Resursları bölüşdürmə rolu. Menecerlər müxtəlif layihələr yaxud proqramlar arasında prioritetləri müəyyənləşdirərək, həmin prioritetlər əsasında təşkilatın müxtəlif fəaliyyətlərinə büdcə ayırırlar.
Danışıqların aparılması rolu. Menecerlərin bu rolu onlara təşkilatları daxilində yaxud xaricində aparılan danışıqlar yaxud razılaşmalar zamanı təşkilatlarını təmsil etmə səlahiyyətini verir. Onlar müqavilə bağlanması üzrə danışıqlar aparırlar. Satış üzrə menecerlər vacib müştərilərilə qiymətlər üzrə danışıqlar apara bilərlər. Alış üzrə menecerlər isə qiymətlər üzrə danışıqları podratçılarla apara bilərlər.
Sadaladığımız bu 10 rolun hamısı menecerin fəaliyyətində vacibdir və menecerlik mövqeyindən asılı olaraq bir rol digərlərindən bəzən daha çox təsir gücünə malik olsa da, yuxarıdakı bütün rollar bir-biriləri ilə sıx əlaqəlidir. Misal üçün, satış meneceri daha çox şəxslərarası rollara əhəmiyyət verdiyi halda, istehsalat meneceri daha çox qərarverici rollara əhəmiyyət verə bilər.
