Olinishi. Sanoatda natriyning suyuqlantirilgan yuzlarini elektroliz qilib olinadi. Masalan, nartiy xlorid suyuqlanmasi tegishli ionlarga dissotsiatlanadi:
NaCl=Na+ + Cl-
Doimiy tok o‘tkazilganda bu suyuqlanmadagi nartiy ionlari katodga tortiladi va elektron qabul qilib, erkin holda ajraladi; xlor ionlari anodga tortiladi va elektron berib erkin xlor gazi holida ajralib chiqadi.
Na+ + ē = Na0; 2Cl- + 2ē = Cl02; Cl- +Cl- = Cl2
Fizik xossalari.Natriy — yumshoq, kumushrang metall. Uning zichligi 0,971g/cm³, suyuqlanish harorati 97,79 0C va qaynash harorati 883 0C ga teng. Tipik metallar kabi natriy ham elektr va issiqlik o‘tkazuvchanlikka, metall yaltirog‘ligiga, plastiklikka ega. Nartiy alangani o‘ziga xos rangga bo‘yaydi ya‘ni sariq rangga kiritadi. Bu xususiyatlardan ularning birikmalarini aniqlashda foydalaniladi.
