3.2.4.xWDM texnologiyalari Turli to‘lqin uzunligi bo‘yicha multipleksorlash texnologiyalarining tanlovi turli mavjud magistral texnologiyalari SDH, ATM, Gigabit Ethernet va boshqalarning trafigini uzoq masofaga va yuqori darajadagi ishonchlilik bilan uzatishni ta’minlovchi universal transport muhitini qurish zaruriyati bo‘lganda asoslidir. Qoidaga muvofiq xWDM tarmoqlari trafikning sezilarli oshishida SDH/ATM tarmoqlarining mantiqiy rivojlanishi hisoblanadi.
xWDM texnologiyalarining rivojlanishini to‘htatib turgan asosiy kamchiligi, dastlabki bosqichda qurilmalarning narxini qimmatligidir. Ko‘pgina mamlakatlarda xWDM magistrallariga talab uncha katta emas. Bu asosan shaharda yirik operatorlar soni ko‘pligi, xozirgi kunda shahar tarmoqlarida xWDM magistralida qo‘llaniladigan yirik invistitsiyalarning tayyor emasligi bilan bog‘liq.
3.2.5. POS texnologiyasi ATM/SDH tarmoqlarida IP trafikni uzatishda foydali axborot SDH tarmog‘ining o‘tkazish qobiliyatining 80% dan kam qismini ishlatadi. Bu muammoni echishda bevosita foydali ma’lumotning SDH ning har bir kadrida aks etishini ta’minlovchi POS (Packet Over SDH) texnologiyasi ishlatiladi.(bunda 155Mbit/s tezlikda o‘tkazish qobiliyati 149,76Mbit/s ga teng). Bu texnologiyaning ishlatilishi ATM bilan solishtirganda tarmoq infrastrukturasini sezilarli darajada soddalashtiradi va shu bilan birga uning narxini tushiradi va uzatish qobiliyati samaradorligini oshiradi.
O‘zbekistonda POS texnologiyasi hali keng tarqalmagan, bundan tashqari POS interfeysli qurilmalar hanuzgacha qimmat.
Mavjud transport tarmoqlarining xususiyatlari 3.2-jadvalda keltirilgan.
