Tərtib edən: Səid Mirzai Giriş İkinci Qüds Günündən bir xatirə

Sionistlərin riyakar sülh çağırışları

İran xalqı 25 ildir İsrail əleyhinə şüar verir. İran xalqı dəfələrlə deyib ki, sionistlərin riyakar sülh çağırışlarına güvənməyin. Bu gün bütün ərəb və İslam dünyası faciəli Fələstin səhnəsini görürlər. Bu gün işğalçı sionist dövlətinin başçıları ərəb ölkələri və Fələstin tərəfləri ilə razılaşdıqları bütün qərar və müqavilələri ayaq altında tapdamışlar. Onlar heç kimə, heç bir beynəlxalq öhdəliyə etina etmirlər. Digər xalqlar İran xalqının sözünün doğruluğunu anlayırlar.⁸⁰

Sülh istəməkdə İsrailin yalançılığı

Fələstinlilərdən kim ayağını müqavimət yolundan kənara qoydusa, ziyanını gördü. İsrail sülh məsələsində səmimi deyil. Əgər səmimi olsa belə, qələt edir və buna haqqı çatmır. Amma səmimi də deyil. Müzakirəyə qoşulanlar düşmənin zorla yeritdiklərini qəbul etməyə məcbur oldular. Əgər ayaqlarını düşmənin dediyi yoldan azca kənara qoydularsa, ya sıradan çıxdılar, ya təhqir olundular. Siz hər ikisinin nümunələrini gördünüz; bəzilərini ixtisara saldılar, bəzilərini də təhqir edib azdırdılar. Qüdsün, Fələstinin, Fələstin probleminin həlli yalnız mübarizədədir. Natiqlər bunu dedilər. Mən sevinirəm ki, sizin bu məsələdə yekdil olduğunuzu görürəm. Bu yolu qəbul etməyənlər bilərəkdən, yaxud bilmədən Fələstin məsələsinə zərbə vururlar. Əgər bilərəkdən olsa, xəyanətdir, bilmədən olsa, cəhalət və qəflət. Amma hər iki halda, Fələstin məsələsinə zərbədir. Fələstinin müqavimətdən başqa çıxış yolu yoxdur. Bunu deməli və istəməlidirlər. İslam dövlətləri də bunu deməlidirlər.⁸¹

Aldadıcı sülh hiyləsi və İsrailin yalançılığı

Bu gün sionistlər və onların himayədarları hiyləgərliklə gözəl sülh adından istifadə edirlər. Bu sözlər nədir?! Bəli, sülh yaxşı bir şeydir, amma hansı sülh?! Bir nəfər sizin evinizə daxil olub, zorla qapını sındırıb, sizi döyüb, ailənizə və övladlarınıza hörmətsizlik edib, üç otağınızdan ikisinin hamısını, birinin də yarısını tutub oturub, sonra deyir ki, siz nə üçün ona-buna şikayət edir, daim dava-dalaş salırsınız, gəlin sülh edək. Bu, sülhdür?! Sülh odur ki, birinci, evdən çıxın, əgər bundan sonra aramızda müharibə olsa, o zaman gəlib barışdırarlar. Siz bizim evimizdə oturmusunuz. Siz burada bu qədər cinayət törətmisiniz. İndinin özündə də imkanınız olsa, yenə törədərsiniz. İndinin özündə sionizm rejimi təxminən hər gün Livanın cənubuna hücum edir; mübarizlərinə yox, Livanın cənubundakı kəndlərə, məktəblərə. Bir neçə gün öncə Livanın cənubunda bir məktəbə hücum edib bir dəstə kiçik uşağı öldürdü. Bunlar ki təcavüz etməmişdilər. Bunlar ki əllərinə silah götürməmişdirlər. Xislət təcavüzkardır. Sionistlərin Livana daxil olduqları, Deyr-Yasində və digər yerlərdə bəlli qətliamları törətdikləri gün heç kim onlara bir şey etməmişdi. Ən azı, o camaat bir iş görməmişdi. Düzdür, bir dəstə qeyrətli gənc onlarla vuruşurdu. Onda da deyirdilər ki, nə üçün bizim evimizə daxil olub bu işləri görürsünüz. Amma zülmə məruz qalan, tarla və kəndlərindən qətliamla ixrac olunan camaat bir iş görməmişdi. Bu rejimin xisləti təcavüzkardır. Sionizm rejimi ümumiyyətlə, hegemonluq, qəddarlıq üzərində qurulmuşdur və belə də davam edir. Bunsuz inkişafı olmazdı və bundan sonra da olmayacaq. Deyirsiniz ki, bu rejimlə sülh edin. Nə sülhü?! Əgər onlar öz haqlarına qane olsalar - yəni Fələstin evini ev sahiblərinə tapşırıb öz işlərinin ardınca getsələr, yaxud Fələstin dövlətindən icazə alıb desələr ki, icazə verin bizim bir qədərimiz, yaxud hamımız bu ölkədə qalaq, heç kim onlarla müharibə etməz. Müharibə odur ki, onlar işğalla və zorakılıqla digərlərinin evinə daxil olmuşlar, onları evdən qovmuşlar, indi də onlara zülm edirlər. İndi də regionun bütün ölkələrinə zülm edirlər və hamı üçün təhlükədirlər. Odur ki, bunlar sülhü də sonrakı təcavüzə hazırlıq məqsədilə istəyirlər. Əgər sülh bərqərar olunsa, sonra başqa şəkildə təcavüz etmələri üçün bir hazırlıq olacaq.⁸²

Hegemonizmin üsyankar ruhunu cilovlamaq

Bu gün hegemonizmin üsyankar və azğın ruhunu cilovlaya bilən yeganə amil var və o da xalqların oyanışı, iradəsidir. Xalq ayıq olduqda öz hüququnu tanıyır, düşməni tanıyır, onun məqsədini bilir və qarşısında dayanmağa qərar verir. Bu zaman hegemonizmin və ABŞ-ın atları və bütün hərbi texnikaları axsayır, daha bir iş görə bilmirlər. Bu, İslam inqilabının əvvəldən israr etdiyi məsələdir. İslam quruluşu da bu möhkəm təməl üzərində qurulmuşdur. Bunun üçün siz gənclər öz qədrinizi bilməlisiniz. Dövlət məmurları bu aktiv, mömin və iradəli gənclərin qədrini bilməlidirlər. Təlim və tərbiyə məmurları, ali təhsil işinin və universitetlərin məsul işçiləri bu mömin, əzmkar və iradəli gənclərə dəyər verməlidirlər. Milli şərəfə, istiqlaliyyətə və özünün uca dini dəyərlərinə önəm verən şəxslər düşmənin varlığını və hücumunu bəyənmir, müdaxiləsini rədd edirlər.⁸³

Sionizmin uğursuzluğu

Fələstin xalqı öz vəzifəsini bir cəsarətli və qeyrətli xalqın haqlı olduğu kimi və layiqli şəkildə yerinə yetirmiş, möhkəm dayanmışdır. Hamımız bilməliyik ki, işğalçı və zalım sionizm dövləti bu ana qədər öz əməliyyatlarında məğlubiyyətə uğramış, heç bir müvəffəqiyyət əldə etməmiş və fələstinlilərin iradəsinə məğlub olmuşdur. Bu əməliyyatda məqsəd Beytülmüqəddəs intifazəsini yatırtmaq idi; yəni fələstinlilər əllərini qaldırıb təslim olsunlar, Fələstin xalqının azadlıq və qeyrət duyğuları sınsın. Lakin nəticə bunun tam əksidir. Bu gün Fələstin xalqının əzmkarlığı, qərarı və Fələstin məsələsi barədə düzgün dərki intifazədən qabaqkı zamandan artıqdır. Bu gün bu işğalçı rejimin və onun şəriki olan ABŞ-ın Fələstin xalqına qarşı düşmənliyi, xəbisliyi və vəhşiliyi Fələstin xalqına aydınlaşmışdır.

Bir xalq igidliklə ölməkdən başqa çıxış yolunun olmadığını görmək həddinə çatdıqda onun qarşısında heç bir güc tab gətirə bilməz; nə sionistlərin gücü - tank, top, texnika, nə də onların himayədarı olan ABŞ-ın siyasi və maliyyə gücü. Onların Fələstin xalqını müzakirə stolu arxasında oturmağa həvəsləndirdiyi dövr bitdi. Bəlli oldu ki, müzakirə stolu arxasında oturub düşmənlə söhbət etməyin heç bir faydası yoxdur. Bu gün Fələstin xalqı çıxış yolunu tapmışdır və öz işini görür. Fələstinli analar, gənclər, yeniyetmələr, qadın və kişilər səhnədədirlər.

Mühüm olan budur ki, İslam dünyası öz vəzifəsinə əməl etsin. İslam dünyası xalq və hökumətlərdən ibarətdir. Hökumətlər özləri üçün bəzi problemlər fərz edə bilərlər, lakin xalqların bu problemləri yoxdur. Alimlərin, ziyalıların, siyasətçilərin və digər aparıcı şəxslərin bu problemləri yoxdur. Onlar hərəkət etməlidirlər. Bu hərəkət onların hökumətlərinə də kömək edəcək. Əgər bu gün müsəlman, xüsusən də ərəb xalqlar ölkələri daxilində Fələstin xalqını müdafiə etməyə dair öz əzmkarlıqlarını və iradələrini aşkar və davamlı şəkildə göstərsələr, hökumətləri üçün də yaxşıdır. Çünki hökumətlər diplomatik səhnədə düşmənə təzyiq göstərmək üçün bu vasitədən istifadə edə bilərlər.⁸⁴

Sionistlərin təbliğat üsulu: özünü məzlum göstərmək

Sionistlər əvvəldən informasiya və təbliğat vasitələrindən istifadə etdilər. Onların siyasətlərindən biri dünya mediasını ələ keçirmək idi. Onlar əvvəldən bir təbliğat fəndi seçdilər. Bu, çox əhəmiyyətli və həlledici idi, bu günə qədər təsirli olmuşdur. Bu təbliğat fəndi özlərini məzlum göstərməkdən ibarətdir. Bundan ötrü çoxlu əfsanələr quraşdırıldı, xəbərlər düzəldildi, dayanmadan səylər göstərildi. Bu gün qəddarlığın zirvəsində ola-ola həmin təbliğat yenə də davam edir. Yenə də ən mühüm təbliğat işləri özlərini məzlum göstərməkdir. Onlar yəhudilərin psixoloji sarsıntı məsələsini ortaya atıb dedilər ki, yəhudilər uzun əsrlər boyu təzyiq altında olublar, psixoloji sarsıntı keçiriblər və psixoloji dincliyə ehtiyacları var. Sionistlər Qərb ölkələrinin başçıları ilə və sonralar İslam və ərəb ölkələri ilə müzakirələrində psixoloji dinclik məsələsini irəli sürüb dedilər ki, bizim buna ehtiyacımız var və bu təmin olunmalıdır. Bu nə deməkdir? Bunun heç bir konkret mənası və heç bir sonu yoxdur. Hər hansı bir addımı atmaq lazım olduqda, onların xeyrinə olmasa, psixoloji dinclik bəhanəsi ilə mane ola bilirlər. Dünyada bir çoxlarını qane etdilər ki, psixoloji dincliyə ehtiyacları var və bu təmin olunmalıdır.

İsrailin psixoloji dinclik ehtiyacını təmin etmək torpaqlara göz yummaqdan daha çətindir. Siz torpağı əldən verdikdə nəyi əldən verdiyinizi bilirsiniz. Lakin İsrailin psixoloji dincliyə dair ehtiyacını təmin etmək istəsəniz, haraya qədər təslim olmalı və nə qədər güzəştə getməli olduğunuzu bilmirsiniz. Bunun sonu yoxdur, daim güzəştə getmək lazımdır. Bu sahədə Avropanın təcrübəsi ibrətamizdir. Almaniya yəhudilərə 150 milyard mark kompensasiya ödədi, amma onların bu ölkədən təzminat tələbləri hələ bitməmişdir, yenə də istəyirlər. Yəhudilərin Almaniyaya qarşı gördükləri iş az-çox digər Avropa ölkələrinə – misal üçün, Avstriya, İsveçrə, Fransa, hətta bir neçə il öncəyə qədər Vatikana qarşı da görüldü. Hamı təzminat verməlidir. Bu təzminat bitəsi deyil.

Psixoloji cəhətdən israillilərin çox əhəmiyyətli fəaliyyətləri vardır. Qərbin bütün siyasətçiləri, jurnalistləri, ziyalıları, məmurları və görkəmli şəxsləri insan yandıran sobanın xatirə büstü önündə baş əyməlidirlər. Yəni doğruluğu bəlli olmayan bir hadisəni hamı təsdiqləməli, özünü o hadisəyə borclu bilməlidir. Bunlar təbliğatda işlətdikləri üsullardır və hamısı özlərini məzlum göstərməyə hesablanmışdır.

Əlbəttə, Tövratda qeyd olunmuş bəzi dastanlara görə, bura İsrail övladlarına bağışlanmış torpaqlardır. Onlar dünyanın digər bir hissəsində yaşayan bir çox məsihiləri də bu məsələdə özləri ilə həmfikir etmişlər. Mən bir statistikada gördüm ki, bəzi ölkələrdə, əsasən də ABŞ-da həmin təbliğatla milyonlarla qeyri-yəhudi sionist yetişdirə bilmişlər. Onlar illərdir bu təbliğatı aparırlar. Bu gün də həmin təbliğat dünyada bacardıqları qədər davam etdirilir. Bu gün dünyada sionist media şəbəkələri İsrailin davamlı və gündəlik təcavüzlərini ötəri şəkildə göstərir. Əgər bacarsaydılar, bunu da göstərməzdilər. Onların media maraqları bunu tələb edir; amma çox ötəri, yarımçıq və senzura ilə. Lakin varlıqlarını, şərəflərini, vətənlərini və torpaqlarını müdafiə edən fələstinlilərin əməliyyatlarını elə əks etdirirlər ki, sanki İsrail məzlumdur. Həqiqi məzlum olan Fələstin xalqını terrorçu və cinayətkar kimi təqdim edirlər, qaniçən və cinayətkar işğalçını isə məzlum göstərirlər. Bu gün dünya mediası bu işi görür. Siyasətçilər də öz sözlərində bunları təkrarlayırlar.⁸⁵
İslam dövlətləri ilə münasibət strategiyası

Bir tərəfdə Qərbin və sionizmin, digər tərəfdə isə yeni ərəb dövlətlərinin durduğu bu qarşıdurmada İslam düşmənləri müxtəlif və mürəkkəb vasitələrdən istifadə etdilər. Onlardan biri də təbliğat vasitələri və beynəlxalq təşkilatlar idi. Onlar bir tərəfdən müsəlmanları səbirli, təmkinli olmağa, sülh danışıqlarına və barışığa dəvət edir, digər tərəfdən də İsraili silahlandırırdılar. Onların müsəlman ölkələri ilə İsrail arasında ikili münasibətinin strateji məqsədi İsrailin müsəlman ölkələrindən hərbi üstünlüyünü daim qorumaq, beynəlxalq təşkilatlarda o rejimi müdafiə etmək, öz nüfuzları altında olan media qurumlarının köməyilə İsrailin cinayətlərini ört-basdır etmək və müsəlmanlar arasında təbliğat apararaq hamını İsrailin məğlubedilməz olduğuna inandırmaq idi.⁸⁶

İsrailin hərbi tilsimini qırmaq

İsrail rejimi Birləşmiş Millətlər Təşkilatı tərəfindən rəsmən tanındığı zamandan - yəni yarım əsrdən artıq öncədən ötən ilə qədər yekəxanalıq edirdi. Heç bir şey və heç kim onun qarşısını ala bilmirdi. Lakin imanla silahlanmış bir neçə min silahlı gəncdən ibarət Livan İslam Müqaviməti bu rejimin və onun himayədarlarının yuxusunu pərişan etdi. Bu əziz gənclər heç bir imtiyaz vermədən işğalçı rejimi rəzil halda Livanın cənubundan xaric etdilər. Bu əzizlərin qələbəsi digər müsəlman mübarizlərin yoluna işıq saçdı və bu gün Livan İslam Müqaviməti tipindən olan irimiqyaslı Əqsa məscidi intifazəsinin şahidiyik.⁸⁷

İsrailin məqsədi - bütün İslam dünyasına hakim olmaq

Bu gün artıq tam aydın olmuşdur ki, Fələstin məsələsinin bir dövrə və İslam dünyasının kiçik və məhdud bir hissəsinə aid olduğunu güman edənlər çox səhv etmişlər. Sionizm rejiminin topxanlarında saxlanılan nüvə və kütləvi qırğın silahlarının nəhəng ehtiyatları müdafiəsiz Fələstin xalqı ilə vuruşmaq üçün deyil, İslam dünyasına, xüsusən də Orta Şərq regionuna hökmranlığı bərqərar etmək üçündür. Hizbullahın işğal olunmuş torpaqların azadlığı üçün çalışması və İsrailin əvəz çıxmaq üçün Suriya qüvvələrinə hücum etməsi İsrailin və onun qərbli himayədarlarının belə şeytan niyyətinin bariz əlamətidir.⁸⁸

İsrail rejiminin daxildən çürüməsi

Möhtərəm tədbir iştirakçıları! Əmin olun ki, İsrail rejimi daxildən çürümüşdür və indiki nəsli onu qorumaq üçün fədakarlığa əsla hazır deyil.

Allaha şükür olsun ki, ərəb və müsəlman xalqlar bu gün son 50 ildən daha artıq güclənmişlər. Onlar müxtəlif sahələrdə qüdrətli olmuşlar.

Müsəlmanlar daha Fələstin xalqının gündəlik boğulmasına tamaşa edib sakit otura bilməzlər. İsraili başa salmalısınız ki, Fələstin xalqının və fələstinlilər yaşayan bölgələrin əzilməsi bütün ərəblərin və müsəlmanların kəskin, ciddi və əməli reaksiyası ilə qarşılaşacaq.⁸⁹

Fələstin məsələsinin İsrail üçün qlobal əhəmiyyəti

İşğalçı, yalançı və qondarma dövlət üçün Fələstin məsələsi daxili bir məsələ deyil, qlobal və əsaslı bir məsələdir. Yeni fələstinli nəsil isə həqiqəti dərk etmişdir. Hansı həqiqəti? Bu həqiqəti ki, məruz qaldığı bu zəbunluğa, xarlığa, təhqirə qalib gəlməyin yolu yalnız mübarizədir, müzakirə stolu arxasında oturmaq deyil.⁹⁰

İsrailin bütün regiona təhlükəsi

İsrail məsələsi təkcə öz xalqına yox, bütün regiona təhlükədir. Çünki onların atom silahı var və yenə də istehsal edirlər. Birləşmiş Millətlər Təşkilatı da bir neçə dəfə xəbərdarlıq edib, lakin məhəl qoymurlar. Əlbəttə, əsas səbəbi ABŞ-ın himayəsidir. Yəni sionistlərin və işğalçı dövlətin cinayətlərinin günahı böyük həddə ABŞ rejiminin boynuna düşür.⁹¹

İsrailin bütün region üçün iqtisadi təhlükəsi

İsrail iqtisadi baxımdan da region üçün təhlükəlidir. Bir müddətdir Fələstinə hakim olan sionistlər Yeni Orta Şərq adlı bir nəzəriyyə irəli sürüblər. Yeni Orta Şərq nə demədir? Yən İsrailin mərkəz olduğu Orta Şərq formalaşsın, İsrail tədricən ərəb və region ölkələrinə və Fars körfəzindəki neft zonalarına iqtisadi hökmranlığı ələ keçirsin. İsraillilərin məqsədi budur. Bəzi dövlətlər xəbərsizdirlər. Onlara etiraz edəndə deyirlər ki, biz əlaqə qurmamışıq, tacirlərinə icazə vermişik ki, gəlsinlər. Təsadüfən, onlar da bunu istəyirlər. Onlar istəyirlər ki, İsrail Amerikanın himayəsi və öz təhlükəli silahlarının köməyi ilə bəzi dövlətlərin nadanlığından və zəifliyindən istifadə edib ölkələrə soxulsunlar, iqtisadi mərkəzləri və maliyyə mənbələrini ələ keçirsinlər. Bu, region üçün çox böyük təhlükədir. Ən böyük təhlükə budur. Allah o günü göstərməsin və göstərməyəcək. Müsəlman xalqlar belə bir işin baş tutmasına imkan verməyəcəklər. Amma onların planı budur; iqtisadi yollarla bu ölkələrdə bütün güc mərkəzlərini ələ keçirmək istəyirlər. Buna əsasən, bu gün İsrailin varlığı İslam baxımından, humanitar, iqtisadi, təhlükəsizlik və siyasi baxımdan region xalqları üçün böyük bir təhlükədir.⁹²

Düşmənlərin hiyləsi: müsəlmanların birlik amilini ixtilaf amilinə çevirmək

Bu gün İslam dünyasının ən böyük problemlərindən biri budur ki, İslam düşmənləri müsəlmanların birlik amilini - yəni düşmənin, işğalçı sionistlərin varlığını onların ixtilaf amilinə çevirmişlər. Elə ediblər ki, bəzi müsəlman hökumətləri bunu öz qardaşlarının qarşısında dayanmaq və həqiqətən, ixtilaf salmaq üçün vasitə edirlər. Halbuki İslam dünyasının ortasında belə bir düşmənin olması müsəlmanları bir-birinə yaxınlaşdırmalı, vahid cəbhə və vahid əl yaratmalıdır. Bu vəziyyət isə hegemonizmin müdaxilə və təxribatlarına görədir.⁹³

Sionistlərlə yəhudilərin fərqi

Əsil-nəsəbsiz, qondarma və yalançı dövlət! Dünyanın hər tərəfindən quldurları toplayıb İsrail adlı bir amalqama düzəltmişlər.

Bu xalqdır?! Harada quldur və xəbis yəhudilər vardısa, oraya toplaşdılar. Əksər ölkələrdə yəhudilər var və yaşayırlar. Bizim ölkəmizdə də var, heç kimlə işləri yoxdur, heç kimin də onlarla işi yoxdur; ölkələridir və yaşayırlar. İşğal olunmuş torpaqlara gedənlər isə dünyanın hər yerindən toplanmış xəbislər, quldurlar, tamahkarlar, oğrular və qatillər idilər. Bu, xalqdır?!

Bu şəkildə yaranmış və adını İsrail qoymuş bir dövlətin və xalqın terrordan başqa bir yolu, məntiqli sözü yoxdur. Bu əskik, alçaq və çirkin varlıqlar İran kimi nurlu, başıuca və əziz xalqı və dövləti dünyanın ictimai rəyi qarşısında ittiham etmək istəyirlər. Onların özü hamıdan günahkar, cinayətkar və təqsirkardırlar.⁹⁴

İslam dünyasının bu günü və gələcəyinə ən böyük təhlükə

İşğalçı sionizm dövləti İslam dünyasının bu günü və gələcəyi üçün ən böyük təhlükədir. Müsəlmanlar bu təhlükəyə əlac qılmalı, bu böyük zülmü aradan qaldırmaq üçün çarə düşünməlidirlər.⁹⁵

İsrailin dünya hadisələrindən sui-istifadə etməsi

Siz öz işinizi bir təcavüzlə başlatdınız, maraqlarınız ABŞ-ın maraqları ilə toqquşdu və ikiniz⁹⁶ bir-birinizin canına düşdünüz. Nəticədə isə İraq xalqı və region əhalisi əziyyət çəkir. Bu hərəkətdən kim istifadə edir? Xəbis İsrail.

O torpağa bir neçə raket düşdü⁹⁷ və onlar raketin ləzzətini bir qədər daddılar, məzlum fələstinlilərin necə zülm altında olduğunu anladılar. Bu, İsrailin sui-istifadə etməsinə, öz ekspansionist məqsədlərini daha artıq izləməsinə və Fars körfəzindəki bu müharibə fonunda işğal olunmuş Fələstin torpaqlarına sarı mühacirət seli yaratmasına bais oldu. İraq rejiminin gördüyü iş şübhəsiz, İslam düşmənlərinin və İsrailin xeyrinə, İraqın və regionun müsəlman xalqlarının zərərinədir. Mənfəət üstündə iki nəfər bir-biri ilə vuruşduqda bir dəstə günahsız adam tapdanacaq, əziləcək.⁹⁸

Regionda ictimai rəy bir məsələyə yönələn kimi, yəni İraqın Küveytə hücümunun ardınca ABŞ və digərləri Fars körfəzi regionuna ordu yeridən kimi o yeddibaşlı və təhlükəli ilan və çirkli xərçəng tez öz pəncələrini açıb evlərini işğal etdiyi müsəlmanlarla belə rəftar edir.

Məncə, fələstinli gənclər tərəfindən sionizm dövlətinə qarşı daxili təzyiq olmasaydı, sionizmin bu xəbis başçıları Fars körfəzindəki hay-küydən istifadə edib indiyə qədər Livanın yarısını tutmuşdular. Əvvəl başladılar, lakin daxili təzyiq – bu mömin və cəsarətli gənclərin əliboş və məzlumcasına hücumu onları öz yerlərində oturtdu. Məsələnin başqa bir üzü budur. Yəni işğal olunmuş torpaqlar daxilində İslam hərəkətinin zirvəsinə görə sionistlərin qəzəblənməsi.⁹⁹

Fələstin barədə İslam dünyası bu məsələyə çox diqqət yetirməlidir: 11 sentyabr hadisəsindən, Nyu-York və Vaşinqtonda bəzi obyektlərə hücumdan, xalqın diqqətinin o məsələlərə yönəlməsindən və bunun ardınca baş verən Əfqanıstan hadisələrindən sonra Fələstin məsələsi diqqətdən kənarda qaldı və sionizm rejimi bu diqqətsizlikdən maksimum sui-istifadə etdi. Sionizm rejimi son bir neçə ayın şiddətli təzyiqlərindən və ardıcıl cinayətlərindən sonra elə bir vəziyyət yaradıb ki, döyüş texnikaları və tankla fələstinlilərin evlərinə daxil olur və çəkinmədən cinayət törədir. Sionistlər bu hadisələrdən maksimum istifadə etdilər. İslam dünyası diqqət yetirməli və məsuliyyəti hiss etməlidir.¹⁰⁰

Fars körfəzində baş verən son hadisələr İslam dünyasının Fələstin məsələsindən bir qədər xəbərsiz qalmasına səbəb oldu. Bu isə sionistləri fürsətdən istifadə etməyə və Fələstin xalqına qarşı təzyiqləri artırmağa həvəsləndirdi. Əvvəla, müxtəlif ölkələrdən əcnəbilərin müqəddəs və müsəlman Fələstin torpağına sarı axışmasını təmin etdi. İslam hökumətləri və xalqları bilmədilər. Bilsəydilər də, bir çox dövlətlər əsla narahatlıq hissi keçirməzdilər. Böyük bəla budur. İkincisi isə bu ixlaslı və sədaqətli mübarizlər, evlərində qərib olan bu məzlum müsəlmanlar, son 3 ildə Fələstin intifazəsini yaradan şəxslər ən ağır təzyiqlərə məruz qaldılar. Elə bir gecə və gündüz yoxdur ki, bu məzlum müsəlmanlara təzyiq göstərməklə İslam cəmiyyətinə zərbə vurulmasın.

Sözsüz ki, mübarizə davam edir, lakin mühüm olan budur ki, İslam dünyası Fələstin məsələsini unutmasın, xalqlar Fələstin məsələsini yaddan çıxarmasınlar. ABŞ, hegemonizm və sionsitlərin daimi himayədarları müsəlmanlara bunu zorla unutdurmaq istəyirlər. Siz qoymamalısınız, İslam ümməti və İran xalqı qoymamalıdır.¹⁰¹

İsrailin sülhə ehtiyacı

İsrailin məqsədi böyüməkdir. Sionizm dövləti indiki Fələstin torpaqları ilə qane olmur. Əvvəl bir qarış yer istəyirdilər, sonra Fələstin torpağının yarısını tutdular, daha sonra bütün Fələstin torpaqlarını tutdular. Bundan sonra Fələstinin İordaniya, Suriya və Misir kimi qonşu ölkələrinə təcavüz etdilər, onların torpaqlarını tutdular. İndi də sionizmin əsas məqsədi Böyük İsrail yaratmaqdır. Əlbəttə, bu günlər bunun adını az çəkirlər, bunu gizlətməyə çalışırlar. Yenə də ictimai rəyi aldadırlar. İndiki mərhələdə özlərinin ekspansionist məqsədlərini gizlətməyə ehtiyacları var.

Bu gün sionistlər sülhə çox ehtiyaclıdırlar. Çünki 1947-ci ildən 1967-ci ilə qədər mübarizə yox idi. Həmin 20 il yaxşı ötdü, sonra isə silahlı mübarizələr başlandı. Bu silahlı mübarizələr Fələstin torpağının xaricindən idi. Fələstin Azadlıq Təşkilatının və digər qrupların qərargahı İordaniyada, Suriyada, yaxud başqa yerlərdə idi; qruplar göndərir, hücum edir, zərbə vurur və geri çəkirdilər. Fələstin torpaqları daxilində mübariz təşkilat formalaşmamışdı. Fələstin daxilində xalq qorxur və heç bir iş görə bilmirdi.

Odur ki, bunlar indi region ölkələri ilə necə olsa, sülh məsələsini bitirib öz daxili məsələləri ilə məşğul olmağa məcburdurlar. Fələstin Azadlıq Təşkilatı ilə dırnaqarası sülh və Ərəfat məsələsi də bunun davamıdır. Onlar sülh sazişinə bir fələstinli ünsürü daxil edib bununla işğal olunmuş torpaqlar daxilindəki mübariz fələstinliləri sakitləşdirməyə çalışdılar, amma bacarmadılar. Bu gün belə olan halda daha işğalçı sionizm dövləti özünün əsas məsələsini - «Nildən Fərata qədər» ekspansiya məqsədini irəli sürməyə cürət etmir. Batil gümanlarına əsasən, sionistlərə vəd verilmiş torpaq Nil çayından Fərata qədər uzanır. Nə qədərini almayıblarsa, bundan sonra almalıdırlar. Proqramları budur, lakin söyləməyə cürət etmirlər.¹⁰²

Sionistlərin ekspansionist xisləti

Bir gün işğalçı sionistlər dünyanın ozamankı müstəmləkəçi gücü olan İngiltərənin himayəsi ilə gəlib İslam ölkələrinin ürəyində və həssas Fələstin torpaqlarında bir küncü tutdular. Sonra da dövlət qurmaq iddiası edib ev sahiblərini qovdular. Ondan sonra daim ora-bura hücum və təcavüz etdilər, torpaqları genişləndirdilər və bütün Fələstin torpaqlarını, İordaniyanın, Livanın və Suriyanın bir hissəsini işğal etdilər.

Bu gün onların qəsbkar işğalı Fələstinə məxsus deyil. Əgər bacarsalar, bu təcavüzü və ekspansiyanı yenə də davam etdirərlər. Bu gün dünyada onlar üçün münasib şərait yoxdur. Hələlik səbir edirlər, amma şəraitin münasib olduğunu və bacaracaqlarını hiss edən kimi yenə təcavüzü davam etdirəcəklər.

Onlar bu gün əllərində olanlarla qane deyillər, düşünürlər ki, o tərəfdən Mədinəyə, bu tərəfdən Fərata qədər ərazilər onlara məxsusdur. Onlar kifayət qədər su mənbələrinə malik olan əzəmətli ölkə istəyirlər. Onlar öz ətraf ölkələrinin hamısına və bütün Orta Şərq regionuna iqtisadi, siyasi, hərbi və ictimai baxımdan hakim olmaq fikrindədirlər. Onlar bu gün əllərində olanlarla kifayətlənmirlər.

Bu gün işğalçı sionistlər özlərini ərəb ordularının hücumundan – bu, bir neçə il öncəyə qədər real idi - xilas etdikdən sonra digər ölkələrin iqtisadi və siyasi zonalarına əl uzatmaq fikrinə düşmüşlər; o da yenə ABŞ-ın təzyiqi ilə. ABŞ ixtiyarında olan müxtəlif rıçaqlarla, insan hüquqları kimi siyasi yollarla, beynəlxalq qurumlara və iqtisadi fondlara müdaxilə kimi yollarla Fələstin bölgəsinin ətraf ölkələrinin və hətta ucqar ölkələrin hər birinə o qədər təzyiq göstərir ki, İsraillə əlaqəsi olmayan zəif hökumətlər bu işğalçı rejimlə əlaqə qurmağa, əlaqəsi olanlar da onu gücləndirməyə məcbur olsunlar. Bu təzyiq ondan ötrüdür ki, yolu açsın və işğalçı İsrail ölkələrə daxil olsun, orada iqtisadi və ticari fəaliyyətlər göstərsin, ölkələrin sərvət mənbələrinə hakim olsun. Bu, böyük bir təhlükədir və bu gün müsəlmanları təhdid edir.¹⁰³