Telekommunikatsiya injiniringi” kafedrasi R. N. Radjapova keyingi avlodning konvergent tarmoqlari

9.6. Kommutatsiyaning taqsimlangan oxirgi stansiyasi sifatidagi Softswitch uskunasi
Softswitch uskunasi abonent kirish tarmog‘ini yoki oxirgi (foydalanuvchi) uskunasini ulash uchun ishlatilishi mumkin. Qoidaga ko‘ra, analog telefonlarni, ISDN-telefonlarni, SIP/H.323-telefonlarni ulash imkoniyatini taminlanadi. Ko‘pgina ishlab chiqaruvchilarning Softswitch uskunasi V5 interfeysi bo‘yicha ulanishni ta’minlashga yo‘l beradi.
Chaqiruvni boshqarish bo‘yicha funksiyalar –signal axborotini qabul qilish va ishlov berish, to‘lovlarni hisobni olib borish, statistikani yig‘ish — shlyuzlarni boshqarish kontrolleri tomonidan ta’minlanadi. Foydalanuvchilar ulanishi kommutatsiyasi bo‘yicha funksiyalar kirish shlyuzlari tomonidan yoki SIP/H.323-telefonlar bo‘lgan holda IP-konsentratorlar tomonidan ta’minlanadi.
Mahalliy tarmoq oxirgi kommutatsiya stansiyalari optik kirish tarmog‘i bilan almashtirilishi mumkin, bu IP bazasida xizmatlarni rivojlantirish imkoniyatini beradi.
Softswitch uskunasi bazasida taqsimlangan oxirgi stansiyani va paketlar kommutatsiyasi texnologiyasini tashkil qilishning asosiy afzalliklariga quyidagilarni kiritsa bo‘ladi:
-  berilayotgan qo‘shimcha aloqa xizmatlarining ro‘yxatini kengaytirish, jumladan IP-Centrex, Parlay shlyuzlari va/yoki ilovalar serveri bazasida amalga oshirilgan konvergatsiya qilingan aloqa xizmatlarini berish imkoniyati hisobiga;
-  uskunani chiqarishni yaratish imkoniyati, ular faqatgina abonent liniyalarini konsentratsiyasini, balki Internetga yuqori tezlikli kirishni ham va Parlay shlyuzlari va/yoki ilovalar serveri bazasida amalga oshirilgan har xil qo‘shimcha va intellektual aloqa xizmatlarini berishni ham ta’minlaydi;
-  ishbilarmon sektor foydalanuvchilariga VoIP yoki VoATM texnologiyalaridan foydalangan holda ovozli axborotni uzatish xizmatlarini berish imkoniyati. Bu texnologiyalar korporativ tarmoqlarni tashkil qilishda ishlatilishi mumkin va shlyuzlarda nutqni kompressiya algoritmlarini amalga oshirish hisobiga talab qilingan o‘tkazish polosasini ishlatilayotgan kodek turidan bog‘liq ravishda 1,5-4 marta kamaytirishga yo‘l beradi;
-  ishbilarmon sektor foydalanuvchilariga VPN xizmatlarini berish imkoniyati;
-  o‘zarohamkorlik qilayotgan operatorlar telefon tarmoqlarini birlashtirish uchun, qo‘shimcha shlyuzlar o‘rnatish yo‘li bilan, birlashtirish nuqtalarning kerak bo‘lgan miqdorgacha ko‘paytirish;
-  egiluvchan tarif siyosatini amalga oshirishni soddalashtirish.  Softswitch uskunasi ulashni o‘rnatish/uzish markazlashtirilgan boshqarishga asoslanganligi sababli, bitta nuqtadan, Softswitch uskunasi bazasida qurilgan tarmoqning hamma abonentlariga nisbatan egiluvchan tarif rejalarini qo‘llashni ta’minlash imkoniyati mavjud.