“MATEMATIKA FANINI O’QITISHDA AKT DAN SAMARALI FOYDALANISH”
(Matematika fani o‘qituvchilari uchun)
ISHCHI OʻQUV DASTURI
Samarqand -2021 Ishchi oʻquv reja va dasturi markaz Ilmiy-metodik Kengashining 2021-yil __- _________ ___-sonli yigʻilish qarori bilan tasdiqlangan.
Tuzuvchilar:
T.Oqnazarov - Samarqand VXTXQTMOHM “Aniq va tabiiy fanlar metodikasi” kafedrasi o‘qituvchisi
Ishchi oʻquv reja va dasturi “Aniq va tabiiy fanlar metodikasi” kafedrasining 2021-yil ___ - ______________dagi 11-sonli yig‘ilish qarori bilan tasdiqlangan.
Kirish Ushbu tajribaviy o‘quv dasturi O‘zbekiston Respublikasi Prezidentining 2017-yil 7-fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi PF–4947-son va 2019-yil 29-apreldagi “O‘zbekiston Respublikasi Xalq ta’limi tizimini 2030-yilgacha rivojlantirish konsepsiyasini tasdiqlash to‘g‘risida”gi PF–5712-son Farmonlari, 2018-yil 5-sentabrdagi “Xalq ta’limi tizimiga boshqaruvning yangi tamoyillarini joriy etish chora-tadbirlari to‘g‘risida”gi PQ–3931-son Qarori, “Matematika sohasidagi ta’lim sifatini oshirish va ilmiy-tadqiqotlarni rivojlantirish chora-tadbirlari to‘g‘risida” 2020-yil 7-maydagi PQ–4708-son qarori, shuningdek, O‘zbekiston Respublikasi Xalq ta’limi vazirining “O‘zbekiston Respublikasi Prezidentining 2020-yil 7-maydagi PQ–4708-son qarori ijrosi to‘g‘risida”gi 2020-yil 20-may 123-son buyrug‘ida belgilangan ustuvor vazifalar mazmunidan kelib chiqqan holda ishlab chiqilgan bo‘lib, u zamonaviy talablar asosida matematika o‘qituvchilari malakasini oshirish jarayonlarining mazmunini takomillashtirish hamda ularning kasbiy kompetentligini oshirishni nazarda tutadi.
Shuningdek, dasturga matematika fani o‘qituvchilarining ta’lim-tarbiya jarayonining samaradorligini oshirish uchun zarur bo‘ladigan fanga oid bilim, ko‘nikma va malakalarni yangilash va ularni mustaqil amaliy faoliyatga yo‘naltirish maqsadida tanlov modullari ham kiritilgan.
Dastur doirasida berilayotgan mavzular xalq ta’limi tizimi pedagog kadrlarini qayta tayyorlash va malakasini oshirish mazmuni, sifati va ularning tayyorgarligi hamda kompetentligiga qo‘yiladigan yangilangan malaka talablari va o‘quv rejasi asosida shakllantirilgan bo‘lib, matematika fani o‘qituvchilarining zamonaviy ta’lim texnologiyalari va ilg‘or xorijiy tajribalardan foydalanish, axborot-kommunikatsiya texnologiyalarini o‘quv jarayoniga keng tatbiq etish darajasini oshirish hisobiga ularning kasb mahorati va o‘quv-uslubiy faoliyatini sifatli tashkil etish bo‘yicha kompetensiyalarini muntazam yuksaltirishni nazarda tutadi.
“Matematika fanini o’qitishda akt dan samarali foydalanish” kursining ishchi o‘quv dasturi halq ta’limi xodimlari va o‘qituvchilari malakasini oshirish kursining o‘quv dasturi asosida tuzilgan bo‘lib, bu kurs o‘qituvchilarining pedagogik faoliyatida axborot-kommunikasiya texnologiyalarini vositalaridan o‘quv jarayonida foydalanish, elektron multimediali resurslarini yaratish imkonini ochib beradi.
