5. Tədrisin keyfiyyətinin qiymətləndirməsi və monitorinqi. Tələbələr semestrin sonunda tədris aparan müəllimlər və tədris ili ilə bağlı anonim sorğularda iştirak edirlər. Bu zəruri və şəffaf bir prosedurdur. Əlavə olaraq tələbələr anonim sorğu zamanı təklif və qeydlərini bildirirlər.
6. Tapşırıqlar siyasəti:
Tapşırıqların verilməsi və qəbulu: Tapşırıqlar vaxtında tələbəyə təqdim olunmalı və nəzərdə tutulmuş müddətdə icra olunaraq, təhvil verilməlidir. Gecikdirilmiş tapşırıq qəbul edilməyəcək.
Təqdimatlar:Mövzu üzrə təqdimatlar, layihələr, hesabatlar və digər tapşırıqlar akademik saat ərzində təqdim olunur. Onların qiymətləndirilməsi də dərs zamanı aparılır.
Tələbənin müstəqil işi üçün tapşırıqlar:
Semestr ərzində 1 və ya 2 sərbəst iş (fənnin məzmununa görə müəllim tərəfindən müəyyən edilir) tapşırığı verilir, hər tapşırığın yerinə yetirilməsi 10 balla qiymətləndirilir. Sərbəst işin qiyməti isə onların ədədi ortası kimi hesablanır. Sərbəst işin mövzuları - qiymətləndirmə üsulu şifahi sorğu olduqda - əlyazma (referat), təqdimat olduqda isə Power Point təqdimatı formasında təhvil verilməlidir. Sərbəst iş tələbənin fərdi fikirlərinin nəticəsi olduğundan plagiat yolverilməzdir.
Tələbənin sərbəst işinin növü və forması (fərdi, komanda, qrup tapşırığı və s.) fənni tədris edən müəllim tərəfindən müəyyən edilir.
Yazı işlərinin və təqdimatların tərtibi qaydaları və qiymətləndirilməsi
