Termiz davlat universiteti tojik filologiyasi va sharq tillari kafedrasi

Ko’plik qo’shimchalarining imlosi.

Agar ان on qo‘shiladigan so‘z o, u, i cho‘ziq unlilari bilan tugasa, qo‘shimchadan oldin bir ی – yo orttirilib  یان yon shaklida qo‘shiladi. دانشجویان doneshjuyon – talabalar, آشنایان oshnoyon – tanishlar, ایرانیان ironiyon – eronliklar.

Qisqa – ه e unlisi bilan tugagan bo‘lsa bir گ g orttiriladi. نویسندگان nevisandegon – yozuvchilar, تشنگان teshnegon – tashnalar.

U tovushi bilan tugagan ba’zi so‘zlarga on qo‘shimchasi qo‘shilganda, u tovushi uv kabi talaffuz qilinadi. ابروان abruvon – qoshlar, بانوان bonuvon – xonimlar.

Hozirgi zamon fors tilidaان - on qo‘shimchasi kam qo‘llaniladi. آقایان og‘ayun – janoblar, دیگرون digarun – boshqalar. Bundan tashqari آدم odam – odam, انسان enson – inson, خانم xoho’m – xonim, عمو amu – amaki, دایی doi – tog‘a, عمه ame –amma, خاله xole – xola, بابا bobo – ota, مامان momon – ona, بچه bachche – bola, رفیق rafiq – o’rtoq so‘zlariga ho qo‘shimchasi qo‘shiladi.