Ta`limiy mashg`ulotlar jarayonining maktabgacha yoshdagi bolalarning rivojlanishda ta`lim-tarbiyaning ahamiyati mundarija: kirish I bob. Maktabgacha ta`lim tashkilotida bola ta`lim-tarbiyasining asosiy omili sifatida

KURS ISHINING MAQSAD VA VAZIFALARI.
Ishda maktabgacha yoshdagi bolalarning sensor tarbiyasini rivojlantirishda har bir yosh bosqichida bola ma'lum ta'sirlarga eng sezgir bo'lib chiqadi. Shu munosabat bilan, har bir yosh bosqichi keyingi neyropsik rivojlanish va maktabgacha yoshdagi bolaning har tomonlama ta'limi uchun qulay bo'ladi. Bola qanchalik kichik bo'lsa, uning hayotida hissiy tajriba shunchalik muhim bo'ladi.
Sensor ta'lim - bu bolalarda maqsadli takomillashtirish, rivojlanish hissiy jarayonlar(sezgilar, hislar, g'oyalar). Bu mavzu bizning davrimizda eng dolzarb hisoblanadi.


USULLARI: Ishni yoritishda tavsiflash, tahlil qilish, dalillash, qiyoslash, zidlash kabi tahlil usullaridan samarali foydalanildi.
ISHNING AMALIY AHAMIYATI: Ushbu bitiruv malakaviy ishidan maktabgacha ta’lim muassasalari tarbiyachilari sensor tarbiyani dedaktik o’yinlar orqali mashg’ulotlarida, shuningdek, maktabgacha ta’lim muassasasiga qamrab olinmagan bolalarning ota-onalariga uyda farzandlarining sezgisi rivojlantirishda uslubiy qo’llanma vazifasini bajaradi.
ISHNING TUZILISHI: Ish Kirish, 2bob, xulosa va foydalanilgan adabiyotlar ro’yxatidan iborat. Ishning umumiy hajmi ……bet.
I BOB. MAKTABGACHA TA`LIM TASHKILOTIDA BOLA TA`LIM-TARBIYASINING ASOSIY OMILI SIFATIDA

1. 
   Maktabgacha ta`lim tashkiloti va maktab hamkorligi
   

Mamlakatimizda mustaqillik yo`lidagi ilk qadamlardanoq jamiyatning barcha sohalarini qamrab olgan siyosiy va iqtisodiy tub islohotlar amalga oshirila boshlandi. Ta`lim sohasida jumladan uning birinchi pog`onasi hisoblanmish maktabgacha ta`lim sohasida ham katta o`zgarishlar qilinmoqda.

Isloh etish jarayonida bolalarga ta`lim va tarbiya berish vazifalari, mazmuni, shakl va uslublari, shuningdek pedagogika fani taraqqiyotining ustivor yo`nalishlari qamrab olinmoqda.
Bugungi maktab bolasidan aniq bilimlargina emas, fikrlash ko`nikmasi, kattalar hamda sinfdosh o`rtoqlarini tushunish, ular bilan hamkorlik qilish talab etiladi. Shuning uchun bolaning maktabga qadam qo`yayotganida nechog`li bilimga ega ekanligi emas, balki uning yangi bilimlarni egallashga tayyorligi, atrof olamga moslashish ko`nikmasi, voqea-hodisani mustaqil ravishda tahlil etishi muhimroq hisoblanadi.
Bolani biror narsaga o`rgatishgina emas, unda o`z kuchiga ishonchni orttirish, o`z g`oyasini himoya qilish, mustaqil ravishda bir qarorga kelish ko`nikmasini shakllantirish ham muhimdir.
Bola maktabgacha ta`limni uyda ota-onaning mustaqil ravishda ta`lim-tarbiya berishi orqali yoki maktabgacha ta`lim tashkilotlarida, shuningdek, maktabgacha ta`lim tashkilotlariga jalb qilinmagan bolalar uchun maktabgacha ta`lim tashkilotlarida, maktablarda, mahallalarda tashkil etilgan maxsus guruhlar yoki markazlarda oladi.
Maktabgacha yoshdagi bolalarning maktab ta`limiga o`tishi hamisha uning hayoti, axloqi, qiziqish va munosabatlarida jiddiy o`zgarishlarni yuzaga chiqaradi. Shuning uchun maktabgacha yoshdagi bolalarni maktabgacha ta`lim tashkilotida yoki oilada maktab ta`limiga tayyorlash, uni murakkab bo`lmagan bilim, ko`nikma va malakalar bilan tanishtirish kerak bo`ladi. Bunday tanishtiruv moslashuv davrining jiddiy qiyinchiliklaridan xalos bo`lishga yordam beradi.
Shunga binoan, MTT bilan maktab o`rtasidagi bog`liqlik bir tomondan, bolalarni maktab ta`limi talablariga javob beradigan darajada umumiy rivojlantirib va odobli qilib tarbiyalagan holda maktabga o`tkazishni, ikkinchi tomondan, o`qituvchining katta maktabgacha yoshdagi bolalarning egallagan bilim, malaka sifatlariga va tajribalariga tayanib, ulardan o`quv-tarbiyaviy jarayonda samarali foydalanishni taqozo etadi.
MTT bilan maktab o`rtasidagi uzviy bog`liqlik katta maktabgacha yoshdagi bolalar va maktabning boshlang`ich sinf o`quvchilariga ta`lim-tarbiya berish sharoitini yakinlashtirishga yordam beradi. Shunday ish tutilganda bolalarning maktab sharoitiga moslashishi ancha yengillik bilan o`tadi. Bolalar maktab sharoitiga tabiiy moslashib ketadilar, bu esa o`z navbatida maktabda o`qishning birinchi kunidan boshlab ta`lim-tarbiya ishining samarasini oshiradi.
Zero, maktabgacha ta`lim tashkiloti xodimlari birinchi sinfda bolalar oldiga qo`yiladigan talablarni yaxshi bilishlari, maktabga tayyorlov guruhidagi bolalarni shunga muvofiq ravishda ta`lim olishga tayyorlashlari kerak.
Maktab bilan MTT o`rtasidagi uzviy aloqa murakkab va ko`p tomonlama tuzilishga ega. Unda ta`lim-tarbiyaviy ishlarning mazmuni, metod va usullari, tashkiliy shakllari, shuningdek bolalarni tarbiyalash shart-sharoitlari va pedagogik talab kabi yetakchi tomonlarini ajratib ko`rsatish mumkin. Bunda quyidagilarga alohida e`tibor berish kerak:
1. Maktab talabi nuqtai nazaridan bolalar bilimlarni chuqurroq egallab olishlari lozim.
2. MTT nuqtai nazaridan bolalarni maktab talabi darajasidagi bilim, malaka, kunikmalar bilan qurollantirish.
3. Bolalarning maktabga ruhiy tayyorligi. Bu yerda vazifa bolalar mehnatning har qanday turiga tayyor turishlari, ularda aqliy mehnat - bilishga qiziqishni o`stirishning kelajakdagi mustaqil faoliyatga tayyorlashdan iborat.
4. MTTda beriladigan ta`lim rivojlantiruvchi tarzda bo`lishi kerak.
5. MTT bilan maktab o`rtasida izchil aloqa o`rnatish.
Uzviylik MTT va maktabda shaxsni har tomon­lama shakllantirish bo`yicha olib boriladigan ta`lim-tarbiya ishini izchillik bilan amalga oshirish imkoniyatini yaratadi. MTT maktabgacha yoshdagi bolalarda boshlang`ich sinf ta`limi maqsad va vazifalariga mos keladigan sifat jihatdan yangi xususiyatlarni shakllantiradi.
Maktabgacha yoshdagi bolalar egallagan xulq-atvor shakllari, kattalar va tengdoshlari bilan bo`ladigan o`zaro munosabat shakllari, axloqiy xis-tuyg`u va tasavvurlar mak­tabning boshlang`ich sinflarida bolalarga yangi axloqiy xulq-atvor shakllarini ularning ongini, his-tuyg`ularini tarbiya­lash uchun manba bo`lib xizmat qiladi.
Maktab bolalarda axloqiy tasavvurlar va xulq atvorda birlik bo`lishini tarbiyalash, o`z xatti-harakati uchun shaxsiy javobgarlikni seza bilish, jamoachilik xislatlari, sifat jihatdan yangi bo`lgan xulk, atvor shakllarini tarkib toptirish uchun shart-sharoit yaratadi. Maktabda vatanparvarlik, baynalmilallik, o`z vatani oldidagi burchini chuqur anglash kabi his-tuyg`ular shakllanadi. Bunday yuksak hislar bolalar­ning MTTda ota-onalariga, oilasiga muhabbat, kattalarga hurmat, ona tabiatga mehr va shu kabi axloqiy xislari asosida shakllanadi.
Maktabda bolalarni estetik tomondan tarbiyalash bo`yicha izchil ish olib boriladi. Bolalar musiqa va ashula darslarida musiqa asbob-anjomlari bilan tanishadilar, ashula aytadilar, marsh sadolari ostida yuradilar, o`yinga tushadi san`at darsida esa o`qvchilar chizmachilik va rasm solishni, naqqoshlik rangtasvir, manzarali-amaliy san`at natyurmortni, portretni bir-biridan farqlashni o`rganadilar. O`qish darsida bolalar adabiy janrlar bilan tanishtiriladi. Amaliy mashg`ulotlarda ularning badiiy, ijodiy qobiliyatlari yanada rivojlantiriladi. Bolalarda mehnatsevarlikni tarbiyalash, mehnat axliga ijobiy munosabat, mehnat malaka va ko`nikmalarini shakllantirish ishlari ham maktabda o`rgatilib boriladi.
Maktab bilan MTT o`rtasidagi mehnat tarbiyasi bo`yicha uzviy bog`liqlik mehnat tarbiyasining mazmunini murakkablashtirishga, uni ijtimoiy foydali tomonga qaratishga, bolalarning mehnatdagi mustaqilligi, o`z-o`zini tashkil eta bilishga, axloqiy munosabatlarning ongli tus olishiga olib keladi. Mehnat faoliyati yanada tarkib topa boradi. Maktabdagi hamma o`quv-tarbiyaviy jarayonlar bola shaxsini har tomonlama shakllantirishni rivojlantirish bo`yicha izchillik asosida olib boriladi.
Maktab bilan MTT o`rtasidagi uzviy aloqa asosini MTT va maktabda amalga oshiriladigan ta`lim-tarbiya ishlari mazmunini belgilovchi dasturlar o`rtasidagi bog`liqlik tashkil etadi.
Hozirgi boshlang`ich sinflar dasturi bilan MTT dasturini olib solishtiradigan bo`lsak, ular o`rtasida bir qancha o`zaro bog`liqlarni ko`ramiz. Bu eng avvalo dasturlarda asos qilib olingan prinsiplarning umumiyligi bilan belgilanadi. Ularning mazmuni bolalarni har tomonlama tarbiyalash maqsad va vazifalariga mos kelish prinsipi, hayot bilan borliq, ilmiylik prinsiplari, ta`limning tarbiyalovchi va rivojlantiruvchi xususiyatga egaligi va falsafiy, ruhiy nuqtai nazarlarning birligida namoyon bo`ladi.
Birinchi sinf o`quv dasturi ayrim predmetlar bo`yicha MTT dasturi bilan solishtirilganda ularda umumiylik ko`pligini ko`ramiz. Masalan, MTTda ona tiliga o`rgatish va boshlang`ich sinflardagi ona tili darsiga bolalar nutqini har tomonlama rivojlantirish kabi umumiy g`oya asos qilib olinadi.
MTTda bu ish bolalarning lug`atini boyitish, tovushlarni to`g`ri talaffuz qilishga, ifodali o`qishga o`rga­tish, bog`langan nutqni shakllantirish orqali amalga oshiriladi. Maktabda esa bolalarda mana shu MTTda egallagan bilim, malaka, tushunchalarga asoslanib, yozma nutq malakasi, orfografik xat malakasi shakllantiriladi, ularga morfolo­giya va sintaksis elementlari o`rgatiladi. Shu bilan bir qatorda MTTda boshlangan bolalar lug`atini boyitish, nutqning ifodaliligi, bog`langan nutqni rivojlantirish davom ettiriladi.
MTTda ham, maktabda ham tabiatshunoslik to`g`risidagi bilimlar organizm bilan muhitning birligi to`g`risidagi umumiy g`oyaga asoslangan holda olib boriladi. Shu asosda bolalarga jonli va jonsiz tabiat, tabiat va kishilar o`rtasidagi bog`liqlik to`g`risida bilim va tushunchalar beriladi.
Bunda dasturlar mazmunida birlik o`rnatishda maktabgacha ta`lim yoshidagi bolalar bilan maktab yoshidagi bolalarning yoshlari, bilimlaridagi farq xususiyatlari e`tiborga olinishi kerak.
Maktabgacha ta`lim yoshidagi bolalar egallashlari lozim bo`lgan bilim va tushunchalar mazmunini tevarak-atrofdagi hayot to`g`risidagi tasavvurlar va ayrim oddiy tushunchalar tashkil etadi.
Bunday tasavvur va tushunchalarning bolalar tomonidan egallab olinishi, ya`ni bolalarda har xil soxalar bo`yicha o`zlashtirgan umumiy tasavvurlar sistemasi ularning kelajakda umumiy rivojlanishi uchun nixoyatda zarur bo`lib, busiz ular hozirgi zamon boshlang`ich sinf ta`limidagi kerakli bilimlarni egallay olmaydilar.
Maktabda esa o`quvchilarning bilimi yangi bosqichga ko`tariladi va kengayadi, shu bilan birga ular egallayotgan bilimlarini nazariy jihatdan anglay boshlaydilar, ilmiy tushunchalarni shakllantirish maktabda olib boriladigan ta`lim-tarbiyaviy ishning markaziga qo`yiladi. Maktabda bilimlar asosini egallash yanada aniqroq tusga kira boradi.
MTT bilan maktab o`rtasidagi izchillik ta`limning shakl va uslublarida ham o`z aksini topadi.
Ta`lim berish uslublaridagi izchillikning muhim sharti bolalarning bilim, malaka va ko`nikmalarni ongli egallab olishlariga erishish, bog`chada va maktabda ularning aqliy qobiliyatlarini va ijodiy faolliklarini o`stirishdir. MTTi va maktabning boshlang`ich sinfida qo`llaniladigan juda ko`p usullar bir xil bo`lib, ular bolalarning aqliy, axloqiy-irodaviy rivojlanishlarini yaxshilashga qaratilgan, shu bilan birga ularning yangi mazmundagi bilimlarni egallashga, amaliy faoliyatga, bilishga qiziqishini oshirib, o`qituvchi bilan dars jarayonida yuzaga keladigan munosabatlar­ning murakkabroq shakllarini egallab olishlarga yordam beradi.
Tarbiyachining mashrg`ulotlar jarayonida bolalarning amaliy faoliyatlariga, bilish jarayoniga bunday raxbarlik qilishi maktab va MTT o`rtasidagi ta`lim usulidagi izchillikning asosini tashkil etadi.
Maktabdagi dars, MTTdagi mashg`ulot bir muncha o`ziga xos xususiyatlarga ega, shu bilan birga ta`limning tashkiliy asosda olib borilishida esa umumiylik sezilib turadi. Mashg`ulot va darslarning mazmuni aniq dastur asosida olib borilishi, aniq belgilangan vaqt ajratilishi, pedagogning rahbarlik roli, ta`limning ilmiy asoslangan metod va usullaridan foydalanish, ta`lim berish jarayonida bola­larda o`quv faoliyati elementlari, o`z xulqini ixtiyoriy boshqarish qobiliyati, ma`lum maqsadga qaratilgan aqliy ish bilan shug`llanish qobiliyati tarbiyalab boriladi. Bular hammasi bolani maktab ta`limiga faol kirishib ketishga tayyorlaydi.
Maktab va maktabgacha ta`lim tashkiloti ishidagi izchillikni amaliy ro`yobga chiqarishning muhim shartlaridan biri tayyorlov guruh tarbiyachilari hamda 1-sinf o`qituvchilari o`rtasidagi hamkorlikni o`rnatishdir.
Bu aloqalarning ahamiyati keying yillarda Respublikamizda qabul qilingan ta`lim sohasidagi tub isloxatlarda o`z aksini topgan. Hozirgi davrning o`ziga xos xususiyati- maktabgacha ta`lim muassasi va maktab bilan ommaviy yaqinlashuvi, pedagoglar jamoasining samarali hamkorliklari hisoblanadi.
Hamkorlikning asosiy vazifasi bolalarni maktab ta`limiga tayorlashda yakdillikka erishish, bolani maktab ta`limiga tayorlashning yuqori darajasini taminlash bo`lib, bu keyinchalik maktabda muoffaqiyatli o`qishga olib keladi.
Hamkorlinning mazmuni hamda shakillari shu vazifalardan kelib chiqib aniqlanadi.
Bunda hamkorlikdagi uch asosiy jihat :

1. 
   Axborot innovatsion, pedagogik.
   
2. 
   Ilmiy uslubiy.
   
3. 
   Amaliy.
   

• 
  Birinchi jihatda - o`qituvchining tayyorlov guruh dastur talablarini chuqur bilishi, shu o`rinda tayyolov guruhi tarbiyachilarning ham 1-sinf dastur mazmuni bilan tanishishi, mashxulotg va dars jarayonida axborot, pedagogic va inter faol ussularidan foydalanish darajasi, bollarni har tomonlama tarbiyalashda birlikka erishish muhimdir.
  

Maktabgacha talim tashkiloti bilan maktab aloqasining asosiy shakllari;

1. 
   o`qituvchi va tarbiyachilarning izchilligi;
   
2. 
   pedagogik kengash, seminar va ochiq dars - mashg`ulotlarga qatnashishi;
   
3. 
   o`zaro fikr almashishi;
   
4. 
   ta`lim sohasidagi yangiliklarni ish jarayoniga maqsadli qollash.
   

II. Ilmiy - uslubiy jihatdan hamkorlikda:

• 
  ilg`or ish tajribalar bilan o`rtoqlashish;
  
• 
  1-sinfda o`tiladigan fanlar va mashg`ulotlar o`rtasidagi izchillikni ta`minlash;
  
• 
  ta`limni ilmiylik prinsipida tashkil etish;
  
• 
  ta`lim tarbiyaviy jarayonlarni uslubiy jihatdan ta`minlashga erishish.
  

III. Hamkorlikning amaliy jihati

• 
  1-sinf o`qituvchisining bo`lajak o`quvchilari bilan oldindan tanishuvi;
  
• 
  tarbiyachilarning 1-sinf o`quvchilarining dars jarayonidagi ishtiroki va nazorati;
  
• 
  mashg`ulot va mashg`ulotdan tashqari jarayonlarda bolalar faoliyatini kuzatish va suhbatlashish;
  
• 
  tarbiyachi tomondan har bir bola uchun tavsifnoma tayyorlash.
  

Hamkorlikning eng yaxshi tajribalari tuman, shahar va respublika anjumanlarida yoritiladi amaliyotga joriy etiladi.
Hamkorlikning muhim shartlari:

• 
  maktab va maktabgacha ta`lim tashkiloti aloqalarining davomiyligi;
  
• 
  hamkorlikdagi ishlarning rejaliligi muntazamliligi;
  
• 
  muammolarni yaxlit dinamik jihatdan hal etilishiga roya qilish.
  

Hamkorlikning asosini birgalikdagi ishning istiqbol rejasi tashkil etib, unda maqsad asosiy vazifalar aniq shakllantirilgan, turli yo`nalishlarga doir mazmun aniqlangan, ishning aniq shakli, muddatlari, bajarilishi uchun mas`ullar ko`rsatiladi. Bu esa amaliy hamkorlikning muaffaqiyatiga olib keladi.
Yuqoridagilardan kelib chiqib, hamkorlikdagi izchillikni ro`yobga chiqarishga doir har tamonlama mazmunli ishlarni yuqori darajasiga erishish bollalarni maktabda muaffaqiyatli o`qishlariga zamin xozirlaydi.

2.