchi sug’urta turlari jami 11-klass Aviatsiya sug’urtasi doirasidagi javobgarlik- ni sug’urta qilish Havo kemasidan foydalanish oqibatida, aviatashuvchilarning javobgarligi ham shu jumlaga kiradi, uchinchi shaxslarga (jismoniy va yuridik shaxslarga) zarar etkazilgan taqdirda sug’urta qoplamasi to’lanishini ta’minlovchi sug’urta turlari jami 12-klass Dengiz sug’ur- tasi doira- sida javobgarlikni sug’urta qilish Dengiz va ichki kemalardan foydalanish oqibatida, dengiz tashuvchisining javobgarligi ham shu jumlaga kiradi, uchinchi shaxslarga (jismoniy va yuridik shaxslarga) zarar etkazilgan taqdirda sug’urta qoplamasi to’lanishini ta’minlovchi sug’urta turlari jami 13-klass Umumiy fuqarolik javobgarligini sug’urta qilish 10, 11 va 12- klasslarda ko’rsatilmagan tavakkalchiliklar oqibatida uchinchi shaxslar (jismoniy va yuridik shaxslar) oldida fuqarolik javobgarligi paydo bo’lgan taqdirda sug’urta qoplamasi to’lanishini ta’minlovchi sug’urta turlari jami 14-klass Kreditlarni sug’urta qilish Sug’urta qildiruvchining debitori nochorligi (bankrotlik) yoki debitorning sug’urta qildiruvchi oldidagi qarzlarni qaytarish majburiyati bajarilmasligi (nochorlikdan tashqari) natijasida sug’urta qildiruvchi zarar ko’rganda sug’urta qoplamasi to’lanishini ta’minlovchi sug’urta turlari jami 15-klass Kafillikni (kafolatlar- ni) sug’urta qilish Sug’urta qildiruvchining o’ziga berilgan kafolatni bajarishi majburiyati natijasida sug’urta qildiruvchi zarar ko’rganda sug’urta qoplamasi to’lanishini ta’minlovchi sug’urta turlari jami 16-klass Boshqa moliya- viy tavakkal- chiliklardan sug’urta qilish Quyidagi hollarda: a) sug’urta qildiruvchining biznesi (xo’jalik faoliyati) uzilib qolishi yoki sug’urta qildiruvchi tomonidan amalga oshirilayotgan biznes (xo’jalik faoliyati) ko’lami kamayishi natijasida sug’urta qildiruvchi zarar ko’rganda; b) oldindan nazarda tutilmagan xarajatlar natijasida sug’urta qildiruvchi zarar ko’rganda (17- klassda ko’rsatilgandan tashqari); v) shartnomalar tuzilishi va bajarilishi bilan bog’liq faoliyatni amalga oshirish natijasida mazkur darajaning a) va b) bandlarida ko’rsatilgandan boshqa nobudgarchiliklarga uchraganda sug’urta qoplamasi to’lanishini ta’minlovchi sug’urta turlari jami 17-klass Huquqiy Sud muhokamasi bilan bog’liq ko’rilgan himoya qilish xarajatlar natijasida sug’urta qildiruvchi zarar bilan bog’liq ko’rganda sug’urta qoplamasi to’lanishini xarajatlarni ta’minlovchi sug’urta turlari jami sug’urta qilish Umumiy sug’urta xizmatlari hayot sug’urtasidan tashqari barcha sug’urta xizmat turlarini qamrab oladi. Hozirgi kunda umumiy sug’urta xizmatlari bozorida faoliyat ko’rsatayotgan sug’urta tashkilotlari “Sug’urta faoliyati klassifikatori”ning umumiy sug’urta tarmog’iga oid barcha sug’urta klasslari doirasida sug’urta xizmatlarini ko’rsatayapti. Umumiy sug’urta xizmatlari bozorini tavsiflovchi asosiy xususiyatlar quyidagilardan iborat: - sug’urta polisi amal qilish muddatining bir yildan oshmasligi. Shunday sug’urta xizmat turlari borki, uularning muddati hatto bir soatni tashkil etadi. Masalan, havo yo’llari orqali yo’lovchilarni tashishda qo’llaniladigan tashuvchining fuqarolik javobgarligini majburiy sug’urtalashda polisning amal qilish muddati uchish va qo’nish masofasidan kelib chiqqan holda bir soatga teng bo’lish mumkin. - investitsiyaga yo’naltirilgan mablag’larning qisqa muddatli ob’ektlarga joylashtirilishi. 2019 yilning 1 yanvar holatiga O‘zbekiston sug’urta bozorida jami 30 ta sug’urta tashkiloti faoliyat ko’rsatayotgan bo’lib, uning 24 tasi yoki 80,0 foizi umumiy sug’urta xizmatlari bozoriga tegishlidir. Umumiy sug’urta xizmatlari bozorida faoliyat ko’rsatayotgan eng yirik sug’urta tashkilotlari jumlasiga “O‘zbekinvest” eksport-import milliy sug’urta kompaniyasi, “O‘zagrosug’urta” va “Kafolat sug’urta kompaniyasi” aktsiyadorlik jamiyatlarini kiritish mumkin. Dunyoning taraqqiy etgan davlatlarida hayotni sug’urta qilish bozori umumiy sug’urta xizmati bozoriga qaraganda yuksak darajada rivojlangan. Masalan, AQSh, Yaponiya va Yevropaning ba’zi davlatlarida sug’urtalovchilar tomonidan to’plangan jami sug’urta mukofotlari tarkibida hayotni sug’urtalash bo’yicha yig’ib olingan sug’urta mukofotlari katta salmoqqa ega. O‘zbekistonda hayotni sug’urta qilish bozori shakllanish jarayonini boshidan kechirmoqda. 2002 yil 5 aprelda “Sug’urta faoliyati to’g’risida”gi Qonunning qabul qilinishi munosabati bilan hayotni sug’urta qilish sug’urta faoliyatining, binobarin sug’urta bozorining alohida tarmog’iga aylandi. O‘zbekiston Respublikasi Vazirlar Mahkamasining 2002 yil 27 noyabrdagi “Sug’urta xizmatlari bozorini yanada rivojlantirish chora- tadbirlari to’g’risida”gi 413-son qarori bilan tasdiqlangan “Sug’urta faoliyati klassifikatori”ga muvofiq hayotni sug’urta qilish tarmog’i 4 ta klassdan iborat. Ushbu klasslar to’g’risida oldingi mavzularda to’xtalib o’tilgan. 2003 yil dekabrda “O‘zbekinvest” eksport-import milliy sug’urta kompaniyasi muassisligida hayotni sug’urtalashga ixtisoslashgan dastlabki sug’urta kompaniyasi – “O‘zbekinvest Hayot” shu’ba sug’urta tashkiloti tashkil etildi. Mazkur shu’ba sug’urta tashkiloti O‘zbekiston Respublikasining yuridik va jismoniy shaxslariga hayot va sog’likni sug’urta qilish maqsadida tashkil etilgan bo’lib, uning asosiy vazifalariga quyidagilar kiradi: hayotni sug’urtalash tarmog’ining barcha klasslari va umumiy sug’urta tarmog’ining I va II klasslari bo’yicha sug’urta xizmatlarini ko’rsatish; tegishli sug’urta mahsulotlarini taqdim etish orqali O‘zbekiston Respublikasi aholisi keng qatlamini ijtimoiy himoyalash vositalarini rivojlantirish; hayotni va sog’likni sug’urtalashning xalqaro standartlari amaliyotini joriy etish; xorijiy, xalqaro, milliy sug’urta tashkilotlari bilan hamkorlikni rivojlantirish; Hozirgi kunda “O‘zbekinvest Hayot” sug’urta tashkiloti respublikamizning barcha mintaqalarida o’z filiallariga ega va ular tomonidan quyidagi sug’urta xizmatlari ko’rsatiladi: bonus to’lovli hayot sug’urtasi. Mazkur sug’urta turining amal qilish muddati 13 oydan 20 yilg acha bo’lgan muddatni tashkil etadi. Sug’urta summasi sug’urta qildiruvchi tomonidan aniqlanadi va shundan kelib chiqqan holda sug’urta mukofoti hisoblanadi. Sug’urta mukofotining miqdori sug’urtalangan shaxsning yoshi, sug’urta muddati va badallarni to’lash tartibi bilan bog’liq. Sug’urta mukofotlari sug’urta qildiruvchi shaxs uchun qulay usulda: bir marotaba, har yili, yarim yilda bir marta yoki har chorak yoxud har oyda to’lab borilishi mumkin. Sug’urta summasini to’lash quyidagi holatlarda amalga oshiriladi: - shartnoma amal qilishining oxirgi muddatigacha yashash (bunda sug’urta summasi ilgari to’langan barcha sug’urta mukofotlari yig’indisi va kompaniya tomonidan to’lanadigan bonusga teng); - sug’urtalangan shaxs vafot etgan taqdirda (bunday holatda sug’urta summasi sug’urtalangan shaxsning qachon vafot etganidan va qancha sug’urta mukofoti to’laganidan qatiy nazar sug’urtalangan shaxs tomonidan qancha sug’urta mukofoti to’lanishi kerak bo’lgan summaga teng bo’ladi). Bu sug’urta mahsulotini sotib olish uchun sug’urta qildirmoqchi bo’lgan shaxsning yoshi 18-60 yosh oralig’ida bo’lishi lozim. ta’lim olish uchun hayotni uzoq muddatli sug’urta qilish. Bunda ota- onalarning farzandlarini ta’lim muassasalarida o’qishi bilan bog’liq xarajatlarini sug’urta yo’li bilan qoplash nazarda tutiladi. Sug’urta shartnomasining muddati 13 oydan 20 yilgacha bo’lgan muddatni tashkil etadi. Mazkur sug’urta turi bo’yicha sug’urta summalarini to’lash quyidagi holatlarda amalga oshiriladi: - farzandning oliy ta’lim muassasasi, kasb-hunar kolleji, akademik litsey yoki maktabga o’qishga kirishi; - farzandning sug’urta polisida ko’rsatilgan yoshga kirishi (agar bola qayd etilgan muddatda o’qishga kira olmagan taqdirda). Sug’urta qildiruvchiga to’lanadigan sug’urta summasi miqdori ilgari to’langan barcha sug’urta mukofotlari yig’indisi va sug’urta tashkiloti tomonidan taqdim etiladigan bonusga teng. nikohga hayotni uzoq muddatli sug’urta qilish. Mazkur sug’urta mahsuloti farzandning nikohga kirish munosabati bilan uning ota- ona si sarflaydigan xarajatlarni moliyaviy ta’minlash masalasini hal etishga ko’mak beradi. Sug’urta shartnomasining butun amal qilish davomida ishonchli sug’urta himoyasi ta’minlanadi. Hatto, oila boquvchisini yo’qotgan taqdirda ham nikoh arafasida farzand su g’urta polisida belgilangan summani oladi. Bu sug’urta turida ham sug’urta polisining amal qilish muddati 13 oydan 20 yilgacha bo’lgan muddatni tashkil etadi. Sug’urtalangan shaxsga sug’urta summasi farzand nikohga kirganda yoki u sug’urta polisida ko’rsatilgan yoshga etganda to’lanadi. Sug’urta summasining miqdori sug’urta qildiruvchi tomonidan ilgari to’langan barcha sug’urta mukofotlari miqdoriga va sug’urtalovchi tomonidan taqdim etiladigan bonusga teng. Hayotni sug’urta qilish bozorida yuqorida ko’rsatilgan sug’urta xizmat turlari bilan bir qatorda hayot sug’urtasi ham amalga oshiriladi. Shuni alohida ta’kidlash lozimki, hayotni sug’urtalash bozorini yanada rivojlantirish maqsadida quyidagi soliq imtiyozlari berilgan: yuridik shaxslarning uzoq muddatli hayot sug’urtasi bo’yicha sug’urta mukofotlarini to’lash bilan bog’liq xarajatlari boshqa xarajatlar tarkibiga kiritiladi va foyda solig’ini hisoblashda hisobga olinmaydi; yuridik shaxslarning uzoq muddatli hayot sug’urtasi bo’yicha sug’urta mukofotlarini to’lashga yo’naltirilgan xarajatlari jismoniy shaxslarning daromadi sifatida qaralmaydi; jismoniy shaxslarning ish haqi va boshqa daromadlaridan uzoq muddatli hayot sug’urtasi bo’yicha to’lagan sug’urta mukofotlari daromad solig’iga tortilmaydi. Ko’rinib turibdiki, mamlakatimizda hayotni sug’urtalash bozorini rivojlantirish uchun davlat tomonidan katta imkoniyatlar yaratilgan. Yüklə 3,97 Mb. Dostları ilə paylaş:
|