Axborot muhofaza qilish yoki axborot himoyasi axborot xavfsizligi sohasi ma’lumot uzatish tarmog‘i mutaxassislari va g‘arazgo‘y kimsalar orasidagi qarama-qarshilikni ifodalaydi.
Axborot himoyasi zaif tuzilmali vazifa bo‘lib, uni quyidagicha tavsiflash mumkin:
samarali himoyani tuzishga ta’sir ko‘rsatuvchi omillarning ko‘pligi;
aniq dastlabki kirish ma’lumotlarining yo‘qligi;
dastlabki ma’lumotlar to‘plami bo‘yicha aniq optimal natijalarni olish imkonini beradigan matematik usullarning yo‘qligi.
Zaif tuzilmali vazifalarni yechishda tizimli yondashuv asos bo‘lib xizmat qiladi. Shu sababli axborot himoyasi masalasini hal etishda xizmat vazifasi axborot xavfsizligini ta’minlashga qaratilgan elementlar to‘plamidan iborat bo‘lgan axborot himoya tizimini hosil qilish lozim bo‘ladi. Har qanday tizimga kirish – bu tizim holatini o‘zgartiruvchi ta’sirlardir. Axborot himoya tizimi uchun kirish ham ichki, va tashqi tahdidlar hisoblanadi.
Axborot xavfsizligiga tahdid - axborot xavfsizligi buzilishiga olib kelishi mumkin bo‘lgan real yoki potensial xatarlarni ifodalovchi sharoit yoki omillar yig‘indisidir. Ana shunday xatarlarni amalga oshirish - hujum deyilib, ushbu vazifani bajaruvchi - g‘arazgo‘y kimsa deb ataladi.
Axborot xavfsizligiga tahdid - axborot xavfsizligi buzilishiga olib kelishi mumkin bo‘lgan real yoki potensial xatarlarni ifodalovchi sharoit yoki omillar yig‘indisidir. Ana shunday xatarlarni amalga oshirish - hujum deyilib, ushbu vazifani bajaruvchi - g‘arazgo‘y kimsa deb ataladi.
Axborot xavfsizligiga tahdid manbai– bu axborot xavfsizligiga bevosita tahdidni yuzaga keltirishga sabab bo‘luvchi sub’ekt (jismoniy shaxs, moddiy ob’ekt yoki fizik hodisa). Tashkilot ichidagi texnik vositalar, tashkilot xodimlari, g‘arazgo‘y kimsalar, axborot tizimidagi yondosh fizik hodisalar tahdid manbaibo‘lishi mumkin. Axborot himoya tizimining kattaliklariga quyidagilarni kiritish mumkin:
