Ilmiylik prinsipi bogʻchada oʻrganiladigan faktlarni ular fanda qanday yoritiladigan boʻlsa, shunga moslab yoritishni talab qiladi, ya'ni biz ilmiylik toʻgʻrisida gapirar ekanmiz, birinchi navbatda berilayotgan bilim mazmuni ilmiylik asosida tuzilgan boʻlishi kerak.
M: 2 + 2 = 4 ilmiy asosida. 2+2=5lar ham uchrab turadi, lekin bu ilmiy asosda emas.
M: 3=7
Isboti.
15-15 = 35-35
3*(5-5) =7*(5-5): (5-5)
3=7
Isbotdagi xatoni toping.Javob: 5-5 = 0, biz bilamizki nolga boʻlish mumkin emas.
Tarbiyaviylikprinsipi maktabgacha yoshdagi bolalarda matematik tassavvurlarni shakllantirishda fanga boʻlgan qiziqishni uygʻotish ya‘ni bilimlarni oʻzlashtirishga harakatini, ularni egallash va mustaqil kengaytira olishga oʻrgatishni oʻz ichiga oladi shu bilan birga ularda tafakkurni shakllantirish, matematik tushuncha va tasavvurlar bilan boyitish, xotira va diqqatni rivojlantirish, ijodiy tafakkurni tarbiyalash kabi ishlarni amalga oshirishni talab etadi. Bu prinsip maktabgacha yoshdagi bolalarda ziyraklik, topqirlik, aqllilik xislatlari bilan birga Vatanga muhabbatni hamda rostgoʻylik, mehnatsevarlik kabi insoniy fazilatlarni tarbiyalash ham matematika mashgʻulotlarida amalga oshirish imkoniyatlari mavjudligini ifodalaydi.
Nazariya va amaliyotning birlik prinsipi. Bu prinsip berilgan nazariy bilimlarning hayotga, amaliyotga bogʻlanishini butun choralar bilan kengaytira borishni talab qiladi. Matematika nazariyadan bevosita har-xil mashq va masalalarni yechishga oʻtish yoʻli bilan bu prinsip keng suratda amalga oshiriladi. Haqiqatdan ham yosh bolalarga har kuni koʻzi bilan koʻrib yurgan xonada, koʻchada, uydagi narsalar bilan bogʻlangan holda mashgʻulot oʻtish, ya'ni bilim berish lozim, chunki bu bolalarning tez tushunib olishiga, oʻzlashtirishiga yordam beradi.
Koʻrgazmalilikprinsipi. Bolalar tafakkurining aniqlikdan abstraktlikka qarab rivojlanish xususiyatlariga bogʻliqdir. Matematikani oʻqitishdan asosiy maqsad — mantiqiy tafakkurni rivojlantirishdan iboratdir; biroq matematikani oʻqitish aniq fakt va obrazlardan ajralmasligi, aksincha, har qanday masalani oʻrganishi shu aniq fakt va obrazlarni tekshirishdan boshlash kerak.
Koʻrgazmalilik oʻquv materialini oʻzlashtirishni osonlashtiradi va bilimning mustahkam boʻlishiga yordam beradi.
M: doira haqida gapirganimizda bolaning har biriga doirachalardan berib qoʻyib bolalar ikki qoʻllari orasida ushlab koʻrishlari kerak. Uning dumaloq ekanini, tekis ekanini qoʻl uchidagi bolaning hamma analizatorlari qatnashgan holda eslarida yaxshiroq qoladi.
