Tabiiy fanlar fakulteti botanika kafedrasi

BAKTERIAL O‘G‘ITLAR. Bu o‘g‘itlar tuproqning biologik faolligini saqlashga mo‘ljallangan bo‘lib, asosini quyidagi mikroorganizmlar tashkil etadi:

1)fosforbakterin;

2)azotogen;
3)nitragin va boshqalar.

FOSFOBAKTERIN — tuproqdagi organik fosfor birikmalarini parchalovchi bakteriyalar preparati. Bu mikroorganizmlar organik birikmalarni parchalab, ulardn fosfor kislota ajratadi va tuproqda o‘simliklar o‘zlashtirishi mumkin bo‘lgan fosforning miqdorini ko‘paytiradi. Bu preparat zavodlarda mikroorganizmlarni ko‘paytirib tayyorlanadi. Sifatli tayyorlangan preparatning har grammida kamida 200 mln. yashashga qobiliyatli bakteriyalar bo‘ladi. Bir gektar ekin maydoniga 250 g preparat solinadi.Uni ishlatish uchun suvga aralashtirib, ekishdan oldin urug‘larga purkaladi. NITRAGIN — tuganak bakteriyalar preparatidir. Bu bakteriyalar molekulyar azotni fiksatsiyalashda ishtirok etadi. U ham sun’iy oziqada bakteriyalarni ko‘paytirish yo‘li bilan tayyorlanadi. Preparatning bir grammida 100 mln.gacha bakteriya bo‘ladi. Preparat urug‘larga aralashtirib ekiladi. Neytral reaksiyaga ega bo‘lgan tuproqlarda yaxshi natija beradi. Bir gektar yerda bir yil davomida 300- 500 kg gacha azot to‘plashi mumkin.
MAXALLIY O‘G‘ITLAR. Maxalliy o‘g‘itlar ichida go‘ng asosiy o‘rinni egallaydi. Uning tarkibida o‘simlik uchun zarur hisoblangan azot, fosfor, kaliy, kalsiy, oltingugurt, magniy va barcha mikroelementlar ham bor. Go‘ng ekinlarga oziq bo‘lishidan tashqari, undagi organik moddalar tuproq tuzilmasini yaxshilab, unumdorligini oshiradi. Go‘ng solingan yerlarda tuproqning g‘ovakligi oshadi, suv o‘tkazuvchanligi yaxshilanadi, namni uzoq saqlab turadi. Tarkibida organik moddalari kam, og‘ir tuproqli yerlarda uning hajmini oshirishda, suv va xavo rejimi hamda mikrobiologik jarayonlarni yaxshilashda go‘ngning roli ayniqsa katta. Mexanik tarkibi engil tuproqlarda esa uning qovushoqlik xususiyati yaxshilanadi (E.T.SHayxov va boshqalar, 1990).
Go‘ng erga solingan mineral o‘g‘itlarning samaradorligini oshirishda ham muhim omil xisoblanadi. SHuning uchun mineral o‘g‘itlarni organik o‘g‘itlar bilan aralashtirib solish tavsiya qilinadi. Ayniqsa, u tuproqda sekin eriydigan fosforli o‘g‘itlarning eruvchanligini kuchaytirib, o‘simlik oson o‘zlashtiradigan xolga keltiradi. Go‘ng yerlarni kuzgi shudgorlash oldidan maxsus mashinalarda sochiladi. Bunda xar gektar erga o‘rta xisobda 20-25 t dan solish tavsiya qilinadi.